Ieremia 23:1-40
23 “Ua ati te mau tiai e haamou ra e e haapurara ra i te mau mamoe ta ˈu e aratai ra!,” te parau ra Iehova.+
2 No reira, teie ta Iehova te Atua o Iseraela e parau ra no te mau tiai e aratai ra i to ˈu nunaa: “Ua haapurara outou i ta ˈu mau mamoe. Te haapurara noa nei outou ia ratou, e aita outou i haapao ia ratou.”+
“No reira, e haapao vau ia outou no ta outou mau ohipa ino,” te parau ra Iehova.
3 “I reira vau e haaputuputu ai i te toea o ta ˈu mau mamoe mai te mau fenua atoa i haapurara ˈi au ia ratou,+ a faahoˈi mai ai ia ratou i te vahi e amu ai ratou i te aihere,+ e e tamariihia ratou a rahi atu ai.+
4 E e faatoroa vau i nia ia ratou i te tahi mau tiai o te tiai mau â ia ratou.+ Eita ratou e mǎtaˈu aore ra e riaria faahou, e eita hoê e moˈe,” te parau ra Iehova.
5 “Inaha,” te parau ra Iehova, “te tae mai ra te mau mahana e faatoroa ˈi au no Davida i te hoê ohi* parau-tia.+ E e faatere te hoê arii,+ e faaite oia i te haroˈaroˈa e e turu oia i te mea afaro e te parau-tia i teie fenua.+
6 I to ˈna mau mahana, e faaorahia Iuda+ e e parahi o Iseraela ma te taiâ ore.+ E teie te iˈoa ia piihia oia: O Iehova to tatou parau-tia.”+
7 “Tera râ,” te parau ra Iehova, “te tae mai ra te mau mahana e ore ai ratou e parau faahou: ‘Te horeo nei matou i te ora o Iehova, o tei aratai i te nunaa o Iseraela i rapae i te fenua o Aiphiti!’+
8 E parau râ ratou: ‘Te horeo nei matou i te ora o Iehova, o tei aratai e tei faahoˈi mai i te huaai o te nunaa o Iseraela mai te fenua i apatoerau mai e mai te mau fenua atoa i haapurara ˈi oia ia ratou,’ e e parahi ratou i to ratou iho fenua.”+
9 E parau vau i te mau peropheta:
Te mauiui ra to ˈu aau.
Te rûrû ra to ˈu mau ivi atoa.
E au vau i te hoê taata tei taeroI te hoê taata tei taero roa i te uaina,No Iehova e no ta ˈna mau parau moˈa.
10 Ua î hoi teie fenua i te taata faaturi.+No te ino i nia i teie fenua e oto ai te reira+E i mǎrô ai te mau aihere o te medebara.+
Mea ino to ratou haerea, e te faaohipa ra ratou i to ratou mana ma te tano ore.
11 “O te peropheta e te tahuˈa atoa tei viivii.*+
Tae roa i roto i to ˈu iho fare, ua ite mai au i to ratou ino,”+ te parau ra Iehova.
12 “E riro ïa to ratou eˈa ei mea heehee e te poiri.+E turaihia ratou e e topa ratou.
E faatae mai hoi au i te tahi ati i nia ia ratouI te matahiti faautuaraa,” te parau ra Iehova.
13 “E e ohipa hairiiri ta ˈu i ite i ǒ te mau peropheta o Samaria.+
Te tohu ra ratou i te iˈoa o Baala,E te faahahi ê ra ratou i to ˈu nunaa o Iseraela.
14 E e ohipa riaria ta ˈu i ite i ǒ te mau peropheta o Ierusalema.
Te faaturi ra ratou+ e te parau ra i te haavare.+Te turu ra ratou i* te feia ohipa ino,E aita ratou e fariu ê mai ra i to ratou ino.
Mai ia Sodoma ratou pauroa no ˈu,+E mai ia Gomora to te oire.”+
15 Teie ïa ta Iehova o te mau nuu* e parau ra no te mau peropheta:
“Teie au e faaamu nei ia ratou i te raau tupu avaavaE e faainu nei ia ratou i te pape taero.+
No te mau peropheta o Ierusalema hoi i parare ai te ohipa taiva na teie fenua taatoa.”
16 Teie ta Iehova o te mau nuu e parau ra:
“Eiaha e faaroo i te mau parau a te mau peropheta e tohu ra ia outou.+
Te haavarevare nei ratou ia outou.*
No roto mai i to ratou iho aau te orama ta ratou e faatia ra,+E ere no roto mai i te vaha o Iehova.+
17 Hopea ore ratou i te parau i te feia aita e faatura ra ia ˈu:‘Ua parau Iehova: “E fanaˈo outou i te hau.”’+
E i te taata atoa o te pee i to ratou iho aau etaeta, e parau ratou:‘Eita outou e roohia i te ati.’+
18 O vai hoi tei tia i rotopu i te feia mea piri ia IehovaNo te ite e no te faaroo i ta ˈna parau?
O vai tei haapao i ta ˈna parau no te faaroo i te reira?
19 Inaha, e paaina mai te mataˈi vero a Iehova ma te uˈana.Mai te mataˈi vero e farara mai ai te reira i nia i te upoo o te feia ino.+
20 Eita te riri o Iehova e mǎrû maiHaapao tupu roa ia ˈna te mau opuaraa o to ˈna aau.
I te mau mahana hopea e taa maitai ai ia outou te reira.
