Ieremia 46:1-28
46 Teie te parau a Iehova ia Ieremia te peropheta no nia i te mau nunaa:+
2 No Aiphiti,+ no nia i te nuu a Pharao Neko+ te arii o Aiphiti, tei tia na i pihai iho i te anavai Eupharate e tei pau i Karekemisa ia Nebukanesa te arii o Babulonia i te maha o te matahiti faatereraa a Iehoiakima+ te tamaiti a Iosia, te arii o Iuda:
3 “A faaineine i ta outou mau paruru nainai* e paruru rarahiE a haere i te aroraa.
4 A tavaha i te mau puaahorofenua e a tauma i nia iho, outou te feia faahoro puaahorofenua.
A mau i to outou mau tiaraa e a oomo i to outou taupoo auri.
A faaanaana i te mau omore e a oomo i to outou ahu paruru.
5 ‘Te ite ra vau te mehameha ra ratou, no te aha râ?
Te otohe ra ratou, ua pau to ratou mau aito.
Ua horo ê ratou ma te riaria, aita to ratou mau aito i fariu atu.
E mehameha na te mau vahi atoa,’ te parau ra Iehova.
6 ‘Eita te feia vitiviti e nehenehe e horo ê, e eita te mau aito e nehenehe e ora ˈtu.
I apatoerau, na te hiti o te anavai Eupharate,Ua turori ratou a topa ˈtu ai.’+
7 O vai teie e pauma mai ra mai te anavai Nile,Mai te mau anavai mataare?
8 O Aiphiti te pauma mai ra mai te anavai Nile,+Mai te mau anavai mataare,E te parau nei oia: ‘E pauma vau e e tapoˈi au i te fenua.
E haamou vau i te oire e tei parahi ra i roto.’
9 A pauma, outou te mau puaahorofenua!
A tahua, outou te mau pereoo!
Ia nuu te mau aito,To Kusa e to Puta, o te rave i te paruru,+E te ati Luta,+ o te rave e o te faatô* i te fana.+
10 “No te Arii hau ê e Fatu ra o Iehova o te mau nuu* taua mahana ra, te mahana tahooraa no te tahoo i nia i to ˈna mau enemi. E e amu haapao paia te ˈoˈe ia ratou e e inu i to ratou toto haapao mâha to ˈna poihâ, e tusia* hoi ta te Arii hau ê e Fatu ra o Iehova o te mau nuu i te fenua no apatoerau i pihai iho i te anavai Eupharate.+
11 A pauma i Gileada e tii i te zuri,+E te tamahine apî* o Aiphiti.
Ua faarahi faufaa ore oe i ta oe mau raau rapaauraa,Aita hoi e raau e ora ˈi to oe maˈi.+
12 Ua faaroo te mau nunaa i to oe haama,+E te faaroohia ra ta oe tutuô na teie fenua atoa.
E turori hoi te aito i te aito,A topa ˈtu ai ratou pauroa.”
13 Teie te parau ta Iehova i parau ia Ieremia te peropheta no nia i te taeraa mai o Nebukanesa te arii o Babulonia no te tairi i te fenua o Aiphiti:+
14 “A faaite i te reira i Aiphiti, a poro i te reira i Migadola.+
A poro i te reira i Nopha* e i Tahapanehesa.+
A parau: ‘A mau i to outou mau tiaraa e a faaineine ia outou,E pau hoi to ati aˈe ia outou i te ˈoˈe.
15 Eaha to outou mau tane puai i hiˈa ˈi?
Aita ratou i mau i to ratou mau tiaraa,Ua turai hoi Iehova ia ratou.
16 E rave rahi ratou e turori e e topa ra.
Te parau ra ratou te tahi i te tahi:
“A tia! E hoˈi anaˈe i to tatou nunaa e to tatou fenua aiˈaNo te ˈoˈe ino.”’
17 I reira ratou i poro ai:‘E maniania faufaa ore ta Pharao te arii o Aiphiti,Ua vaiiho oia i te taime maitai* ia mairi.’+
18 ‘Te horeo nei au i to ˈu nei ora,’ te parau ra te Arii, o Iehova o te mau nuu to ˈna iˈoa,‘E tomo mai oia* mai ia Tabora+ i rotopu i te mau mouˈaE mai ia Karemela+ i pihai iho i te miti.
19 A faaineine i to oe otaa no te hopoi-ê-raa,Oe te tamahine e parahi ra i Aiphiti.
E riro hoi o Nopha* ei riariaraa.E taninahia* te reira e aita e taata e parahi i roto.+
20 E au Aiphiti i te hoê puaatoro ufa nehenehe,E tae mai râ te raˈo patia na apatoerau mai i nia ia ˈna.
21 Ta ˈna mau faehau tarahuhia i ǒ ˈna, e au atoa ratou i te fanauˈa puaatoro poria,Ua fariu ê atoa râ ratou e ua horo pauroa.
Aita ratou i mau i nia i to ratou tiaraa,+Ua roohia hoi ratou i te mahana o to ratou ati,Te taime e faautuahia ˈi ratou.’
22 ‘E au to ˈna maniania i to te ophi e horo ê ra,Te aˈuaˈu uˈana ra hoi ratou ia ˈna, ma te opahi,Mai te taata tâpû tumu raau.*
23 E tâpû hoi ratou i ta ˈna uru raau,’ te parau ra Iehova, ‘noa ˈtu e au ra e eita e haere ia tomo atu.
Mea rahi aˈe hoi ratou i te vivi, eita ratou e nehenehe e taiohia.
24 E faahaamahia te tamahine a Aiphiti.
E tuuhia oia i te nunaa no apatoerau.’+
25 “Te parau ra Iehova o te mau nuu, te Atua o Iseraela: ‘I teie nei, e haapao vau ia Amôna+ no No,+ ia Pharao, ia Aiphiti, i to ˈna mau atua+ e i to ˈna mau arii, oia mau, ia Pharao e pauroa te taata e tiaturi ra ia ˈna.’+
26 “‘E e tuu vau ia ratou i te feia e imi ra i te rave i to ratou ora, ia Nebukanesa te arii o Babulonia+ e ta ˈna mau tavini. I muri aˈe râ, e parahihia oia mai i te tau tahito,’ te parau ra Iehova.+
27 ‘Area oe, eiaha e mǎtaˈu, ta ˈu tavini o Iakoba,E eiaha e taiâ, e Iseraela.+
E faaora hoi au ia oe i te ateaE to oe huaai mai te fenua o to ratou tîtîraa.+
E hoˈi mai Iakoba, e ora oia ma te hau e te fifi ore,Aita hoê e faariaria ia ratou.+
28 Eiaha ïa e mǎtaˈu, ta ˈu tavini o Iakoba,’ te parau ra Iehova, ‘tei pihai iho hoi au ia oe.
E haamou vau i te mau nunaa atoa i haapurara ˈi au ia oe,+O oe râ, eita ïa vau e haamou.+
E aˈo vau ia oe ma te tano noa.+Tera râ, e faautua iho â vau ia oe.’”
Nota i raro i te api
^ E paruru pinepine na te feia teˈa e rave.
^ Heb: “taahi.”
^ Aore ra “sabaota.”
^ Aore ra “tupairaa.”
^ Heb: “aita i taoto aˈenei i te tane.”
^ Aore ra “Memephi.”
^ Heb: “tau faataahia.”
^ Oia hoi tei upootia i nia ia Aiphiti.
^ Aore ra “Memephi.”
^ Huri-atoa-hia “faaanohia.”
^ Aore ra “taata haaputu vahie.”
