Ezera 10:1-44
10 Te pure ra+ e te faˈi ra Ezera i te hara, a taˈi ai e a tuturi ai i raro i mua i te fare o te Atua mau. Putuputu aˈera ati aˈe ia ˈna hoê nahoa rahi, no Iseraela, e tane e vahine e e tamarii, te auê ra hoi te nunaa.
2 Parau maira Sekania te tamaiti a Iehiela+ no te mau tamaiti a Elama+ ia Ezera: “Ua taiva matou i to tatou Atua a faaipoipo ai* i te vahine ěê no te mau nunaa o teie fenua.+ Atira noa ˈtu râ, te vai ra â te tiaturiraa no Iseraela.
3 I teie nei, e faaau anaˈe i te tahi faufaa i to tatou Atua+ no te faahoˈi pauroa te vahine faaipoipo e ta ratou i fanau, ia au i te aratairaa a Iehova e ta te feia e faatura ra i* te faaueraa a to tatou Atua.+ E haa anaˈe ia au i te Ture.
4 A tia i nia, e hopoia hoi na oe tera ohipa, e e turu matou ia oe. Ia itoito oe e a ohipa.”
5 Tia aˈera Ezera e faahoreo atura i te mau tahuˈa aratai, te ati Levi e to Iseraela taatoa ia rave mai tei parauhia.+ Horeo aˈera ïa ratou.
6 Tia aˈera Ezera mai mua mai i te fare o te Atua mau e haere atura i te piha o* Iehohanana te tamaiti a Eliasiba. Noa ˈtu ua haere oia i reira, aita oia i amu i te maa e i inu i te pape, te oto ra hoi oia no te taivaraa te nunaa tei hopoi-ê-hia na.+
7 Faataehia ihora te tahi poroi na Iuda e Ierusalema taatoa ia putuputu pauroa tei hopoi-ê-hia na i Ierusalema,
8 e ia au i te faaotiraa a te huiarii e te mau matahiapo, te taata atoa o te ore e haere mai ia hope e toru mahana, e haru-pauroa-hia ta ˈna faufaa, e e tiavaruhia oia i rapae i te amuiraa o te nunaa tei hopoi-ê-hia na.+
9 Putuputu aˈera ïa pauroa te tane no te opu o Iuda e to Beniamina i Ierusalema e toru mahana, oia hoi i te 20 o te mahana o te iva o te avaˈe. Te parahi noa ra te mau taata atoa i roto i te hoê aua o te hiero o te Atua mau, a rûrû noa ˈi no taua putuputuraa ra e no te ûa rahi.
10 Tia aˈera Ezera te tahuˈa i nia e na ô atura ia ratou: “Ua taiva outou a faaipoipo ai i te vahine ěê,+ e ua faarahi atu â ïa outou i te hapa a Iseraela.
11 I teie nei, a faˈi i ta outou hara ia Iehova te Atua o to outou mau tupuna e a rave i to ˈna hinaaro. A faataa ê ia outou i te mau nunaa o teie fenua e i teie mau vahine faaipoipo ěê.”+
12 Pahono maira te amuiraa taatoa ma te reo puai: “E rave iho â matou mai ta oe e parau ra.
13 Tera râ, mea rahi te taata, e e tau ûa teie. Eita e nehenehe e faaea noa i rapae, e e ere teie ohipa no hoê noa aore ra e piti mahana, mea rahi roa hoi matou tei orure hau i roto i teie ohipa.
14 No reira, a vaiiho na i to matou huiarii ia tia ˈtu no te amuiraa taatoa,+ e a vaiiho na i te feia atoa i roto i to matou mau oire tei faaipoipo i te vahine ěê ia haere mai i te hoê taime faataahia, e te mau matahiapo e te mau haava o te oire tataitahi e ia fariu ê roa matou i te riri iti rahi o to tatou Atua ia matou no teie ohipa.”
15 Patoi aˈera râ Ionatana te tamaiti a Asahela e Iahazeia te tamaiti a Tikava i te reira, e turu aˈera na ati Levi o Mesulama raua Sabetai+ ia raua.