21 Aita vau i tono i te mau peropheta, ua horo râ ratou.
Aita vau i paraparau ia ratou, ua tohu râ ratou.+
22 Ahani râ ratou i tia i rotopu i te feia mea piri ia ˈu,Ua faaite ïa ratou i ta ˈu mau parau i to ˈu nunaaE ua haafariu ê mai ia ratou i to ratou haerea ino e ta ratou mau ohipa ino.”+
23 “E Atua anei au i te taime noa tei pihai iho noa mai au,” te parau ra Iehova, “e ere anei e Atua atoa vau i te taime tei te atea ê au?”
24 “E nehenehe anei te tahi taata e tapuni i te hoê vahi moˈe eita ta ˈu e nehenehe e ite ia ˈna?”+ te parau ra Iehova.
“Aita anei au e faaî ra i te raˈi e te fenua?”+ te parau ra Iehova.
25 “Ua faaroo vau i te mau peropheta e tohu nei i te haavare i to ˈu iˈoa: ‘Ua moemoeâhia vau! Ua moemoeâhia vau!’+
26 Ehia â maororaa e vai noa ˈi te manaˈo i roto i te aau o te mau peropheta e tohu i te haavare? E peropheta ratou no te haavarevare o to ratou iho aau.+
27 Ta ratou opuaraa, ia moˈe i to ˈu nunaa to ˈu iˈoa na roto i te mau moemoeâ ta ratou e faatia ra te tahi i te tahi, mai to ratou mau tupuna ua moˈe ia ratou to ˈu iˈoa no Baala.+
28 Ia faatia te peropheta tei moemoeâhia i ta ˈna moemoeâ! Area te taata tei ia ˈna ra ta ˈu parau, ia faaite ïa i te reira ma te parau mau.”
“Eaha te tuatiraa o te huˈahuˈa sitona e te huero sitona?” te parau ra Iehova.
29 “E ere anei mai te auahi iho â ta ˈu parau,”+ te parau ra Iehova, “e mai te hamara tupai auri o te tuparari i te mato?”+
30 “No reira, teie au e faautua nei i te mau peropheta,” te parau ra Iehova, “o te eiâ ra i ta ˈu mau parau te tahi i te tahi.”+
31 “Teie au e faautua nei i te mau peropheta,” te parau ra Iehova, “tera e faaohipa ra i to ratou arero no te parau: ‘Te parau ra oia!’”+
32 “Teie au e faautua nei i te mau peropheta o te mau moemoeâ haavare,” te parau ra Iehova, “o te faatia ra i te reira e o te faahahi ê ra i to ˈu nunaa i ta ratou mau haavare e to ratou faateiteiraa ia ratou.”+
“Aita hoi au i tono aore ra i faaue ia ratou. Aita roa ˈtu ïa e ohipa maitai ta ratou e horoa na teie nunaa,”+ te parau ra Iehova.
33 “E ia ui mai teie nunaa, te tahi peropheta aore ra tahuˈa ia oe: ‘Eaha te hopoia teimaha* a Iehova?,’ e pahono ïa oe ia ratou: ‘“O outou te nunaa te hopoia teimaha! E e faarue vau ia outou,”+ te parau ra Iehova.’
34 E te peropheta, te tahuˈa aore ra te tahi atu taata o te parau: ‘Teie te hopoia* teimaha a Iehova!,’ e haapao ïa vau i taua taata ra e to ˈna utuafare.
35 Teie ta outou tataitahi e parau ra i to outou taata tupu e to outou taeae: ‘Eaha ta Iehova i pahono? E eaha ta Iehova i parau?’
36 Eiaha râ outou e faahiti faahou i te hopoia* teimaha a Iehova, inaha te hopoia* teimaha, o ta outou iho ïa parau, e ua taui outou i te mau parau a te Atua ora, o Iehova o te mau nuu, to tatou Atua.
37 “Teie ta oe e parau i te peropheta: ‘Eaha ta Iehova i pahono ia oe? E eaha ta Iehova i parau?
38 Mai te peu e faahiti noa oe i te hopoia* teimaha a Iehova, teie ïa ta Iehova e parau ra: “No te mea te parau ra oe: ‘O teie parau te hopoia* teimaha a Iehova,’ e ua opani hoi au ia oe ia parau: “Te hopoia* teimaha a Iehova!,”’
39 inaha e amo vau ia oe a taora ê atu ai ia oe mai mua i to ˈu aro, oe e te oire ta ˈu i horoa no oe e to oe mau tupuna.
40 E e faatae mai au i nia ia oe i te haama mure ore e te faahaamaraa mure ore, o te ore e moˈehia.”’”+
Nota i raro i te api
^ Aore ra “huaai.”
^ Aore ra “taiva.”
^ Heb: “faaetaeta ra ratou i te rima o.”
^ Aore ra “sabaota.”
^ Aore ra “Te faatupu nei ratou i roto ia outou i te mau tiaturiraa faufaa ore.”
^ Aore ra “poroi teimaha.” E piti auraa to te taˈo Hebera: “e parau teimaha a te Atua” aore ra “e ohipa teiaha.”
^ Aore ra “poroi.”
^ Aore ra “poroi.”
^ Aore ra “poroi.”
^ Aore ra “poroi.”
^ Aore ra “poroi.”
^ Aore ra “poroi.”
