Hosea 13:1-16
13 “A paraparau ai Epheraima, ua rûrû te taata.E mana rahi to ˈna i Iseraela.+
Ua hara râ oia no te haamoriraa a Baala+ e ua pohe.
2 I teie nei, te rave noa ra ratou i te hara,E te hamani ra ratou i te tii faatôhia* i ta ratou ario.+Ma te aravihi, te hamani ra ratou i te idolo, e ohipa a te feia rimaî.
Te parau ra ratou: ‘Ia apa te feia e pûpû ra i te tusia i te mau fanauˈa puaatoro.’+
3 E riro ïa ratou mai te mau ata o te poipoi,Mai te hupe o te moˈe oioi,Mai te ota i te vahi tairiiriraa huero maa* tei pee i te veroE mai te au auahi e haere ra i rapae na roto i te auvaha o te tapoˈi fare.
4 O vau râ o Iehova to oe Atua mai Aiphiti mai â.+Aita oe i ite i te tahi atu Atua maori râ o vau,E aita ˈtu e faaora maori râ o vau.+
5 Ua ite au ia oe i te medebara,+ i te fenua o te paˈurâ.
6 Ua paia ratou i te maa o ta ratou faaapu,+Ua paia ratou e ua teoteo to ratou aau.
Mea na reira ratou i haamoˈe ai ia ˈu.+
7 E riro vau mai te hoê liona apî no ratou,+Mai te hoê nemera e tamoemoe ra piri i te purumu.
8 Ei nia vau ia ratou mai te hoê daba ua moˈe ta ˈna mau fanauˈa,E e hahae au i to ratou ouma.
E amu haapau vau ia ratou i reira mai te hoê liona.E faahuˈahuˈa te hoê animara oviri ia ratou.
9 E haamou oia ia oe, e Iseraela e,Ua patoi hoi oe ia ˈu, to oe tauturu.
10 Teihea ïa to oe arii, ia faaora oia ia oe i roto i to oe mau oire atoa,+E ta oe mau faatere,* ta oe i ani mai ma te parau:‘A horoa mai i te hoê arii e te tamaiti huiarii’?+
11 Ua horoa ˈtu vau i te hoê arii i roto i to ˈu riri,+E e rave ê au ia ˈna i roto i to ˈu riri uˈana.+
12 Ua puohuhia te hapa a Epheraima.Ua faahereherehia ta ˈna hara.
13 E roohia oia i te mauiui o te vahine e fanau ra.
E tamarii râ oia aita e paari to ˈna.I te taime fanauraa, eita oia e haere mai i rapae.
14 E hoo mai au ia ratou i te mana o te Apoo.*E faaora mai au ia ratou i te pohe.+
Teihea to oe mau tara, e te Pohe e?+
Teihea to oe mana haamou, e te Apoo e?+
E hunahia te aumihi i to ˈu mata.
15 Ia tupu ruperupe noa ˈtu oia i ropu i te mau aeho,E haere mai te hoê mataˈi no hitia o te râ, te mataˈi a Iehova,Mai te medebara te reira e haere mai ai, ia mǎrô ta ˈna apoo pape e ia pau ta ˈna pape pihaa.
E eiâ te reira pauroa ta ˈna taoˈa.+
16 E faahapahia Samaria,+ ua orure hau hoi oia i to ˈna Atua.+
E pohe ratou i te ˈoˈe,+E taparahihia ta ratou mau tamarii,E e atorehia ta ratou mau vahine hapû.”
