Ieremia 14:1-22
14 Teie te parau a Iehova tei tae mai ia Ieremia no nia i te mau paˈurâ:+
2 Te oto ra Iuda,+ e ua pê to ˈna mau uputa.
Te fefe ra te reira i raro ma te ahoaho,E te haere ra te hoê tuô i nia mai Ierusalema mai.
3 E e faaue te mau fatu i ta ratou mau tavini* e tii i te pape.
E haere ratou i te mau apoo* pape e aita e pape i itehia mai.
E hoˈi ratou e ta ratou mau farii aita e pape to roto.
Ua haama ratou e aita i mauruuru,E e tapoˈi ratou i to ratou upoo.
4 No te mea ua afâfâ te fenua,Aita hoi i ûa i teie fenua,+Te maere rahi nei te feia faaapu e te tapoˈi nei i to ratou upoo.
5 E faarue atoa te aili i ta ˈna fanauˈa apîNo te aihere ore.
6 E tia te mau asini oviri i nia i te mau aivi ruperupe ore.
E paupau to ratou aho mai te urî taehae.E paruparu to ratou mata no te aihere ore.+
7 Noa ˈtu e faahapa ta matou mau hape ia matou,E Iehova, a haa no to oe iˈoa.+
Mea rahi hoi ta matou mau ohipa taiva,+E ua hara matou ia oe.
8 E to Iseraela tiaturiraa e, to ˈna Faaora+ i te mau taime ahoaho,Eaha oe i riro ai mai te tahi taata ê i teie fenua,Mai te tahi ratere o te faaea mai no te taoto hoê po noa?
9 Eaha oe i riro ai mai te tahi taata e maere ra,Mai te tahi taata puai o te ore e nehenehe e faaora?
Tei rotopu hoi oe ia matou, e Iehova,+E ua topahia matou i to oe iˈoa.+
Eiaha e faarue ia matou.
10 Teie ta Iehova e parau ra no nia i teie nunaa: “Mea au na ratou e overe haere.+ Aita ratou i haavî i to ratou avae.+ No reira Iehova i ore ai i mauruuru ia ratou.+ I teie nei, e haamanaˈo oia i ta ratou hape e e faautua ia ratou no ta ratou mau hara.”+
11 Parau maira Iehova ia ˈu: “Eiaha e pure mai ia maitai teie nunaa.+
12 Ia haapae ratou i te maa, eita vau e faaroo i ta ratou mau taparuparuraa,+ e ia pûpû ratou i te mau tusia taauahi taatoa e te mau tusia huero maa, eita vau e mauruuru i te reira.+ I te ˈoˈe, te oˈe e te maˈi pee* hoi au e faaore ai ia ratou.”+
13 Pahono atura vau: “Auê, e te Arii hau ê e Fatu ra o Iehova! Teie te mau peropheta e parau nei ia ratou: ‘Eita outou e faaruru i te ˈoˈe, e eita outou e roohia i te oˈe, e hau mau râ ta ˈu e faafanaˈo ia outou i teie nei vahi.’”+
14 Parau maira Iehova ia ˈu: “Te tohu nei te mau peropheta i te haavare i to ˈu iˈoa.+ Aita vau i tono ia ratou, i faaue ia ratou aore ra i paraparau ia ratou.+ E orama haavare, e tohuraa faufaa ore e te haavare o to ratou aau ta ratou e tohu nei ia outou.+
15 No reira, teie ta Iehova e parau ra no te mau peropheta e tohu ra i to ˈu iˈoa, noa ˈtu aita vau i tono ia ratou, e o te parau nei e eita teie fenua e faaruru i te ˈoˈe aore ra te oˈe: ‘I te ˈoˈe e te oˈe e mou ai tera mau peropheta.+
16 E e taorahia te feia ta ratou e tohu nei i roto i te mau aroâ o Ierusalema no te oˈe e te ˈoˈe, e aita hoê no te huna ia ratou,+ o ratou, ta ratou mau vahine faaipoipo, ta ratou mau tamaiti e ta ratou mau tamahine, e ninii hoi au i nia ia ratou i te ati tei au ia ratou.’+
17 “E parau oe i teie parau ia ratou:‘Ia tahe pape to ˈu roimata i to ˈu mata i te po e te ao, eiaha ia faaea,+Ua vavahi-roa-hia hoi e ua ofatifatihia te tamahine apî* a to ˈu nunaa,+Ua pepe ino mau oia.
18 Ia haere au i rapae i te oire e ia hiˈo vau,E ite au i te feia tei haapohehia i te ˈoˈe!+
E ia tomo vau i roto i te oire,E ite au i te mau maˈi no te oˈe!+
Ua haaati hoi te peropheta e te tahuˈa i te hoê fenua ta ratou i ore i matau.’”+
19 Ua faarue roa anei oe ia Iuda, aore ra ua haafaufau anei oe* ia Ziona?+
Eaha oe i tairi ai ia matou, e aita ˈtura e faaoraraa maˈi no matou?+
I tiaturi na matou i te hau, aita râ e maitai i tae mai,I tiaturi na matou i te tau faaoraraa maˈi, e mehameha râ tei tupu!+
20 Te faˈi nei matou i to matou ino, e Iehova,E te hape a to matou mau tupuna,Ua hara hoi matou ia oe.+
21 No to oe iˈoa, eiaha e faarue ia matou.+Eiaha e vahavaha i to oe terono hanahana.
A haamanaˈo i ta oe faufaa i faaau ia matou e eiaha e faaore i te reira.+
22 E nehenehe anei te tahi idolo faufaa ore a te mau nunaa e haamairi i te ûa,Aore ra e nehenehe anei te raˈi iho e faatopa i te papape?
E ere anei o Oe anaˈe te nehenehe, e Iehova to matou Atua?+
E te tiaturi nei matou ia oe,O oe anaˈe hoi tei rave i teie mau mea atoa.
Nota i raro i te api
^ Aore ra “to ratou feia haihai.”
^ Aore ra “tura.”
^ Aore ra “maˈi.”
^ Heb: “aita i taoto aˈenei i te tane.”