Ieremia 8:1-22
8 “I tera tau,” te parau ra Iehova, “e tatarahia te ivi o te mau arii o Iuda, te ivi o to ˈna huiarii, te ivi o te mau tahuˈa, te ivi o te mau peropheta, e te ivi o tei parahi na i Ierusalema mai roto mai i to ratou mau menema.
2 E huehia te reira i mua i te mahana, te avaˈe, e te nuu taatoa o te raˈi ta ratou i here na, i tavini na, i pee na, i imi na e i mua i te reira i piˈo ai ratou.+ Eita te reira e haaputuputuhia, eita atoa e hunahia. E riro te reira mai te pera i nia i te fenua.”+
3 “E te toea o teie nunaa ino te ora mai, e maiti ratou i te pohe eiaha râ te ora i te mau vahi atoa e haapurara ˈi au ia ratou,” te parau ra Iehova o te mau nuu.*
4 “E e parau oe ia ratou: ‘Teie ta Iehova e parau ra:
“E topa anei ratou a ore atu ai e tia faahou mai?
Ia hinaaro hoê e hoˈi mai, eita anei te tahi atu e hoˈi atoa mai?
5 Eaha teie nunaa, tei parahi ra i Ierusalema, e taiva noa ˈi ia ˈu?
E onoono ratou i te haavarevare.Eita ratou e hinaaro e hoˈi mai.+
6 Ua haapao vau e ua faaroo noa ia ratou, aita râ e tano ra ta ratou huru paraparau.
Aita hoê taata i tatarahapa no to ˈna ino aore ra i ui: ‘Eaha ta ˈu i rave?’+
E tamau te taata tataitahi i te rave mai ia vera ma, mai te hoê puaahorofenua e horo ra i te aroraa.
7 Te heside atoa i nia i te raˈi tei ite i te tau e rere ai oia.*E hoˈi mai te uupa, te susa e te ogura i te tau faataahia.*
Aita râ to ˈu iho nunaa e taa ra i te haavaraa a Iehova.”’+
8 ‘E nafea outou e nehenehe ai e parau: “E feruriraa paari to matou, e tei ia matou ra te ture* a Iehova”?
Inaha hoi, ua faaohipahia te penitara haavare*+ a te mau papai parau no te haavare noa.
9 Ua faahaamahia te feia feruriraa paari.+
Ua faariariahia ratou a haruhia ˈtu ai.
Inaha, ua faarue ratou i te parau a Iehova.Aita roa to ratou e feruriraa paari.
10 E horoa ïa vau i ta ratou mau vahine faaipoipo na te tahi atu mau tane,Ta ratou mau faaapu na te tahi atu mau fatu.+Te imi ra hoi ratou tataitahi, te taata haihai e tae noa ˈtu te taata tiaraa teitei, i te apî i te ohipa taviri.+E ohipa taviri ta ratou pauroa, te peropheta e tae noa ˈtu te tahuˈa.+
11 E te tamata ra ratou i te rapaau ma te haapao ore* i te hiˈaraa* o te tamahine a to ˈu nunaa, a na ô ai:“E hau! E hau!”
Aita nei hoi e hau.+
12 Te haama ra anei ratou i te mau mea hairiiri ta ratou i rave?
Aita roa ˈtu ratou e haama ra!
Aita atoa ratou i ite eaha te haama!+
E hiˈa ïa ratou i rotopu i tei hiˈa ê na.
Ia faautua vau ia ratou, e turori ratou,’+ te parau ra Iehova.
13 ‘Ia haaputuputu vau ia ratou, e haamou vau ia ratou,’ te parau ra Iehova.
‘Aita e vine te vaiihohia i nia i te tumu vine, e aita e suke i nia i te tumu suke, e e mǎrô te mau rauere.
E e ere ratou i ta ˈu i horoa na ratou.’”
14 “Eaha tatou e parahi noa ˈi i ǒ nei?
E haaputuputu anaˈe e e tomo anaˈe i roto i te mau oire auahia i te patu+ a pohe atu ai i reira.
E haamou hoi Iehova to tatou Atua ia tatou,E e horoa mai oia i te pape taero ia inu tatou,+No te mea ua hara tatou ia Iehova.
15 I tiaturi na tatou i te hau, aita râ e maitai tei tae mai,I tiaturi na tatou i te hoê tau faaoraraa maˈi, e mehameha râ tei tupu!+
16 Te faaroohia ra te maˈitihe o ta ˈna mau puaahorofenua mai Dana mai.
I te uâraa o ta ˈna mau puaahorofenua paˈe,E aueue teie fenua taatoa.
E tomo mai ratou e e pau ia ratou teie fenua e pauroa to nia iho,Te oire e tei parahi ra i roto.”
17 “Teie hoi au e faatae atu nei i te ophi i rotopu ia outou,E ophi taero te ore e nehenehe e faarata,E e hohoni mau â ratou ia outou,” te parau ra Iehova.
18 Eita e nehenehe e faaora i to ˈu oto.Ua maˈihia to ˈu aau.
19 Mai te hoê fenua atea te tuô raTe tamahine a to ˈu nunaa ia tauturuhia oia:
“Aita anei Iehova i Ziona?
Aore ra aita anei to ˈna arii i reira?”
“Eaha ratou i faainoino ai ia ˈu i ta ratou mau tii nanaˈohia,I to ratou mau atua ěê faufaa ore?”
20 “Ua mairi te tau ootiraa, ua hope te tau veavea,Aita râ tatou i faaorahia!”
21 Ua oti roa vau no te hiˈaraa te tamahine a to ˈu nunaa.+Ua hepohepo roa vau.
Ua riaria roa vau.
22 Aita anei e raau* i Gileada?+
Aore ra aita anei e taata rapaau* i reira?+
Eaha te maˈi o te tamahine a to ˈu nunaa i ore ai i ora?+
Nota i raro i te api
^ Aore ra “sabaota.”
^ Aore ra “to ˈna tau faataahia.”
^ Aore ra “tau e hoˈi mai ai ratou.”
^ Aore ra “haapiiraa.”
^ Aore ra “hape.”
^ Aore ra “rii noa.”
^ Aore ra “fati.”
^ Aore ra “raau parai tamǎrû.”
^ Aore ra “taote.”
