Ezekiela 27:1-36
-
Oto i te taahuriraa o te pahi ra o Turia (1-36)
27 Tae faahou maira te parau a Iehova ia ˈu, a na ô ai:
2 “Area oe, tamaiti a te taata, a himene i te tahi himene oto no Turia,+
3 e a parau ia Turia:‘Oe te parahi ra i te mau tomoraa o te moana,Te taata tapihoo o te mau nunaa o te motu e rave rahi,Teie ta te Arii hau ê e Fatu ra o Iehova e parau ra:
“E Turia, o oe tei parau: ‘Ua hope roa vau i te haviti.’+
4 Tei ropu i te moana to oe mau tuhaa fenua,E na to oe feia patu i faahope roa i to oe haviti.
5 Ua hamani ratou i to oe mau raau pahi atoa i te berusi no Senira,+E ua rave ratou i te tahi tumu arezi no Lebanona no te hamani i to oe tira.
6 Ua hamani ratou i ta oe mau hôe i te alona no Basana,E e tasura tapirihia i te ivori no te mau motu o Kitima+ to oe muaraa pahi.
7 E lino araaraa no Aiphiti te ahu no to oe ie,E taura ninamu e e huruhuru mamoe vareau no te mau motu o Elisa+ to oe tamaru tahua pahi.
8 O to Sidona e to Aravada+ to oe feia hôe.
O to oe iho mau taata aravihi, e Turia, to oe mau mataro.+
9 Na te mau taata tehu* e te aravihi no Gebala+ i pǎte i to oe mau raau pahi ia ore te pape ia tomo.+
Pauroa te pahi o te moana e to ratou mau ihitai tei haere mai ia oe no te tapihoo.
10 E feia no Peresia, Luta e Puta+ to roto i ta oe nuu, ta oe mau aito.
E faatautau ratou i ta ratou mau paruru e to ratou mau taupoo auri i ǒ oe, a faahanahanahia ˈtu ai oe.
11 I tia na to Aravada o ta oe nuu i nia i to oe mau patu ati aˈe,E e feia itoito tei paruru na i to oe mau pare.
I faatautau na ratou i te mau paruru menemene ati aˈe to oe mau patuE i faahope roa na i to oe haviti.
12 “‘“Ua tapihoo Taresisa+ e o oe no te rahi o ta oe faufaa.+ Ua taui ratou i te ario, te auri, te bidila e te tapau i ta oe mau faufaa.+
13 Ua tapihoo Iavana, Tubala+ e Meteka+ e o oe, a taui ai i te tîtî+ e te taoˈa veo i ta oe mau taoˈa hoo.
14 Ua taui te huaai o Togarama+ i te puaahorofenua, te puaahorofenua tamaˈi e te pheradi i ta oe mau faufaa.
15 Ua tapihoo to Dedana+ e o oe. Ua tihepu oe i te feia tapihoo i nia e rave rahi motu. Ua horoa mai ratou na oe i te ivori+ e te raau ereere taa ê ei ô titauhia.
16 Ua tapihoo Edoma e o oe no te rahi o ta oe mau taoˈa. Ua horoa mai ratou i te nepheka, te huruhuru mamoe vareau, te ahu nira-faanehenehe-hia araaraa, te ahu maitai roa, te toˈa, e te adama ei taui i ta oe mau faufaa.
