Habakuka 1:1-17
1 E parau teie i tae mai ia Habakuka* te peropheta na roto i te hoê orama:
2 Ehia maororaa, e Iehova, e tiaoro ai au ia oe no te tauturu e eita oe e faaroo mai?+
Ehia maororaa e ani ai au ia oe i te tauturu e eita oe e faaora ia matou i te hamani-ino-raa?+
3 Eaha oe e faaite mai ai ia ˈu i te ohipa ino?
E no te aha oe e farii ai i te haavîraa?
No te aha teie haamouraa e hamani-ino-raa ati aˈe ia ˈu?
E no te aha teie mau tatamaˈiraa e aimârôraa?
4 Aita e mana to te ture,E aita roa te parau-tia e faatupuhia ra.
Te haaati ra hoi te feia ino i te feia parau-tia.No reira te parau-tia i faahuru-ê-hia ˈi.+
5 “A hiˈo na i rotopu i te mau nunaa, e a hiˈo eaha te tupu!
Ia maere outou, e ia huru ê outou.E tupu hoi te tahi ohipa i to outou mau mahanaO ta outou e ore e tiaturi, noa ˈtu e faatiahia ˈtu te reira ia outou.+
6 Te faahaere mai ra hoi au i te mau Kaladaio,+E nunaa taehae e te aroha ore.
Te purara nei ratou na te mau tuhaa fenua rarahiNo te haru mai i te vahi nohoraa e ere no ratou.+
7 Mea mehameha ratou e mea riaria.
E haamau ratou i ta ratou iho parau-tia e tei roto i to ratou rima te mana.*+
8 Mea vitiviti aˈe ta ratou mau puaahorofenua i te mau nemera,E mea taehae aˈe ratou i te mau luko i te po.+
Te haere mai ra ta ratou mau puaahorofenua ma te horo,No te atea roa mai ta ratou mau puaahorofenua.
Te haapou mai ra ratou mai te aeto e ru ra no te haru i ta ˈna maa.+
9 Te haere mai ra ratou paatoa no te hamani ino.+
Ia nuu amui ratou, e au ratou i te mataˈi no hitia o te râ,+E te haaputuputu ra ratou i te mau tîtî mai te one.
10 Te faaooo ra ratou i te mau ariiE te ata ra ratou i te mau tia mana.+
Te ata ra ratou i te mau pare etaeta:+Te hamani ra ratou i te hoê haapueraa repo a haru mai ai i te oire.
11 I muri iho e haere ê atu ratou, a nuu ai mai te mataˈi,E au râ ia faautuahia ratou no te mau ohipa ino ta ratou e rave ra,+Te parau ra hoi ratou no ǒ mai to ratou puai i to ratou atua ra.”*+
12 E ere anei oe mai tahito mai â, e Iehova?+
To ˈu Atua, Tei Moˈa, e ore oe e pohe.*+
E Iehova, ua rave oe ia ratou no te faatupu i ta oe faaotiraa haavaraa.To ˈu Mato,+ ua tuu mai oe ia ratou no te faautua.*+
13 Mea viivii ore roa hoi to mata no te hiˈo i te mea ino,E eita ta oe e nehenehe e farii i te ino.+
Eaha ïa oe e farii ai i te feia haavarevare,+A mamû atu ai ia horomii te hoê taata ino i te tahi atu mea tia aˈe ia ˈna?+
14 Eaha oe e faariro ai i te taata mai te iˈa o te tai,Mai te mau animara o te tai aita e raatira to ratou?
15 Te hi ra oia* ia ratou paatoa i te hoê mǎtau.
Te haru ra oia ia ratou i roto i ta ˈna upeˈa,E te haaputuputu ra oia ia ratou i roto i ta ˈna upeˈa tautai.
No reira oia e oaoa roa ˈi.+
16 No reira oia e pûpû ai i te tusia i ta ˈna upeˈaE e tutui ai i te tusia* no ta ˈna upeˈa tautai.Maoti hoi te reira i rahi ai ta ˈna tuhaa maa,E mea faahiahia roa ˈi ta ˈna maa.
17 E tamau anei ïa oia i te faaî i ta ˈna upeˈa a tatara ˈtu ai i tei noaa mai i roto?*
E tamau anei oia i te taparahi i te mau nunaa ma te aroha ore?+
Nota i raro i te api
^ “Tauahi” paha te auraa.
^ Aore ra “hanahana.”
^ Huri-atoa-hia “o to ratou atua to ratou puai.”
^ Huri-atoa-hia “e ore matou e pohe.”
^ Aore ra “tamaˈi.”
^ Oia hoi te enemi Kaladaio.
^ Aore ra “pûpû ai i te au auahi tusia.”
^ Huri-atoa-hia “i te huti i ta ˈna ˈoˈe?”
