Ioba 21:1-34
21 Pahono atura Ioba:
2 “A faaroo maitai i ta ˈu e parau.Ia riro te reira ei tamahanahanaraa ta outou e horoa mai.
3 A faaoromai ia ˈu a paraparau ai au.Ia oti ta ˈu paraparauraa e nehenehe ai outou e faaooo ia ˈu.+
4 I te tahi taata anei e autâ ˈi au?
Ahani tera iho â, e noaa anei ia ˈu ia faaoromai?
5 A hiˈo mai ia ˈu e ia araara to outou mata i te maere.A tuu i to outou rima i nia i to outou vaha.
6 Ia manaˈo vau i te reira, e horuhoru vau,E to ˈu tino taatoa te rûrû.
7 Eaha te feia ino e ora noa ˈi,+E ruhiruhia ˈi, e e rahi ai ta ratou faufaa?*+
8 Tei pihai iho noa ta ratou mau tamarii ia ratou,E e ite ratou i to ratou huaai.
9 E vahi papu to ratou mau fare, eita ratou e mǎtaˈu,+E eita te Atua e faautua ia ratou i ta ˈna raau.
10 E fanauˈahia iho â ta ratou mau puaatoro oni.E fanau ta ratou mau puaatoro ufa e eita te fanauˈa e marua.
11 E horo ta ratou mau tamaroa i rapae mai te nǎnǎ,E e ouˈauˈa haere ta ratou mau tamarii.
12 E himene ratou apeehia i te tariparau e te kinuraE e oaoa ratou i te taˈi o te vivo.+
13 E ora ratou i to ratou mau mahana ma te mauruuruE e pou ratou i te Apoo* ma te hau.*
14 E parau râ ratou i te Atua mau: ‘A vaiiho ia matou!
Aita matou e hinaaro ra e ite i to oe mau eˈa.+
15 O vai hoi te Manahope ia tavini matou ia ˈna?+
Eaha te apî ia ite matou o vai o ˈna?’+
16 Ua ite râ vau aita to ratou e mana i nia i ta ratou iho faufaa.+
Mea atea te manaˈo o* te feia ino ia ˈu.+
17 Ehia taime e pohe ai te mori a te feia ino?+
Ehia taime e roohia ˈi ratou i te ati?
Ehia taime e faatae ai te Atua i te haamouraa i nia ia ratou a riri ai oia?
18 Ua riro aˈena anei ratou mai te huˈahuˈa sitona i mua i te mataˈiE mai te ota e pee i te vero?
19 E haaputu te Atua i te utua a te tahi taata no ta ˈna mau tamarii.
Ia faahoˈi râ te Atua i ta ˈna ia ite oia i te reira.+
20 Ia ite to ˈna iho mata i to ˈna pau,E ia inu o ˈna i te riri rahi o te Manahope.+
21 Eaha hoi ta ˈna e haapeapea no te tupu i nia i to ˈna fare ia pohe oia,Ia haapotohia* te rahiraa o to ˈna mau avaˈe?+
22 E nehenehe anei te tahi e haapii i te Atua i te ite,*+Na ˈna hoi e haava atoa i tei teitei roa ˈˈe?+
23 E pohe te tahi taata ma to ˈna itoito atoa+A vai hepohepo ore roa ˈi oia e te hau noa,+
24 A îî ai to ˈna na huha i te miiE a etaeta ˈi to ˈna mau ivi.*
25 E pohe râ te tahi atu taata ma te hepohepo rahi,*Aita i tamata noa ˈˈe i te mau mea maitai.
26 E tarava raua i raro i te repo,+E e poˈi raua i te toˈe.+
27 Inaha, ua ite maitai au eaha ta outou e manaˈo neiE te mau opuaraa ta outou e feruri ra no te totoa* ia ˈu.+
28 E parau hoi outou: ‘Teihea te fare o te taata mana,E teihea te fare ie i ora ˈi te taata ino i roto?’+
29 Aita anei outou i uiui i te mau ratere?
Aita anei outou e hiˈopoa maitai ra i ta ratou mau parau,*
30 E faahereherehia te taata ino i te mahana o te atiE e faaorahia oia i te mahana o te riri?
31 O vai te faahapa roa ˈtu ia ˈna no to ˈna haerea,E o vai te faahoˈi i ta ˈna no ta ˈna i rave?
32 Ia hopoihia oia i te vahi hunaraa,E tuuhia te tahi tiai i pihai iho i to ˈna menema.
33 Mea mǎrû no ˈna te mau tâpû repo o te peho,+E te huitaata atoa te na muri atu ia ˈna*+Mai te rahiraa eita e nehenehe e taio na mua ˈtu ia ˈna.
34 Eaha ïa outou e tamahanahana faufaa ore mai ai?+
E haavare anaˈe ta outou mau pahonoraa!”
Nota i raro i te api
^ Aore ra “to ratou puai.”
^ Aore ra “mai te amoraa mata,” oia hoi e pohe oioi e te mauiui ore.
^ Aore ra “aˈoraa a,” “opuaraa a.”
^ Aore ra “vahihia.”
^ Aore ra “te tahi mea.”
^ Heb: “a rarirari ai to ˈna puo ivi.”
^ Aore ra “aau ahoaho.”
^ Huri-atoa-hia “hamani ino.”
^ Heb: “tapao.”
^ Heb: “e arato oia i te huitaata atoa na muri ia ˈna.”