17 “‘“Ua tapihoo Iuda e te fenua o Iseraela e o oe, a horoa mai ai i te sitona no Minita,+ te maa maitai, te meri,+ te hinu e te zuri+ ei taui i ta oe mau faufaa.+
18 “‘“Ua tapihoo Damaseko+ e o oe no te rahi o ta oe mau taoˈa e no ta oe mau faufaa atoa, a hoo atu ai i te uaina no Helibona e te huruhuru mamoe no Zahara.*
19 Ua horoa mai Vedana e Iavana no Uzala i te auri tupaihia, te kade, e te aeho noˈanoˈa* ei taui i ta oe mau faufaa.
20 Ua tapihoo Dedana+ e o oe i te ahu no te parahi i nia i te animara.*
21 Ua tihepu oe i te Arabia e pauroa te raatira o Kedara,+ e feia hoo fanauˈa mamoe, mamoe oni e puaaniho.+
22 Ua tapihoo te feia tapihoo no Seba e Raama+ e o oe. Ua horoa mai ratou i te mau faanoˈanoˈa atoa ua rau te huru, te ofai maitai roa e te auro ei taui i ta oe mau faufaa.+
23 O Harana,+ o Kane, o Edene,+ te feia tapihoo no Seba,+ o Asuhura+ e Kilimada tei tapihoo e o oe.
24 I nia i to oe mau mahora, ua tapihoo ratou i te ahu nehenehe, te ahu tapoˈi ninamu nira-faanehenehe-hia e te araaraa, e te vauvau û rau, ua taamuhia pauroa te reira i te taura.
25 Na te mau pahi no Taresisa+ i faauta i ta oe mau taoˈa hoo,I î ai e i tomo roa ˈi* oe i ropu i te moana tarere.
26 Ua afai to oe feia hôe ia oe na te moana arepurepu.Ua faataahuri te mataˈi no hitia o te râ ia oe i ropu i te moana i tua.
27 Ta oe mau faufaa, ta oe mau taoˈa, ta oe mau taoˈa hoo, to oe mau ihitai e to oe mau mataro,Te feia tei pǎte i to oe mau raau pahi ia ore te pape ia tomo, te feia tei tapihoo e o oe,+ e pauroa te aito,+Te nahoa* taatoa i ǒ oe,E tomo ratou pauroa i raro roa i te moana i tua i te mahana o to oe toparaa.+
28 Ia tuô to oe mau mataro, e aueue te fenua na tatahi.
29 Pauroa te taata hôe, te ihitai e te mataroTe pou mai nia mai i to ratou mau pahi e te tia i nia i te fenua.
30 E faateitei ratou i to ratou reo e e tuô ratou ma te peapea rahi no oe+A taora ˈi ratou i te repo i nia i to ratou upoo e a taaviriviri ai i roto i te rehu.
31 E haapahure ratou i to ratou upoo e e oomo ratou i te ahu oto.E taˈi roa ratou* ia oe ma te auê rahi.
32 A oto ai ratou, e himene ratou i te tahi himene oto e e auê ratou no oe:
‘O vai mai ia Turia, o te mamû noa i teie nei i ropu i te moana?+
33 I te tapaeraa mai ta oe mau faufaa na te moana i tua, ua mauruuru e rave rahi nunaa ia oe.+
I te rahi o ta oe faufaa e ta oe mau taoˈa hoo, ua taoˈahia te mau arii o te fenua.+
34 I teie nei ua tomo oe i roto i te moana i tua, i te hohonuraa o te moana,+E pauroa ta oe taoˈa hoo e to oe mau taata atoa tei tomo na muri ia oe.+
35 Pauroa to te motu te hiˈo ia oe ma te maere,+E e rûrû to ratou mau arii no te mehameha,+ e itehia te peapea i nia i to ratou hohoˈa mata.
36 E hio te feia tapihoo i rotopu i te mau nunaa no tei roohia e oe.
Mea tupu taue noa e te riaria to oe hopea,E e mou oe e a muri noa ˈtu.’”’”+
Nota i raro i te api
^ Heb: “ruhiruhia.”
^ Aore ra “te huruhuru mamoe rehu mauteute.”
^ Aore ra “kane monamona.”
^ Aore ra “ahu raraahia.”
^ Huri-atoa-hia “faahanahanahia ˈi.”
^ Heb: “amuiraa.”
^ Aore ra “E taˈi ratou ma te aau ahoaho.”
