Hosea 10:1-15
10 “E au o Iseraela i te hoê tumu vine ino* o te horoa ra i te maa.+
Rahi atu â oia i te hotu, rahi atu â oia i te hamani i te fata.+Maitai atu â te maa ta to ˈna fenua e faatupu, unauna ˈtu â ta ˈna mau pou haamoriraa.+
2 Mea haavarevare* to ratou aau.I teie nei, e faahapahia ratou.
E vavahihia ta ratou mau fata e e tupararihia ta ratou mau pou.
3 I teie nei e parau ratou: ‘Aita to matou e arii,+ aita hoi matou i mǎtaˈu ia Iehova.
E eaha ta te hoê arii e nehenehe e rave no matou?’
4 E parau faufaa ore ta ratou e parau ra, e haavare ta ratou mau horeo,+ e te faaau ra ratou i te faufaa.E au ïa te haavaraa e oteo ra i te aihere taero e aere ra i roto i te hoê faaapu arotehia.+
5 E mǎtaˈu to Samaria no te idolo fanauˈa puaatoro o Bete-avena.+
E oto te nunaa i te reira,Mai te mau tahuˈa a te mau atua ěê o tei oaoa no te reira e no to ˈna hanahana,E hopoi-ê-hia hoi te reira ia ratou.
6 E hopoihia te reira i Asura ei ô na te hoê arii rahi.+
E faahaamahia Epheraima,E e haama Iseraela no te aratairaa ta ˈna i pee.+
7 E mou* Samaria e to ˈna arii,+Mai te hoê amaa iti i ofatihia e painu ra i nia i te pape.
8 E haamouhia te mau vahi teitei o Bete-avena,+ te hara a Iseraela.+
E tupu te raau taratara i nia i ta ratou mau fata.+
E parau te taata i te mau mouˈa: ‘A tapoˈi mai ia matou!’
E i te mau aivi: ‘A topa mai i nia ia matou!’+
9 Ua hara oe mai te tau mai â o Gibea,+ e Iseraela e.
I reira, ua onoono ratou i roto i to ratou haerea.
Aita te mau tamaiti a te parau-tia ore i mou roa* i te tamaˈi i Gibea.
10 Ia hinaaro vau, e aˈo atoa vau ia ratou.
E haaputuputu te tahi mau nunaa no te aro ia ratou,Ia taamuhia ta ratou na hapa e piti i nia ia ratou.*
11 Ua riro Epheraima mai te hoê puaatoro ufa apî o tei haapiihia i te taataahi i te huero maa, e ua au roa oia i tera ohipa.No reira vau i vaiiho noa ˈi i to ˈna aˈî nehenehe.
I teie nei, e tuu vau i te hoê taata no te faahoro* ia Epheraima.+
E arote Iuda e e haaparahurahu Iakoba i te repo no ˈna.
12 A ueue i te huero no outou i roto i te parau-tia e a ooti i te here taiva ore.
A arote no outou i te fenua e nehenehe e faaapuhia,+E taime â no te imi ia Iehova,+E tae noa mai oia a haapii atu ai ia outou i te parau-tia.+
13 Ua arote râ outou i te ino,Ua ooti outou i te parau-tia ore+E ua amu outou i te hotu o te haavare.Ua tiaturi hoi outou ia outou iho,E i to outou nahoa feia tamaˈi.
14 E maniania te faaroohia i roto i to outou nunaa,E e faaanohia to outou mau oire auahia i te patu,+Mai ia Salamana i faaano ia Bete-arebelaI te mahana aroraa, i te taparahiraahia te mau metua vahine i pihai iho i ta ratou mau tamarii.
15 E na reirahia oe, e Betela e,+ no to oe ino rahi.
I te aahiata, e mou* te arii o Iseraela.”+
Nota i raro i te api
^ Huri-atoa-hia “te toro ra te amaa.”
^ Aore ra “haavare.”
^ Heb: “haamamûhia.”
^ Heb: “noaa.”
^ Oia hoi ia amo ratou i ta ratou utua mai te hoê zugo.
^ Aore ra “taamu.”
^ Heb: “haamamûhia.”
