Ioba 15:1-35
15 Pahono maira Eliphaza+ ati Temana:
2 “E pahono anei te hoê taata feruriraa paari na roto i te parau haapapuraa faufaa ore,*Aore ra e faaî anei oia i to ˈna opu i te mataˈi no hitia o te râ?
3 Aita e faufaa ia faahapa ma te parau faufaa oreE aita e apî ia paraparau te taata o ˈna anaˈe.
4 Te haafaufaa ore ra hoi oe i te mǎtaˈu i te AtuaE te tapea ra oe i te taata eiaha ratou ia feruriruri i te Atua.
5 Na ta oe hoi hape e parau ra ia oe eaha te parau,*E e maiti oe i te parau haavarevare.
6 Na to oe iho vaha e faahapa ra ia oe, e ere na ˈu.Na to oe utu e faahape ra ia oe.+
7 O oe anei te taata matamua tei fanauhia?Na mua anei to oe fanauraahia i to te mau aivi?
8 Te faaroo ra anei oe i te mau parau huna a te Atua?Aore ra to oe noa anei te paari?
9 Eaha ta oe i ite aita matou i ite?+
Eaha ta oe e taa ra aita matou e taa ra?
10 Tei rotopu ia tatou te taata rouru hinahina e te ruhiruhia,+E tane paari roa ˈˈe i to oe metua tane.
11 Aita anei oe e mauruuru ra i te mau tamahanahanaraa a te Atua,Aore ra te mau parau tei parauhia ia oe ma te mǎrû?
12 Eaha to oe aau e faatere ai ia oe,E eaha to oe mata e ura ˈi i te riri?
13 Te riri ra hoi to oe aau i te Atua iho,E te vaiiho ra oe i tera mau huru parau ia matara na roto mai i to oe vaha.
14 Eaha te taata e riro ai oia ei mea viivii ore,E ta te vahine i fanau e riro ai oia ei taata parau-tia?+
15 Inaha, aita te Atua e tiaturi ra i ta ˈna mau melahi,E te mau raˈi atoa, e ere mea viivii ore i to ˈna mata.+
16 Eaha ˈtu â ïa no te hoê taata haehia e te hairiiri,+Te hoê taata e inu ra i te parau-tia ore mai te pape!
17 E faaite au ia oe. A faaroo mai!
E faatia ˈtu vau eaha ta ˈu i ite,
18 Eaha ta te mau taata feruriraa paari i faatia no ǒ i to ratou mau metua,+Te mau mea aita ratou i huna.
19 No ratou anaˈe i horoahia ˈi te fenua,E aita e taata ê i haere na rotopu ia ratou.
20 E faaruru te taata ino i te ati i to ˈna mau mahana atoa,I te mau matahiti atoa tei faataahia no te taata haavî.
21 E taˈi riaria to roto i to ˈna tariˈa.+I te taime hau, e aro te mau taata haru taoˈa ia ˈna.
22 Aita oia e manaˈo ra e ora ˈtu oia i te poiri.+Ua faataahia oia no te ˈoˈe.
23 E overe oia no te imi i te maa,* teihea roa?
Ua ite maitai oia e te piri mai ra te mahana o te poiri.
24 E faariaria noa te ahoaho e te hepohepo ia ˈna.Eita e haere ia ˈna ia faaû atu mai te tahi arii ua ineine i te aro mai.
25 E amo hoi oia i to ˈna rima no te aro i te Atua,E e tamata oia i te aa* i te Manahope.
26 E ru oia ma te etaeta i te aro ia ˈna,Ma ta ˈna paruru etaeta e te meumeu.
27 Ua îî to ˈna hohoˈa mata i te mii,E ua pue te mii i roto i to ˈna tauupu.
28 E faaea oia i te mau oire o te faaanohia,I roto i te mau fare aita e taata e parahi i roto,O te riro hoi ei pueraa ofai.
29 Eita oia e monihia, eita ta ˈna mau taoˈa e pue,Eita atoa ta ˈna faufaa e parare na te fenua.
30 Eita oia e ora ˈtu i te poiri.E mǎrô to ˈna amaa apî i te tahi ura auahi,*E e pohe oia i te puhiraa a to te Atua* vaha.+
31 Eiaha oia e painu e e vare i te mea faufaa ore,Mea faufaa ore atoa hoi ta ˈna e noaa mai ei faahoˈiraa.
32 Fatata roa te reira i te tupu,E e ore roa to ˈna mau amaa e ruperupe.+
33 E au oia i te tahi tumu vine e faatopa i to ˈna mau maa pî,E mai te tahi tumu olive e faatopa i to ˈna mau tiare.
34 Mea hotu ore hoi te amuiraa o te feia faatura ore i te Atua,*+E e paapaa te mau fare ie ua î i te petaraa.
35 E hapû ratou i te peapea e e fanau i te mea ino,E ua î to ratou opu i te haavarevare.”
Nota i raro i te api
^ Aore ra “te ite e au i te mataˈi.”
^ Aore ra “e haapii i to oe vaha.”
^ Heb: “faraoa.”
^ Aore ra “upootia i nia.”
^ Oia hoi eita te reira e nehenehe e tupu faahou.
^ Heb: “to ˈna.”
^ Aore ra “taiva.”
