Hosea 5:1-15
-
Haavaraa i nia ia Epheraima e Iuda (1-15)
5 “A faaroo mai, e te mau tahuˈa e,+A faaroo mai, e te nunaa o Iseraela,A faaroo mai, e te utuafare o te arii,No outou hoi teie haavaraa.E marei hoi outou no MizepaE e upeˈa hohorahia i nia ia Tabora.+
2 Ua tautoo te feia tei hahi ê i te haamoriraa mau* i roto i te ohipa tupairaa,E te faaara nei au* ia ratou paatoa.
3 Ua ite au ia Epheraima,E eita Iseraela e nehenehe e tapuni ia ˈu.
I teie nei, e Epheraima, ua tauiui hoi oe i te apiti,*Ua haaviivii Iseraela ia ˈna iho.+
4 No ta ratou mau peu e ore ai e tia ia ratou ia hoˈi i to ratou Atua ra,Te vai ra hoi i rotopu ia ratou te hinaaro e taiata.*+E aita ratou e tâuˈa ra ia Iehova.
5 Te faahapa nei te teoteo o Iseraela ia ˈna.*+Ua turori Iseraela e Epheraima no ta raua hape,E ua turori Iuda e o raua atoa.+
6 Ua haere ratou e ta ratou mau mamoe e ta ratou mau puaatoro e imi ia Iehova,Aita râ ratou i ite mai ia ˈna.
Ua faaatea oia ia ratou.+
7 Ua taiva ratou ia Iehova,+Ua fanauhia mai hoi ta ratou e tamaiti ěê.
I teie nei, e amu te hoê avaˈe ia ratou* e to ratou mau tâpû fenua.*
8 A faaoto i te pu tara+ i Gibea, e te pu i Rama!+
A huro i Bete-avena,+ tei muri matou ia oe, e Beniamina!
9 E Epheraima, e riro oe ei riariaraa i te mahana faautuaraa.+
Ua faaite au i te mau opu o Iseraela eaha mau â te tupu.
10 E au te mau raatira* o Iuda i te feia e turai ra i te tahi otia.+
E manii au i to ˈu riri rahi i nia ia ratou mai te pape ia maniihia.
11 Te haavîhia ra Epheraima, taataahihia ma te parau-tia,Ua faaoti hoi oia e pee i to ˈna enemi.+
12 Ua riro ïa vau mai te hoê manumanu i nia ia EpheraimaE mai te mea pê i nia i te utuafare o Iuda.
13 I te iteraa Epheraima i to ˈna maˈi e o Iuda i to ˈna aai,Haere atura Epheraima i Asura+ e tono atura i te vea i ǒ te hoê arii rahi.
Aita râ i haere ia ˈna ia faaora ia outou,E aita to outou aai i ora ia ˈna.
14 E riro hoi au mai te hoê liona apî i nia ia Epheraima,E mai te hoê liona puai i nia i te utuafare o Iuda.
E hahae au ia ratou a haere atu ai.+E rave au ia ratou e aita e taata e faaora ia ratou.+
15 E haere au, e hoˈi au i ǒ ˈu e roo-noa-hia ˈtu ratou i te ati no ta ratou hara,Ei reira ratou e imi ai i ta ˈu farii maitai.*+
Ia roohia ratou i te ati, e imi ratou ia ˈu.”+
Nota i raro i te api
^ Aore ra “feia orure hau.”
^ Aore ra “E e aˈo vau.”
^ Aore ra “e haerea tia ore hoi to oe,” “taiata hoi oe.”
^ Aore ra “i te haerea tia ore,” “e tauiui i te apiti.”
^ Heb: “i to ˈna aro.”
^ Huri-atoa-hia “e amuhia ratou i roto i te roaraa hoê avaˈe.”
^ Aore ra “faaapu.”
^ Aore ra “tamaiti huiarii.”
^ Heb: “to ˈu aro.”
