Ioba 23:1-17
23 Pahono atura Ioba:
2 “I teie atoa mahana, e onoono vau i te autâ.*+Ua pau roa to ˈu puai no to ˈu autâraa.
3 Ahani iho â vau i ite ihea e itehia mai ai te Atua!+
E haere au i to ˈna vahi nohoraa.+
4 E faaite au ia ˈna i to ˈu tupuraaE e faaî au i to ˈu vaha i te parau haapapuraa.
5 E ite au e nafea oia e pahono ai ia ˈuE e tapao vau eaha ta ˈna e parau ia ˈu.
6 E mârô anei oia ia ˈu ma to ˈna puai rahi?
Eita, e horoa mai iho â oia i te tariˈa faaroo.+
7 I reira te taata afaro e nehenehe ai e faataa ia ˈna i to ˈna tupuraa,E e faaore ai to ˈu Haava hoê roa faaoreraa i te mau parau i parihia ˈi au.
8 Ia haere râ vau i hitia o te râ, aita oia i reira.E hoˈi mai au, e eita ta ˈu e nehenehe e ite ia ˈna.
9 A rave ai oia i te ohipa i te pae aui, eita ta ˈu e nehenehe e ite ia ˈna.E tipuu oia i te pae atau, eita iho â râ ta ˈu e nehenehe e ite ia ˈna.
10 Ua ite râ oia i te eˈa na reira vau i te haereraa.+
Ua tamata anaˈe oia ia ˈu, e matara mai au mai te auro tamâhia.+
11 Ua pee maite au* i to ˈna mau taahiraa avae.Ua haere noa vau na to ˈna eˈa ma te ore e hahi ê.+
12 Aita vau i faarue i te faaueraa a to ˈna vaha.
Ua poihere au i ta ˈna mau parau+ hau aˈe i tei titauhia ia ˈu.*
13 Ia rave oia i ta ˈna faaotiraa, o vai te nehenehe e patoi ia ˈna?+
Ia hinaaro oia e rave i te tahi mea, e rave oia.+
14 E rave faahope roa hoi oia i ta ˈna i faaoti* no ˈu,E mea rahi â te ohipa mai tera ta ˈna i faataa.
15 No reira vau i horuhoru ai no ˈna.Ia manaˈo vau ia ˈna, e rahi to ˈu mǎtaˈu.
16 Ua faaere te Atua ia ˈu i te itoito,E ua haamǎtaˈu te Manahope ia ˈu.
17 Aita â râ vau i haamamûhia ˈtura e te poiriE te rumaruma atoa tei tapoˈi i to ˈu hohoˈa mata.
Nota i raro i te api
^ Aore ra “mea onoono to ˈu autâ.”
^ Heb: “Mea piri to ˈu avae i te peeraa.”
^ Aore ra “faataahia no ˈu.”
^ Aore ra “faataa.”
