Ieremia 17:1-27
17 “Ua papaihia te hara a Iuda i te tahi penitara auri.
Ua nanaˈohia te reira i te tahi taiamani oeoe i nia i te pǎpǎ o to ratou aauE i nia i te mau tara o ta ratou mau fata,
2 A manaˈo ai ta ratou mau tamarii i ta ratou mau fata e raau haamoriraa*+I pihai iho i te tahi tumu raau ruperupe, i nia i te mau aivi teitei,+
3 I nia i te mau mouˈa i rapae roa i te mau oire.
E horoa vau i ta oe mau faufaa, ta oe mau taoˈa atoa, ei taoˈa haruhia,+Oia mau, ta oe mau vahi teitei no ta oe hara i rave na to oe mau tuhaa fenua atoa.+
4 E haapae oe ma te hinaaro mau i ta oe tuhaa ta ˈu i horoa na oe.+
E faatavini au ia oe i to oe mau enemi i te hoê fenua aita oe i matau,+No oe hoi i ura ˈi to ˈu riri mai te auahi.*+
E ama te reira e a muri noa ˈtu.”
5 Teie ta Iehova e parau ra:
“Ua ati te taata* o te tiaturi i te taata,+O te turui i nia i te mana o te taata,+E ua fariu ê to ˈna aau ia Iehova.
6 E riro oia mai te tahi tumu raau moˈemoˈe i te vahi taata ore.
Eita oia e ite i te maitai ia tae mai,E parahi râ oia i te mau vahi pâpâmǎrô i roto i te medebara,I te tahi fenua avaava aita e taata e nehenehe e ora i reira.
7 E haamaitaihia te taata* o te tiaturi ia Iehova,E o Iehova to ˈna turuiraa.+
8 E riro oia mai te tahi tumu raau tei tanuhia i pihai iho i te pape,E toro to ˈna mau aˈa tae roa i te taheraa pape.
Eita oia e ite i te veavea ia tae mai,E vai ruperupe noa râ to ˈna mau rauere.+
E i te matahiti paˈurâ, eita oia e haapeapea,Eita atoa oia e faaea i te horoa mai i te maa.
9 Mea haavarevare aˈe te aau i te tahi atu mau mea atoa e mea atâta roa.*+
O vai tei ite maitai i te reira?
10 O vau, o Iehova, te paheru i te aau,+Te hiˈopoa i te mau manaˈo hohonu roa ˈˈe,*No te horoa na te taata tataitahi i tei au i to ˈna mau haerea,I tei au i te hopea o ta ˈna mau ohipa.+
11 Mai te tahi manu oviri o te haaputu i ta ˈna i ore i ofaa,O te taata ïa o te haapue i te taoˈa ma te taviri ia vetahi ê.*+
E faarue ta ˈna mau taoˈa ia ˈna i te ropuraa o to ˈna oraraa,E i te pae hopea e ite-maitai-hia to ˈna maamaa.”
12 Mai te omuaraa mai, ua faateiteihia te terono hanahana o te Atua,E to reira to tatou nao.*+
13 E Iehova, te tiaturiraa o Iseraela,E haama te feia atoa e faarue ia oe.
E papaihia te iˈoa o te feia e taiva ra ia oe* i roto i te repo,+No te mea ua faarue ratou ia Iehova, te puna o te pape ora.+
14 A faaora i to ˈu maˈi, e Iehova, e e ora to ˈu maˈi.
A faaora ia ˈu, e e faaorahia vau,+O oe hoi ta ˈu e arue.
15 Inaha, te vai ra o te parau mai ra ia ˈu:
“Teihea te parau a Iehova?+
Ia tupu na hoi te reira!”
16 O vau râ, aita ïa i faaea i te riro ei tiai mamoe, a pee ai ia oe,Aita atoa vau i hinaaro ia tae mai te mahana ati.
Ua ite maitai oe i te mau mea atoa ta to ˈu vaha i parau,Ua tupu pauroa te reira i mua i to aro!
