Ieremia 9:1-26
9 Auê, ahani to ˈu upoo e pape,Ahani to ˈu mata e puna roimata!+
E taˈi ïa vau i te ao e te poNo te mau taata tei taparahi-pohe-hia o to ˈu nunaa.
2 Auê, ahani to ˈu e puhaparaa ratere i te medebara!
E faarue ïa vau i to ˈu nunaa e e faaatea mai ia ratou,E faaturi anaˈe hoi ratou,+E pueraa taata taiva.
3 Ua tô to ratou arero mai te fana.Ua î te fenua i te haavare,+ eiaha râ i te haapao maitai.
“Te haere ino noa ˈtu ra ratou,E aita ratou e haapao mai ra ia ˈu,”+ te parau ra Iehova.
4 “A ara maitai outou pauroa i to outou taata tupu,E eiaha e tiaturi i to outou taeae atoa.
E taata taiva hoi te mau taeae atoa,+E e taata parau faaino te mau taata tupu atoa.+
5 E taviri te taata tataitahi i to ˈna taata tupu,E aita hoê e parau ra i te parau mau.
Ua haapii ratou i to ratou arero ia haavare.+
E faarohirohi ratou ia ratou i te raveraa i te ino.
6 Te ora nei oe i rotopu i te haavarevare.
No to ratou haavarevare, aita ratou i hinaaro e ite o vai au,” te parau ra Iehova.
7 No reira teie ta Iehova o te mau nuu* e parau ra:
“E faatahe e e tamata vau ia ratou,+E nafea ˈtu â hoi au i te tamahine a to ˈu nunaa?
8 E teˈa haapohe to ratou arero o te parau i te haavarevare.
I to ˈna vaha, e parau hau ta te tahi i to ˈna taata tupu,I roto râ ia ˈna, te moemoe ra oia no te hamani ino ia ˈna.”
9 “Eiaha anei au ia faautua ia ratou no teie mau mea?” te parau ra Iehova.
“Eiaha anei au ia tahoo i nia i teie huru nunaa?+
10 E taˈi e e oto vau no te mau mouˈaE e himene au i te tahi himene oto no te mau fenua aihere i te vahi pâpâmǎrô,Ua taninahia hoi te reira ia ore hoê taata ia haere na reira,E aita e faaroohia ra te maniania o te mau animara faaamuhia.
Ua horo ê te mau manu o te raˈi e te mau animara, ua reva ratou.+
11 E faariro vau ia Ierusalema ei haapueraa ofai,+ te tapuniraa o te mau urî taehae,+E e faaano vau i te mau oire o Iuda, e aita faahou e taata i roto.+
12 To vai te feruriraa paari no te taa i te reira?
O vai ta te vaha o Iehova i parau, ia faaite mai oia?
Eaha te fenua i mou ai?
Eaha te reira i mǎrô ai mai te medebara,E aita faahou e taata e na reira i te haere?”
13 Pahono maira Iehova: “No te mea ua faarue ratou i ta ˈu ture* ta ˈu i tuu i mua ia ratou, e no te mea aita ratou i pee i te reira e i faaroo i to ˈu reo.
14 Aita râ, ua onoono ratou i te pee i to ratou iho aau,+ e ua pee i te mau tii o Baala, mai ta to ratou mau metua i haapii ia ratou.+
15 No reira, teie ta Iehova o te mau nuu, te Atua o Iseraela, e parau ra: ‘Teie au e faaamu nei i teie nunaa i te raau tupu avaava, e e faainu vau ia ratou i te pape taero.+
16 E haapurara vau ia ratou i rotopu i te mau nunaa ta ratou e to ratou mau metua i ore i matau,+ e e faatae au i te tahi ˈoˈe na muri mai ia ratou e ia mou roa ratou ia ˈu.’+
17 Teie ta Iehova o te mau nuu e parau ra:‘A haa ma te maramarama.
A titau i te mau vahine e himene i te himene oto,+E a tii i te mau vahine oto tarahuhia,
18 Ia ru ratou e ia himene i te tahi otoraa na tatou,Ia manii te roimata i to tatou mataE ia topatapata te pape i to tatou tapoˈi mata.+
19 Ua faaroohia te reo oto mai Ziona mai:+
“Auê te ati e!
Auê te rahi o to tatou haama!
Ua faarue hoi tatou i te fenua, e ua vavahi ratou i to tatou mau fare.”+
20 Outou te mau vahine, a faaroo i te parau a Iehova.
Ia taa i to outou tariˈa te parau a to ˈna vaha.
A haapii i ta outou mau tamahine i teie oto,E a haapii outou te tahi i te tahi i teie himene oto.+
21 Ua pauma mai hoi te pohe na roto i to tatou mau haamaramarama.Ua tomo mai te reira i roto i to tatou mau pare etaetaNo te hopoi ê i te mau tamarii na te mau aroâE te mau tane apî na te mau mahora o te oire.’+
22 A parau: ‘Teie ta Iehova e parau ra:
“E topa te mau tino taata pohe mai te pera i nia i te repo,Mai te anairaa peenave huero maa tâpû-apî-hia i muri mai i te taata ooti,E aita hoê no te haaputuputu i te reira.”’”+
23 Teie ta Iehova e parau ra:
“Eiaha te taata feruriraa paari ia haapeu i to ˈna paari.+Eiaha te taata puai ia haapeu i to ˈna puai.E eiaha te taata taoˈa rahi ia haapeu i te rahi o ta ˈna taoˈa.”+
24 “Ia haapeu râ te taata haapeu i teie:
E haroˈaroˈa to ˈna e ua ite oia o vai au,+O Iehova vau, Tei faaite ra i te here taiva ore, te afaro e te parau-tia i te fenua,+Teie mau mea hoi ta ˈu e mauruuru,”+ te parau ra Iehova.
25 “Inaha, te tae mai ra te mau mahana,” te parau ra Iehova, “e faautua ˈi au i te taata atoa, tei peritomehia e aita nei hoi ratou i peritomehia,+
26 to Aiphiti,+ to Iuda,+ te ati Edoma,+ te ati Amona,+ to Moabi+ e te taata atoa tei tâpûhia to ratou rouru tae roa i te aoao o te upoo e o te parahi ra i te medebara.+ Mea peritome-ore-hia hoi te mau nunaa atoa, e te nunaa taatoa o Iseraela tei peritome-ore-hia te aau.”+
