Ioba 10:1-22
10 “Mea faufau na ˈu* to ˈu oraraa.+
E tuô vau i ta ˈu mau autâ.
E paraparau vau ma to ˈu ahoaho rahi!*
2 E parau vau i te Atua: ‘Eiaha e haava ia ˈu ei taata hapa.
A parau mai eaha oe e mârô ai ia ˈu.
3 E apî anei oe ia haavî,Ia vahavaha i te ohipa a to rima+A paturu ai oe i te opuaraa a te taata ino?
4 E mata taata anei to oe,Aore ra e hiˈo anei oe mai te taata?
5 Mai to te taata anei to oe mau mahana,Aore ra mai to te hoê taata anei to oe mau matahiti,+
6 E imi ai oe i ta ˈu hapeE e tamau ai oe i te imi i ta ˈu hara?+
7 Ua ite oe aita ta ˈu e hara.+E aita hoê e nehenehe e faaora ia ˈu i to rima.+
8 Na to rima i tarai i to ˈu tino e i hamani ia ˈu,+E teie nei e hinaaro oe e haamou roa ia ˈu?
9 A haamanaˈo na ua hamani oe ia ˈu i te araea,+E teie nei e hinaaro oe e faahoˈi ia ˈu i roto i te repo?+
10 Aita anei oe i ninii ia ˈu mai te ûE i haapaari ia ˈu mai te pata paari?
11 Ua faaahu oe ia ˈu i te iˈo e te iri,Ua raraa oe ia ˈu i te ivi e te uaua.+
12 Ua horoa mai oe no ˈu i te ora e te here taiva ore.Ma ta oe aupuru ia ˈu i tiai ai oe i to ˈu aho.*+
13 Ua opua omoˈe râ oe e rave i taua mau mea ra.*
Ua ite au no ǒ mai ia oe taua mau mea ra.
14 Mai te peu ua hara vau, na oe ïa e hiˈo mai ia ˈu,+E eita oe e faaore i ta ˈu hape.
15 Mai te peu e taata hapa vau, auê hoi au e!
E noa ˈtu e taata hara ore au, eita ta ˈu e nehenehe e faateitei i to ˈu upoo,+Ua oti roa hoi au i te haama e te ahoaho.+
16 Ia faateitei au i to ˈu upoo, e aˈuaˈu oe ia ˈu mai te hoê liona+E e faaite faahou oe i to puai ma te tairi ia ˈu.
17 E horoa mai â oe i te mau ite,E rahi atu â to riri ia ˈu,E e pinepine au i te roohia i te ati.
18 No te aha ïa oe i faahaere mai ai ia ˈu i rapae i te opu o to ˈu metua vahine?+
Ahani iho â vau i pohe hou te tahi mata a ite mai ai ia ˈu.
19 Mai te huru ra ïa aita vau i ora aˈenei.Ua ravehia ïa vau mai te opu mai o to ˈu metua vahine i roto roa i te apoo hunaraa.’
20 E ere anei mea iti to ˈu mau mahana?+ Ia vaiiho te Atua ia ˈu.Ia fariu ê oia i to ˈna mata ia ˈu, a nehenehe atu ai au e ite maa tamǎrûraa*+
21 Hou vau a haere ai, e eita vau e hoˈi mai,+I te fenua o te poiri taˈotaˈo,*+
22 I te fenua o te rumaruma hope,E fenua o te marumaru rahi e te huanane,I reira e au atoa ˈi te maramarama i te rumaruma.”
Nota i raro i te api
^ Aore ra “na to ˈu aau.”
^ Aore ra “ora.”
^ Heb: “E taua mau mea ra, ua huna oe i roto i to aau.”
^ Aore ra “tamahanahanaraa.”
^ Aore ra “te poiri e te maru pohe.”
