Hosea 4:1-19
4 E te nunaa o Iseraela, a faaroo i te parau a Iehova,E haavaraa hoi ta Iehova i te feia o teie fenua,+No te mea aita e parau mau, aita e here taiva ore e aita e ite i te Atua i teie fenua.+
2 Te mau horeo haavare, te haavare,+ te taparahiraa taata,+Te eiâ e te faaturi,+ ua parare ïa.Ua rahi roa te haamaniiraa toto.+
3 No reira te fenua e oto ai+E e paruparu roa ino to reira feia.Te mau animara oviri o te fenua e te mau manu o te raˈi,Te mau iˈa atoa o te tai, e pohe ïa.
4 “Tera râ, eiaha hoê ia faahapa aore ra ia aa ia outou,+E au hoi outou i te feia e aa ra i te hoê tahuˈa.+
5 E turori ïa outou a ao noa ˈi,E e turori te peropheta e o outou, mai te mea ra e ua po.
E e haamamû* vau i to outou metua vahine.
6 E haamamûhia* to ˈu nunaa, aita hoi ratou i ite o vai au.
No te mea aita outou i hinaaro e ite o vai au,+E patoi atoa vau ia outou ia ore outou ia tavini faahou ei tahuˈa na ˈu.E no te mea ua haamoˈe outou i ta ˈu ture,*+E haamoˈe atoa vau i ta outou mau tamaiti.
7 Haere atu â ratou i te rahiraa, rahi atu â ta ratou hara ia ˈu.+
E taui au i to ratou hanahana ei haama.*
8 E maa na ratou* te hara a to ˈu nunaa,E te nounou ra ratou i ta ratou hape.
9 Te nunaa e te tahuˈa atoa,E haava vau ia ratou no to ratou haerea,E e faautua vau ia ratou no ta ratou mau ohipa.+
10 E tamaa ratou, eita râ e paia.+
E tauiui ratou i te apiti,* eita râ ratou e haere i te rahiraa,+No te mea aita ratou i faatura aˈe ia Iehova.
11 Te taiata,* te uaina e te uaina apî,Na tera e tinai i te hinaaro e rave i te mea tia.*+
12 Te ui nei to ˈu nunaa i ta ratou mau idolo raau,A rave ai i ta ta ratou raau* e parau ia ratou ia rave.Te faahahi ê ra hoi to ratou hinaaro e taiata* ia ratou,E na roto i ta ratou taiataraa,* te patoi ra ratou i te auraro i to ratou Atua.
13 I nia i te mau tupuai mouˈa, te pûpû ra ratou i te tusia,+E te faahaere ra ratou i te au auahi o ta ratou mau tusia i nia, i nia i te mau aivi,I raro aˈe i te mau tumu alona, te mau tumu lebene e te mau tumu rarahi atoa,+Mea au hoi to ratou marumaru.
No reira ta outou mau tamahine e taiata ˈi*E ta outou mau hunoa vahine e faaturi ai.
14 Eita vau e haava i ta outou mau tamahine no ta ratou ohipa taiata,*E i ta outou mau hunoa vahine no ta ratou ohipa faaturi.
Te haere nei hoi te mau tane na muri i te mau vahine taiataA pûpû atu ai i te tusia na muri i te mau vahine taiata.*E mou te hoê nunaa maramarama ore+ mai ia ratou.
15 Noa ˈtu te taiata ra oe,* e Iseraela e,+Eiaha Iuda ia hara.+
Eiaha e haere mai i Gilagala+ e i Bete-avena,+E eiaha e horeo i te ora o Iehova.+
16 Ua riro hoi Iseraela mai te hoê puaatoro ufa i te faaroo ore,+
E aupuru anei ïa Iehova ia ratou mai te hoê mamoe oni apî i te hoê vahi aihere ateatea?*
17 Ua ati maite Epheraima i te mau idolo.+
A vaiiho noa ˈtu ia ˈna!
18 Ua pau anaˈe ta ratou pia,E tauiui ratou i te apiti.*
E e hinaaro rahi to ta ratou mau aratai* i te haama.+
19 E puohu* te mataˈi ia ˈna i to ˈna nau pererau,E e haama ratou i ta ratou mau tusia.”
Nota i raro i te api
^ Aore ra “haamou.”
^ Aore ra “haamouhia.”
^ Aore ra “haapiiraa.”
^ Huri-atoa-hia “ua taui ratou i to ˈu hanahana ei haama.”
^ Oia hoi te mau tahuˈa.
^ Aore ra “E rave ratou i te peu taotoraa tia ore,” “E taiata ratou.”
^ Heb: “Na tera e iriti ê i te aau.”
^ Aore ra “haerea tia ore,” “tauiuiraa i te apiti.”
^ Aore ra “raau no te peu hiˈohiˈo.”
^ Aore ra “haerea tia ore,” “tauiui i te apiti.”
^ Aore ra “to ratou haerea tia ore,” “tauiuiraa i te apiti.”
^ Aore ra “tauiui ai i te apiti,” “e haerea tia ore to ta outou mau tamahine.”
^ Aore ra “to ratou haerea tia ore,” “tauiuiraa i te apiti.”
^ Heb: “taiata o te hiero.”
^ Aore ra “e haerea tia ore to oe,” “te tauiui ra oe i te apiti.”
^ Heb: “vahi ateatea?”
^ Aore ra “E rave ratou i te peu taotoraa tia ore,” “E taiata ratou.”
^ Heb: “paruru.”
^ Aore ra “rave.”
