I te 27 no Tenuare 2023, e rave rahi taata o te faatupu i te mahana haamanaˈoraa o te Taparahiraa a te mau Nazi na te ao nei. E nehenehe te mau ohipa ino mau tei tupu hau atu 75 matahiti e turai ia outou ia ui, no te aha te Atua i vaiiho ai ia tupu teie Taparahiraa a te mau Nazi.

•   No te ite eaha ta te Bibilia e parau ra, a taio i te tumu parau “No te aha te Taparahiraa a te mau Nazi i tupu ai? No te aha te Atua i vaiiho ai ia tupu te reira?”

 O te mau ati Iuda tei mauiui rahi no teie Taparahiraa a te mau Nazi. E e mirioni taata o tei haapohehia. E te vai atoa ra te tahi atu mau pǔpǔ taata tei hamani-ino-hia e tei haapohehia i tera Taparahiraa a te mau Nazi. E i rotopu ia ratou, te vai ra te mau Ite no Iehova tei hamani-ino-hia no to ratou faaroo.

•   No te ite atu â, a taio i te tumu parau “Eaha ta te mau Ite no Iehova i faaruru i te tau o te Taparahiraa a te mau Nazi?”

 E rave rahi taata o te mǎtaˈu ra e tupu faahou teie ohipa mai te Taparahiraa a te mau Nazi. Auaˈe râ, te fafau nei te Bibilia eita teie huru ohipa e tupu faahou mai.

•   “‘Ua ite maitai hoi au i te mau manaˈo ta ˈu e manaˈo ra no outou,’ te parau ra Iehova, ‘e manaˈo hau, e ere i te manaˈo ati, no te horoa ˈtu i te tahi oraraa no a muri aˈe e te tahi tiaturiraa.’”—Ieremia 29:11. a

 E tupu mai teie tiaturiraa ia faaore te Atua ra Iehova i te ino e te fifi ta te reira e faatupu. Fatata oia:

•   I te haamou i te feia ino o te haamauiui ra i te tahi atu.—Maseli 2:22.

•   I te tamahanahana i te feia o te mauiui ra.—Apokalupo 21:4.

•   I te faahoˈi mai i te ora te feia tei pohe i te fenua nei.—Ioane 5:28, 29.

 E nehenehe outou e tiaturi i te poroi mahanahana a te Bibilia. No te ite no te aha, te titau manihini nei matou ia outou ia ani i te hoê haapiiraa Bibilia tamoni ore.