Ua tatarahapa vetahi i te tiaturiraa i te taata. E rave rahi tei faaea i te tiaturi . . .

•   i te mau tia poritita o te haapao na mua i to ratou maitai, eiaha râ to te huiraatira.

•   i te mau vea o te ore e faaite i te parau mau.

•   i te mau aivanaa o te ore e imi i te maitai o te taata.

•   i te mau tia haapaoraa o te faaô i roto i te ohipa poritita e ua tuu i te Atua i te hiti.

 Ua tano te taata i te haapao maitai o vai ta ratou e tiaturi. Te faaara mai ra hoi te Bibilia:

•   “Eiaha outou e tiaturi i te huiarii e i te tamaiti a te taata nei, o te ore e nehenehe e faaora.”—Salamo 146:3.

  Te faaite ra te Bibilia o vai ta oe e nehenehe e tiaturi, oia hoi o Iesu Mesia. E ere noa oia i te hoê taata maitai o tei ora ahia ˈtura matahiti i teie nei. Ua maitihia oia e te Atua ei “Arii . . . e e ore roa ta ˈna Faatereraa arii e mou.” (Luka 1:32, 33) O Iesu te Arii o te Basileia o te Atua, oia hoi te hoê faatereraa o te faatere ra mai te raˈi mai.—Mataio 6:10.

•   No te ite no te aha mea tano ia tiaturi ia Iesu, a taio i teie na tumu parau “O vai te Arii o te Faatereraa arii a te Atua?” e “Eaha ta te Faatereraa arii a te Atua e rave?”