Hosea 6:1-11
6 “Haere mai e hoˈi anaˈe ia Iehova ra,Ua hahae hoi oia ia tatou,+ e faaora mai râ oia ia tatou.
Ua tairi oia ia tatou, e taamu râ oia i to tatou mau pepe.
2 E horoa faahou mai oia i te itoito i muri aˈe e piti mahana.
I te toru o te mahana e faatia mai oia ia tatou,A ora ˈtu ai tatou i mua ia ˈna.
3 E ite tatou o vai Iehova, e imi maite tatou i te ite o vai oia.
Mai te mahana o te tia mai i te poipoi, e haere mai iho â oia.E haere mai oia ia tatou nei mai te ûa rahi ia topa mai,Mai te ûa i te tau uaaraa tiare o te faarari maitai i te fenua.”
4 “E nafea vau ia oe, e Epheraima?
E nafea vau ia oe, e Iuda?
E au hoi to outou here taiva ore i te mau ata o te poipoi,E au i te hupe o te moˈe oioi.
5 No reira e haapohe au ia outou ma te faaohipa i te mau peropheta.+E taparahi au ia outou i te parau a to ˈu vaha.+
E e anaana ta ˈu mau faautuaraa ia outou mai te maramarama.+
6 E mauruuru hoi au i te here taiva ore,* eiaha i te tusia,I te iteraa o vai te Atua, eiaha râ i te pûpûraa i te tusia taauahi.+
7 O ratou râ, mai te taata rii atoa ra, ua ofati ratou i te faufaa.+
I reira, ua taiva ratou ia ˈu.
8 E oire no te feia rave ohipa ino o Gileada,+Ua î taua oire ra i te toto.+
9 E au te pǔpǔ tahuˈa i te tahi pǔpǔ eiâ e tamoemoe ra i te hoê taata.
Te haapohe ra ratou i te taata i nia i te purumu i pihai iho ia Sekema,+Mea haama hoi to ratou haerea.
10 Ua ite au i te hoê ohipa hairiiri i roto i te nunaa o Iseraela.
I reira, te taiata noa ra Epheraima.+Ua haaviivii Iseraela ia ˈna iho.+
11 Hau atu â, e Iuda, ua faaotihia te tau e ootihia ˈi oe,Te tau e faahoˈi ai au i te mau tîtî a to ˈu nunaa.”+
Nota i raro i te api
^ Aore ra “aroha hamani maitai.”