16 Area te feia tei hopoi-ê-hia na, ua rave ïa i ta ratou i parau e rave. Putuputu aˈera ïa Ezera te tahuˈa e te mau upoo o te mau utuafare, pauroa tei faahitihia te iˈoa, i te mahana matamua o te ahuru o te avaˈe no te titorotoro.
17 I te mahana matamua o te avaˈe matamua, oti aˈera ia ratou i te faaafaro i te tupuraa o te mau tane atoa tei faaipoipo i te vahine ěê.
18 E ua itehia mai e ua faaipoipo vetahi o te mau tamaiti a te mau tahuˈa i te vahine ěê:+ no te mau tamaiti a Iesua+ te tamaiti a Iehozadaka e to ˈna mau taeae, o Maaseia, Eliezera, Iariba e Gedalia.
19 Tera râ, fafau aˈera ratou* e faahoˈi i ta ratou vahine faaipoipo, e i te mea ua hapa ratou, e pûpû ïa ratou tataitahi i te hoê mamoe oni o te nǎnǎ no ta ratou hapa.+
20 No te mau tamaiti a Imera,+ o Hanani raua Zebadia,
21 e no te mau tamaiti a Harima,+ o Maaseia, Elia, Semaia, Iehiela e Uzia,
22 e no te mau tamaiti a Pasura,+ o Elioenai, Maaseia, Isemaela, Netanela, Iosabada e Eleasa.
23 E no te ati Levi, o Iosabada, Simei, Kelaia (oia hoi Kelita), Petahia, Iuda e Eliezera,
24 e no te feia himene, o Eliasiba, e no te mau tiai uputa, o Saluma, Telema e Uri.
25 E no roto ia Iseraela, no te mau tamaiti a Parosa,+ o Ramia, Izia, Malakia, Miamina, Eleazara, Malakia e Benaia,
26 e no te mau tamaiti a Elama,+ Matania, Zekaria, Iehiela,+ Abadi, Ieremota e Elia,
27 e no te mau tamaiti a Zatu,+ o Elioenai, Eliasiba, Matania, Ieremota, Zabada e Aziza,
28 e no te mau tamaiti a Bebai,+ o Iehohanana, Hanania, Zabai e Atalai,
29 e no te mau tamaiti a Bani, o Mesulama, Maluka, Adaia, Iasuba, Seala e Ieremota,
30 e no te mau tamaiti a Pahata-moabi,+ o Adana, Kelala, Benaia, Maaseia, Matania, Bezaleela, Binui e Manase,
31 e no te mau tamaiti a Harima,+ Eliezera, Isihîa, Malakia,+ Semaia, Simiona,
32 Beniamina, Maluka e Semaria,
33 no te mau tamaiti a Hasuma,+ o Matenai, Matataha, Zabada, Elipheleta, Ieremai, Manase e Simei,
34 no te mau tamaiti a Bani, o Maadai, Amerama, Uela,
35 Benaia, Bedeia, Keluhi,
36 Vania, Meremota, Eliasiba,
37 Matania, Matenai e Iaasu.
38 e no te mau tamaiti a Binui, o Simei,
39 Selemia, Natana, Adaia,
40 Makenadebai, Sasai, Sarai,
41 Azarela, Selemia, Semaria,
42 Saluma, Amaria e Iosepha,
43 e no te mau tamaiti a Nebo, o Ieiela, Matitia, Zabada, Zebina, Iadai, Ioela e Benaia.
44 Ua rave teie mau tane atoa i te vahine faaipoipo ěê,+ e ua faahoˈi ratou i ta ratou vahine faaipoipo, e ta ratou mau tamarii.+
Nota i raro i te api
^ Aore ra “a rave ai i ǒ matou.”
^ Heb: “e rûrû ra no.”
^ Aore ra “piha tamaaraa a.”
^ Heb: “horoa aˈera ratou i to ratou rima.”
