Ieremia 11:1-23
11 Teie te parau a Iehova tei tae mai ia Ieremia:
2 “A faaroo mai i te mau parau o teie faufaa, outou pauroa!
“A faaite i te reira* i te mau taata no Iuda e tei parahi ra i Ierusalema
3 e a na ô atu: ‘Teie ta Iehova te Atua o Iseraela e parau ra: “Ua ati* te taata o te ore e faaroo i te mau parau o teie faufaa,+
4 ta ˈu i faaue i to outou mau tupuna ia haapao i te mahana i aratai ai au ia ratou i rapae i te fenua o Aiphiti,+ i rapae i te umu faatahe auri,+ a na ô ai: ‘A faaroo i to ˈu reo, e a rave i te mau mea atoa ta ˈu e faaue ia outou. E riro ïa outou ei nunaa no ˈu e e riro vau ei Atua no outou,+
5 ia faatupu hoi au i ta ˈu i horeo i to outou mau tupuna, e horoa no ratou i te fenua e tahe noa te û e te meri,+ mai i teie mahana.’”’”
E pahono atura vau: “Amene,* e Iehova.”
6 Parau maira ïa Iehova ia ˈu: “A faaite haere i teie mau parau atoa i roto i te mau oire o Iuda e na te mau aroâ o Ierusalema: ‘A faaroo mai i te mau parau o teie faufaa, e a faaohipa i te reira.
7 Ua faaara maitai hoi au i to outou mau tupuna mai te mahana i aratai ai au ia ratou i rapae i te fenua o Aiphiti tae roa mai i teie mahana, a faaara noa ˈi ia ratou:* “A faaroo i to ˈu reo.”+
8 Aita râ ratou i faaroo aore ra i fariu mai i to ratou tariˈa. Ua onoono ratou tataitahi i te pee i to ratou aau ino.+ Faatae maira ïa vau i nia ia ratou i te mau parau atoa o teie faufaa ta ˈu i faaue ia ratou ia haapao e aita ratou i faaohipa.’”
9 E parau maira Iehova ia ˈu: “Ua opua te mau taata no Iuda e tei parahi ra i Ierusalema e orure hau ia ˈu.
10 Ua rave ratou i te mau hape ta to ratou mau tupuna i rave na, a ore ai ratou e hinaaro e faaroo i ta ˈu mau parau.+ Ua pee atoa ratou i te tahi atu mau atua e ua tavini ia ratou.+ Ua ofati te nunaa o Iseraela e te nunaa o Iuda i ta ˈu faufaa ta ˈu i faaau i to ratou mau tupuna.+
11 Teie ïa ta Iehova e parau ra: ‘Teie au e faatae nei i nia ia ratou i te tahi ati+ eita ta ratou e nehenehe e ape. Ia pii mai ratou ia ˈu ia tauturu ia ratou, eita vau e faaroo atu.+
12 E fariu ïa to te mau oire o Iuda e tei parahi ra i Ierusalema i te mau atua ta ratou e pûpû i te tusia* e ta ratou e pii ia tauturu ia ratou,+ eita roa ˈtu râ taua mau atua ra e faaora ia ratou a roohia ˈi ratou i te ati.
13 Hoê â hoi rahiraa to to oe mau atua e to oe mau oire, e Iuda, e hoê â rahiraa fata ta oe i faatia no te mea* haama e te mau aroâ i Ierusalema, e fata no te pûpû i te tusia ia Baala.’+
14 “O oe* râ, eiaha e pure no teie nunaa. Eiaha e tiaoro mai aore ra e pure no ratou,+ eita hoi au e faaroo ia tiaoro mai ratou ia ˈu no to ratou ati.
15 Eaha hoi ta to ˈu nunaa here ohipa i roto i to ˈu fare,A rave ai e rave rahi o ratou i te mau opuaraa ino?
I te iˈo moˈa* anei e ape ai ratou i te ati ia tae mai i nia ia outou?*
E oaoa anei outou i taua taime ra?
16 I pii na Iehova ia outou e tumu olive ruperupe,Nehenehe e te hotu maitatai.
Ma te maniania rahi i tutui ai oia i te reira,E ua ofatihia to ˈna mau amaa.
17 “Ua faaite Iehova o te mau nuu,* Tei tanu ia outou,+ e ati te tae mai i nia ia outou, e te nunaa o Iuda, no te ino ta outou e te nunaa o Iseraela i rave, a faainoino ai outou ia ˈu i te pûpûraa i te tusia ia Baala.”+
18 E Iehova, ua faaara mai oe ia ˈu ia ite au.I taua tau ra, ua faaite mai oe ia ˈu i ta ratou e rave ra.
19 Mai te hoê fanauˈa mamoe rata vau e arataihia ra ia tupaihia.
Aita vau i ite e opuaraa ino ta ratou ia ˈu:+
“E faaore anaˈe i te tumu raau e to ˈna mau hotu,E e haapohe anaˈe ia ˈna mai te fenua o te feia ora,Ia ore to ˈna iˈoa ia haamanaˈo-faahou-hia.”
20 E haava râ Iehova o te mau nuu ma te parau-tia.E hiˈopoa oia i te mau manaˈo hohonu roa ˈˈe* e te aau.+
Ia ite na vau i ta oe tahooraa i nia ia ratou,Ia oe ra hoi au i tuu atu ai i ta ˈu haavaraa.
21 No reira, teie ta Iehova e parau ra no te mau taata no Anatota+ o te imi ra i te rave i to oe ora e o te na ô ra: “Eiaha oe e tohu i te iˈoa o Iehova,+ a pohe oe i to matou rima,”
22 teie ïa ta Iehova o te mau nuu e parau ra: “Teie au e faautua nei ia ratou. E pohe te mau taata apî i te ˈoˈe,+ e e pohe ta ratou mau tamaiti e ta ratou mau tamahine i te oˈe.+
23 E ore roa hoê o ratou e toe mai, no te mea e faatae mai au i te ati i nia i te mau taata no Anatota+ i te matahiti e faautua ˈi au ia ratou.”
Nota i raro i te api
^ E au ra o Ieremia tera e parauhia ra.
^ Aore ra “Na reira ïa.”
^ Heb: “a tia ˈi i te poipoi roa e a faaara ˈtu ai.”
^ Aore ra “tusia au auahi.”
^ Aore ra “atua.”
^ Oia hoi Ieremia.
^ Oia hoi te mau tusia pûpûhia i roto i te hiero.
^ Oia hoi te nunaa o Iuda.
^ Aore ra “sabaota.”
^ Aore ra “huru aau hohonu roa ˈˈe.” Heb: “mape.”
