Ieremia 10:1-25
10 A faaroo i ta Iehova parau faaara ia outou, e te nunaa o Iseraela.
2 Teie ta Iehova e parau ra:
“Eiaha e farii i te mau peu a te mau nunaa,+E eiaha e mǎtaˈu i te mau tapao o te raˈiNo te mea noa te mǎtaˈu ra te mau nunaa i te reira.+
3 Mea faufaa ore hoi te mau peu a te mau nunaa.
E tâpûhia te tahi tumu raau o te uru raau,A nanaˈohia ˈtu ai e te rima o te taata rimaî i ta ˈna mauhaa.*+
4 E faaunaunahia te reira i te ario e te auro,+A patitihia ˈtu ai i te hamara e te naero ia ore ia topa i raro.+
5 Mai te hoê taata haavare i roto i te hoê faaapu totoma, eita ta taua mau idolo ra e nehenehe e paraparau.+Mea amo ia ratou, eita hoi ta ratou e nehenehe e haere.+
Eiaha e mǎtaˈu ia ratou, eita hoi ta ratou e nehenehe e rave ino mai,Eita atoa ta ratou e nehenehe e hamani maitai mai.”+
6 Aita hoê aˈe mai ia oe, e Iehova.+
E Atua rahi oe, e e iˈoa rahi to oe e te puai.
7 O vai hoi o te ore e mǎtaˈu ia oe, e te Arii o te mau nunaa?+ Mea tano hoi te reira,No te mea i rotopu i te feia feruriraa paari atoa o te mau nunaa e i rotopu i ta ratou mau faatereraa arii atoa,Aita hoê aˈe mai ia oe.+
8 Mea maamaa ratou pauroa e eita ratou e feruri.+
Mea faufaa ore mau â te haapiiraa no ǒ mai i te tahi tumu raau.+
9 Na Taresisa+ e faahaerehia mai ai te ario tupaipaihia e na Uphaza mai te auro,Ta te tahi taata rimaî e te rima o te tahi taata tupai auro e faaohipa.
E ahu taura ninamu e te huruhuru mamoe vareau to taua mau idolo ra.
Mea hamanihia ratou pauroa e te feia aravihi.
10 Area Iehova, e Atua mau â ïa.
O ˈna te Atua ora+ e te Arii mure ore.+
No to ˈna riri e aueue ai te fenua,+E aita e nunaa e haere ia ratou ia faaoromai i to ˈna riri rahi tahoo.
11 * Teie ta outou e parau ia ratou:
“Te mau atua aita i hamani i te raˈi e te fenua,E mou ïa mai nia i te fenua e mai raro aˈe i teie raˈi.”+
12 O ˈna tei hamani i te fenua i to ˈna puai,O ˈna tei haamau i te fenua repo maitai i to ˈna paari+E tei hohora i te raˈi i to ˈna maramarama.+
13 Ua haruru anaˈe to ˈna reo,E arepurepu te mau pape o te raˈi,+E e haapee oia i te mau ata* i nia mai te hopea mai o te fenua.+
E faaanapa oia i te uira* no te ûa,E faahaere oia i te mataˈi i rapae i ta ˈna mau fare vairaa taoˈa.+
14 E haa te taata atoa ma te feruri ore e te ite ore.
E haama te taata tupai auro atoa no te tii ta ratou i tarai,+E haavare hoi ta ratou tii faatôhia,*E aita e puai ora* i roto i taua mau idolo ra.+
15 Mea faufaa ore ratou, e ohipa o te faaooohia.+
E mou ratou i te mahana e faautuahia ˈi ratou.
16 E ere te Tuhaa a Iakoba mai teie mau mea,Na ˈna hoi i hamani i te mau mea atoa,E o Iseraela te raau o ta ˈna tuhaa.+
O Iehova o te mau nuu* to ˈna iˈoa.+
17 A rave mai i to oe otaa e vai ra i raro,Oe te vahine tei haaatihia.
18 Teie hoi ta Iehova e parau ra:
“Teie au e huri* nei i te feia e parahi ra i reira i rapae i teie fenua i teie taime,+E e faaruru ratou i te ati ia ˈu.”
19 Ua ati au no to ˈu hiˈaraa!*+
Eita to ˈu pepe e ora.
E ua parau vau: “Tera iho â to ˈu maˈi, e ia faaoromai au i te reira.
20 Ua haamouhia to ˈu fare ie, e ua tâpûhia pauroa te taura o to ˈu fare ie.+
Ua faarue ta ˈu mau tamarii ia ˈu e aita faahou ratou.+
Aita e taata faahou no te hohora i to ˈu fare ie aore ra no te huti i te ie o to ˈu fare ie.
21 Ua haa hoi te mau tiai mamoe ma te maamaa,+E aita ratou i uiui ia Iehova.+
No reira ratou i ore ai i haa ma te haroˈaroˈa,E i haapurarahia ˈi pauroa ta ratou nǎnǎ.”+
22 A faaroo na! E parau apî! Te tae mai ra!
E haruru rahi na te fenua no apatoerau mai,+No te faariro i te mau oire o Iuda ei oire ano, ei tapuniraa no te mau urî taehae.+
23 Ua ite maitai au, e Iehova, eita e haere i te taata ia ite mai i to ˈna eˈa o ˈna anaˈe.
Aita e tiaraa to te taata e haere ra ia aratai i to ˈna mau taahiraa.+
24 A aˈo mai ia ˈu, e Iehova, ma te parau-tia,Eiaha râ i roto i to oe riri,+ ia ore hoi oe e haamou ia ˈu.+
25 A ninii i to oe riri rahi tahoo i nia i te mau nunaa aita e tâuˈa ra ia oe+E i nia i te mau opu aita e tiaoro ra i to oe iˈoa.
Ua pau roa hoi Iakoba ia ratou,+Oia mau, ua pau roa oia ia ratou a mou roa ˈtu ai,+E ua faaano ratou i to ˈna fenua.+
Nota i raro i te api
^ Aore ra “tipi fefe.”
^ I papaihia na te irava 11 na roto i te reo Arama.
^ Huri-atoa-hia “E hamani oia i te tamauraa pape.”
^ Aore ra “mâhu.”
^ Aore ra “faatahehia.”
^ Aore ra “aho.”
^ Aore ra “sabaota.”
^ Aore ra “piu.”
^ Aore ra “fati.”
