Ieremia 13:1-27
13 Teie ta Iehova i parau ia ˈu: “A haere a hoo mai i te tahi hatua lino no oe e a hatua i to oe tauupu i te reira, eiaha râ ia rari i te pape.”
2 Hoo maira ïa vau i te hatua mai ta Iehova i parau mai e hatua ihora vau i to ˈu tauupu.
3 E tae faahou maira te parau a Iehova ia ˈu no te piti o te taime e na ô ra:
4 “A rave i te hatua ta oe i hoo mai e ta oe e hatua ra e a tia i nia, a haere i Eupharate, e i reira oe e huna ˈi i te hatua i roto i te hoê afâ mato.”
5 Haere atura ïa vau e huna ihora i te reira i pihai iho i Eupharate, mai ta Iehova iho â i faaue ia ˈu.
6 E rave rahi râ mahana i muri aˈe, parau maira Iehova ia ˈu: “A tia, a haere i Eupharate, e a rave mai i te hatua ta ˈu i faaue ia oe e huna i reira.”
7 Haere atura ïa vau i Eupharate, ô ihora vau i te vahi i huna ˈi au i te hatua, rave maira vau i te reira e ite ihora vau ua ino te hatua, ua faufaa ore roa.
8 Tae maira te parau a Iehova ia ˈu e na ô ra:
9 “Teie ta Iehova e parau ra: ‘E na reira atoa vau i te haamou i te teoteo o Iuda e te teoteo rahi roa ino o Ierusalema.+
10 Teie mau taata ino o te ore e hinaaro ra e faaroo i ta ˈu mau parau,+ o te onoono ra i te pee i to ratou iho aau,+ e o te pee ra i te tahi atu mau atua, o te tavini ra ia ratou e o te piˈo ra i mua ia ratou, e riro ïa ratou mai teie hatua faufaa ore roa.’
11 ‘Mai te hoê hatua hoi tei ati i te tauupu o te tahi taata, ua rave atoa vau ia ati maite te nunaa taatoa o Iseraela e te nunaa taatoa o Iuda ia ˈu,’ te parau ra Iehova, ‘ia riro ratou no ˈu ei nunaa,+ ei iˈoa,+ ei arueraa, e ei mea nehenehe. Aita râ ratou i faaroo.’+
12 “E ia faatae atoa oe i teie poroi ia ratou: ‘Teie ta Iehova te Atua o Iseraela e parau ra: “Ia faaîhia te mau farii rahi atoa i te uaina.”’ E e pahono ratou ia oe: ‘Aita anei matou i ite aˈena e ia faaîhia te mau farii rahi atoa i te uaina?’
13 I reira oe e parau ai ia ratou: ‘Teie ta Iehova e parau ra: “Teie au e faaî nei i te mau taata atoa e parahi ra i teie fenua i te uaina haapao taero ratou,+ te mau arii e parahi ra i nia i te terono o Davida, te mau tahuˈa e te mau peropheta, e pauroa to Ierusalema.
14 E e vavahi au ia ratou te tahi i nia i te tahi, te mau metua e te mau tamarii atoa,” te parau ra Iehova.+ “Eita vau e aumihi aore ra e oto noa ˈˈe aore ra e aroha hamani maitai ia ratou. Aita hoê mea e tapea ia ˈu ia haamou ia ratou.”’+
15 A faaroo mai e a haapao mai.
Eiaha e faateitei, ua paraparau hoi Iehova.
16 A faahanahana ia Iehova to outou AtuaHou oia a hopoi mai ai i te poiriE hou to outou avae e tote ai i nia i te mau mouˈa i te maruapo.
E tiai outou i te maramarama,E hopoi mai râ oia i te marumaru rahi.E faariro oia i te maramarama ei rumaruma rahi.+
17 E ia ore outou e hinaaro e faaroo,E taˈi huna vau no to outou teoteo.
E manii rahi to ˈu roimata, e tahe pape to ˈu roimata i to ˈu mata,+No te mea ua hopoi-tîtî-hia te nǎnǎ a Iehova.+
18 A parau i te arii e te metua vahine o te arii:+ ‘A parahi i te hoê vahi haihai aˈe,E topa hoi to orua hei arii nehenehe mai nia mai i to orua upoo.’
19 Ua piri te uputa o* te mau oire no apatoa, e aita hoê no te tatara i te reira.
Ua hopoi-tîtî-hia pauroa to Iuda, ua hopoi-tîtî-roa-hia ratou.+
20 A hiˈo e ia ite oe i te feia e haere mai ra na apatoerau mai.+
Teihea te nǎnǎ tei horoahia ˈtu, ta oe mau mamoe nehenehe?+
21 Eaha ta oe e parau ia faautuahia oeE te feia ta oe i faariro noa na ei hoa piri roa ˈˈe no oe?+
Eita anei oe e roohia i te mauiui fanau, mai to te vahine ia fanau?+
22 E ia parau oe i roto i to oe aau: ‘Eaha vau i roohia ˈi i teie mau mea?’+
No ta oe ïa hape rahi i hahaehia ˈi to oe hiti ahu+
E i rave-ino-hia ˈi to oe poro avae.
23 E nehenehe anei te hoê ati Kusa* e taui i te û o to ˈna iri, aore ra te hoê nemera i to ˈna mau patapata?+
Mai te peu e e, e nehenehe ïa outou e rave i te maitai,Outou o tei matau i te rave i te ino.
24 No reira, e haapurara vau ia ratou mai te aihere mǎrô puhihia e te mataˈi no te medebara.+
25 Tera ta oe e faaruru, te tuhaa ta ˈu i faito na oe,” te parau ra Iehova,“No te mea ua haamoˈe oe ia ˈu+ e ua tiaturi i te haavare.”+
26 No reira, e huri au i te hiti o to oe ahu i nia ˈˈe i to oe hohoˈa mataA itehia ˈtu ai to oe haama,+
27 Ta oe mau peu taiata+ e ta oe uâraa mai te puaahorofenua e hinaaro uˈana ra i te ufa,Ta oe taiataraa faufau.*
I nia i te mau aivi, i roto i te faaapu,Ua ite au i to oe haerea faufau.+
Ua ati oe, e Ierusalema!
Ehia â maororaa e vai viivii noa ˈi oe?”+
