Habakuka 2:1-20
2 E tia noa vau i to ˈu vahi tiairaa,+E tia vau i nia i te patu paruru.
E tiai au no te ite eaha ta ˈna e faaite na roto ia ˈuE eaha ta ˈu e pahono ia tamaˈihia vau.
2 Pahono maira ïa Iehova ia ˈu:
“A papai i teie orama e a nanaˈo maitai i te reira i nia i te pǎpǎ,+Ia nehenehe te taata e taio ohie* i te reira ma te reo puai.+
3 No to ˈna tau faataahia hoi teie orama,Te haere ru nei i to ˈna hopea* e eita te reira e haavare.
Ia taere noa ˈtu te reira, a tamau â i te tiai atu!+
No te mea e tupu mau â te reira.
Eita te reira e taere!
4 A hiˈo i te teoteo ra.E ere oia mea afaro.
E ora râ te taata parau-tia i to ˈna haapao maitai.*+
5 Inaha, mea haavarevare hoi te uaina,Eita te fa a te taata teoteo e naea.
E poia rahi to ˈna mai to te Apoo.*E, mai te pohe, eita roa oia e mâha.
Te tamau ra oia i te amui i te mau nunaa atoaE i te haaputuputu no ˈna i te mau nunaa atoa.+
6 Eita anei ratou paatoa e parau faaooo ia ˈna ma te faahiti i te parau paari, te faaauraa e te piri?+
E parau ratou:
‘Ua ati tei haapue i te mea e ere na ˈnaE o te ore e faaea i te faarahi i ta ˈna tarahu.Ehia â maororaa?
7 Eita anei te feia ta oe i tipee i te moni e tia taue mai?
E ara mai ratou a ueue uˈana ˈtu ai ia oe,E e riro oe ei taoˈa haru na ratou.+
8 E haru te toea o te mau nunaa i ta oe mau taoˈa,Ua haru hoi oe i te mau taoˈa a e rave rahi nunaa,+Ua haamanii hoi oe i te toto taataE ua hamani ino oe i te fenua,Te mau oire e te feia no reira.+
9 Ua ati tei imi i te faufaa ma te ravea piˈo no to ˈna utuafare,No te afai i to ˈna ofaaraa i nia roa,A ora ˈtu ai i te rima o te ati!
10 Ua roohia to utuafare i te haama i ta oe mau opuaraa ino.
Ma te haamou e rave rahi nunaa, ua hara oe ia oe iho.+
11 E tuô hoi te hoê ofai mai nia mai i te patu,E e pahono mai te hoê teˈa o te tapoˈi fare ia ˈna.
12 Ua ati tei patu i te hoê oire ma te haamanii i te toto,E tei haamau i te hoê oire ma te parau-tia ore.
13 Inaha! Ia faarohirohi te mau nunaa no te mau mea o te haere i roto i te auahi,E ia faarohirohi te mau nunaa ia ratou no te mau mea faufaa ore,+ e ere anei na Iehova o te mau nuu* i hinaaro i te reira?
14 E î hoi te fenua i te ite o te hanahana o IehovaMai te moana i î i te miti.+
15 Ua ati tei faainu i te tahi mea i to ˈna mau hoa,A tuu ai i te riri e te hae i roto no te faataero ia ratou,A mataitai atu ai i to ratou vai-tahaa-raa!
16 E î oe i te haama, eiaha râ i te hanahana.
A inu atoa oe, e a faaite roa mai aita oe i peritomehia.*
E haere atu te auˈa i roto i te rima atau o Iehova ia oe ra,+E e tapoˈi te haama i to hanahana.
17 E tapoˈihia oe e te ino i ravehia i nia ia Lebanona,E roohia oe i te haamouraa o tei haamǎtaˈu i te mau animara,Ua haamanii hoi oe i te toto taataE ua hamani ino oe i te fenua,Te mau oire e te feia no reira.+
18 Eaha te faufaaraa o te hoê tii taraihiaUa oti anaˈe i te taraihia e to ˈna taata hamani?
Eaha te faufaaraa o te hoê tii faatôhia* o te haapii ra i te parau haavare,Noa ˈtu e tiaturi to ˈna taata hamani ia ˈna?Te hamani ra oia i te atua faufaa ore e te vava.+
19 Ua ati tei parau i te hoê tâpû raau: “A ara mai!”
Aore ra i te hoê ofai vava: “A tia mai! A haapii mai ia matou!”
Inaha! Ua tapirihia te reira i te auro e te ario,+Aita roa ˈtu râ e aho to roto i te reira.+
20 Tei roto râ Iehova i to ˈna hiero moˈa.+
Ia mamû te fenua taatoa i mua ia ˈna!’”+
Nota i raro i te api
^ Aore ra “Ia hee noa te taioraa.”
^ Aore ra “tupuraa.”
^ Huri-atoa-hia “faaroo,” “tiaturiraa.”
^ Aore ra “sabaota.”
^ Huri-atoa-hia “e a peretete.”
^ Aore ra “faatahehia.”
