Amosa 8:1-14
8 Teie ta te Arii hau ê e Fatu ra o Iehova i faaite ia ˈu: e farii maa hotu o te tau auhune ta ˈu i ite.
2 Na ô maira oia ia ˈu: “Eaha ta oe e ite ra Amosa?” Pahono atura vau: “E farii maa hotu o te tau auhune.” Na ô maira Iehova ia ˈu: “Ua tae te hopea no to ˈu nunaa o Iseraela. Eita vau e faaore faahou i ta ratou hara.+
3 ‘I tera mahana, e taui te mau himene o te hiero ei auê,’+ te na reira mai ra te Arii hau ê e Fatu ra o Iehova. ‘Mea rahi te tino pohe e faaruehia i te mau vahi atoa.+ A mamû!’
4 A faaroo mai i teie parau, outou o te taataahi ra i te feia veveE o te faaore ra i te feia mǎrû o teie fenua,+
5 O te parau ra: ‘Afea te oroa o te avaˈe apî e hope ai,+ ia hoo atu matou i ta matou mau huero maa,E te Sabati,+ ia rave matou i ta matou mau huero maa no te hoo atu?
E nehenehe ïa matou e faaohipa i te faito epha* huˈa aˈeE te sekela* teiaha aˈe,A faahape atu ai i ta matou mau faito no te taviri i te taata.+
6 E nehenehe ïa matou e hoo mai i te feia riirii i te arioE te feia veve i na tiaa e piti,+A hoo atu ai i te pehu o te huero maa.’
7 Ua horeo Iehova i te Teoteo o Iakoba:+‘Eita roa e moˈe ia ˈu te mau ohipa ta ratou i rave.+
8 No reira, e aueue teie fenua,E e oto te taata atoa e parahi ra i reira.+
Eita anei te fenua e maraa mai te anavai Nile?E maraa oia a topa faahou mai ai i raro mai te anavai Nile i Aiphiti.’+
9 ‘I tera mahana,’ te na reira mai ra te Arii hau ê e Fatu ra o Iehova,‘E faatopa vau i te mahana i te avatea,E e haapoiri au i te fenua a ao noa ˈi.+
10 E taui au i ta outou mau oroa ei otoraa,+E ta outou mau himene atoa ei himene oto.
E tuu vau i te ahu oto i nia i te mau tauupu atoa e e hahuhia te mau upoo atoa.E au ta ˈu e faatae i nia ia outou i te otoraa i te hoê tamaiti otahi,E e riro te hopea o tera mahana ei mea mauiui mau.’
11 ‘Inaha,’ te na reira mai ra te Arii hau ê e Fatu ra o Iehova, ‘te fatata mai ra te mahanaE faatae mai ai au i te oˈe i teie fenua.Eita te taata e hinaaro i te maa e te pape,E hinaaro ru râ ratou e faaroo i te parau a Iehova.+
12 E peretete ratou mai tera miti i tera mitiE mai apatoerau e tae atu i hitia o te râ.*
E imi haere ratou i te parau a Iehova, eita râ e itea mai ia ratou.
13 I tera mahana, e matapoirihia te mau tamahine apî* haviti,Te mau tane apî atoa, no to ratou hinaaro i te pape.
14 Te feia e horeo ra i te hara a Samaria+ a parau ai:“Te ora nei to oe atua, e Dana!”+
E: “Te vai ra iho â te purumu e tae atu ai i Beere-seba!”+
E hiˈa ratou, e eita ratou e tia faahou mai.’”+
Nota i raro i te api
^ Hiˈo i te tuhaa hau B14.
^ Hiˈo i te tuhaa hau B14.
^ Aore ra “te hitiraa o te mahana.”
^ Heb: “aita i taoto aˈenei i te tane.”
