Ioba 16:1-22
16 Pahono atura Ioba:
2 “Mea rahi te parau mai tera ta ˈu i faaroo na mua ˈˈe.
E feia tamahanahana faatupu ahoaho outou pauroa!+
3 E hopea anei to te mau parau faufaa ore?*
Na te aha e turai ra ia oe ia na reira i te pahono ia ˈu?
4 E nehenehe atoa vau e paraparau mai ia outou.
Ahani outou aˈe vau,E nehenehe au e faarahi i te parau no te faaino ia outouE e tairiiri i to ˈu upoo ia outou.+
5 Eita râ, e faaitoito vau ia outou i te mau parau a to ˈu vaha,E e hopoi mai te tamahanahanaraa a to ˈu utu i te tamǎrûraa.+
6 Ia paraparau vau, eita to ˈu iho mauiui e mǎrû mai,+E ia faaea vau i te paraparau, e iti roa anei ïa to ˈu mauiui?
7 I teie nei râ, ua haaparuparu te Atua ia ˈu.+Ua faaano oia i to ˈu utuafare taatoa.*
8 Ua haru atoa oe ia ˈu, e ua riro te reira ei ite,A tia mai ai to ˈu piaoao e a riro atu ai ei ite o te faahapa ia ˈu.
9 Ua hahae to ˈna riri ia ˈu, e te tapea ra oia i te inoino rahi ia ˈu.+
E mauu to ˈna niho ia ˈu.
E hiˈo ino mai to ˈu enemi ia ˈu i to ˈna mata.+
10 Ua hamǎmǎ rahi ratou i to ratou vaha ia ˈu,+E ua poara ratou i to ˈu papariˈa ma te vahavaha.E rave rahi ratou tei amui no te aro ia ˈu.+
11 Ua tuu te Atua ia ˈu i te rima o te mau tamarii tamaroa,E ua taora oia ia ˈu i roto i te rima o te feia ino.+
12 Aita to ˈu e peapea, ua vavahi râ oia ia ˈu.+Ua mau te muriraa o to ˈu aˈî ia ˈna e ua haaperehu oia ia ˈu.O vau anaˈe atura ta ˈna e tairi.
13 Ua haaati to ˈna feia teˈa ia ˈu.+Ua puta to ˈu na mape+ ia ˈna e aita oia i aroha.E manii oia i te pape maramara no roto i to ˈu upaa i nia i te repo.
14 E au vau i te tahi patu ta ˈna e faaapoo noa.E haere ru mai oia ia ˈu mai te hoê aito.
15 Ua nira vau i te ahu oto no te tapoˈi i to ˈu iri,+E ua huna vau i to ˈu tura* i raro i te repo.+
16 Ua uteute to ˈu mata i te taˈi-noa-raa,+E e marumaru rahi* tei ati aˈe i to ˈu mata,
17 Noa ˈtu aita to ˈu rima i hamani inoE mea viivii ore ta ˈu pure.
18 E te fenua e, eiaha e tapoˈi i to ˈu toto!+
E eiaha ei vahi faafaaearaa no to ˈu oto!
19 I teie nei atoa, tei te raˈi to ˈu ite.Tei te vahi teitei tei nehenehe e riro ei ite no ˈu.
20 Te faaooo ra to ˈu mau hoa ia ˈu+A tahe noa ˈi to ˈu roimata* a tiai ai i te Atua.+
21 Ia tia te tahi ei arai i rotopu i te taata nei e te Atua,Mai te tahi e na reira i rotopu e piti taata.+
22 Mea iti hoi te mau matahiti e haere mai ra,E e haere au na te eˈa eita vau e hoˈi mai.+
Nota i raro i te api
^ Aore ra “e au i te mataˈi te huru.”
^ Aore ra “te feia tei amui ia ˈu.”
^ Aore ra “puai.” Heb: “tara.”
^ Aore ra “maru pohe.”
^ Huri-atoa-hia “A hiˈo noa ˈi to ˈu mata ma te rohirohi.”