17 Eiaha e haamehameha ia ˈu.
O oe to ˈu haapuraa ia roohia vau i te ati.
18 Ia haama te feia e hamani ino ra ia ˈu,+Eiaha râ o vau te haama.
Ia roohia ratou i te mehameha,Eiaha râ o vau te roohia i te mehameha.
A faatae i te mahana ati i nia ia ratou,+A haaperehu e a haamou roa ia ratou.*
19 Teie ta Iehova i parau mai ia ˈu: “A haere a tia i te uputa o te mau tamaiti a teie nunaa, mea na reira te mau arii o Iuda e haere ai i rapae e e tomo mai ai, e i te mau uputa atoa o Ierusalema.+
20 E parau oe ia ratou: ‘A faaroo i te parau a Iehova, outou te mau arii o Iuda, te nunaa taatoa o Iuda, e pauroa tei parahi ra i Ierusalema, o te tomo na taua mau uputa ra.
21 Teie ta Iehova e parau ra: “A ara ia outou, e eiaha e amo i te tahi faufaa i te mahana Sabati aore ra e faaô mai i te reira na te mau uputa o Ierusalema.+
22 Eiaha outou e afai i te tahi faufaa i rapae i to outou fare i te mahana Sabati, e eiaha roa ˈtu outou e rave i te ohipa.+ Ia moˈa noa te mahana Sabati, mai ta ˈu iho â i faaue i to outou mau tupuna.+
23 Aita râ ratou i faaroo aore ra i fariu mai i to ratou tariˈa, e ua onoono noa ratou i te ore* e faaroo mai e e farii i te aˈo.”’+
24 “‘“Mai te peu râ e faaroo maitai mai outou ia ˈu,” te parau ra Iehova, “e eita outou e faaô mai i te tahi faufaa na te mau uputa o teie oire i te mahana Sabati, e e haapao noa outou i te Sabati ei mahana moˈa ma te ore e rave i te ohipa i taua mahana ra,+
25 e tomo atoa ïa te mau arii e te huiarii o te parahi ra i nia i te terono o Davida+ na te mau uputa o teie oire, na nia iho i te pereoo e te puaahorofenua, ratou e to ratou huiarii, te mau taata no Iuda e tei parahi ra i Ierusalema.+ E e parahihia teie oire e a muri noa ˈtu.
26 E e haere mai te taata na te mau oire mai o Iuda, te mau vahi ati aˈe ia Ierusalema, te fenua o Beniamina,+ te faa,+ te tuhaa fenua mouˈa, e na te Negeba* mai, a hopoi mai ai i te tusia taauahi taatoa,+ te tusia huero maa,+ te tapau libano, te tusia haamauruururaa e te tahi atu mau tusia+ i roto i te fare o Iehova.+
27 “‘“Ia ore râ outou e faaroo mai ia ˈu, a ore ai e haapao i te Sabati ei mahana moˈa e a amo aore ra a faaô mai ai i te faufaa na te mau uputa o Ierusalema i te mahana Sabati, e tutui au i to ˈna mau uputa, e e pau mau â to ˈna mau pare etaeta i te reira+ e eita te auahi e pohe.”’”+
Nota i raro i te api
^ Huri-atoa-hia “Ua faaamahia hoi oe mai te auahi i roto i to ˈu riri.”
^ Aore ra “taata puai.”
^ Aore ra “taata puai.”
^ Huri-atoa-hia “e e ore roa te reira e taui.”
^ Aore ra “huru aau hohonu roa ˈˈe.” Heb: “mape.”
^ Aore ra “e ere râ ma te afaro.”
^ Heb: “ia ˈu,” e au ra o Iehova tera e parauhia ra.
^ Aore ra “a haamou e a haamou roa ia ratou.”
^ Heb: “ua faaetaeta ratou i to ratou aˈî a ore atu ai.”
^ Aore ra “apatoa.”
