Ioba 34:1-37
34 Ua parau â Elihu:
2 “A haapao mai i ta ˈu mau parau, outou te feia feruriraa paari.A faaroo mai ia ˈu, outou te feia maramarama.
3 E hiˈopoa hoi te tariˈa i te mau parauMai te arero* e tamata i te maa.
4 E faataa anaˈe no tatou iho eaha te mea tano.E faaoti anaˈe eaha te mea maitai.
5 Ua parau hoi Ioba: ‘Ua tano vau,+Ua faaere râ te Atua ia ˈu i te parau-tia.+
6 E haavare anei au no nia i to ˈu tiaraa e fanaˈo i te hoê haavaraa tia?
Eita to ˈu pepe e ora, noa ˈtu aita ta ˈu e hapa.’+
7 O vai ïa taata mai ia Ioba,O te inu i te faaoooraa mai te pape?
8 Te amui ra oia i te feia ohipa inoE te apiti ra i te feia ino.+
9 Ua parau hoi oia: ‘Eita te tahi taata e faufaahiaI te tamataraa i te faaoaoa i te Atua.’+
10 A faaroo mai ïa ia ˈu, outou te feia maramarama:*
E ore roa e tia i te Atua mau ia haa ma te ino,+I te Manahope ia rave i te ino!+
11 E faahoˈi hoi oia i ta te tahi taata ia au i ta ˈna e rave+E e faatae oia i nia ia ˈna i ta to ˈna mau haerea e faatupu.
12 Papu maitai, eita te Atua e haa ma te ino.+Eita te Manahope e faahuru ê i te parau-tia.+
13 Na vai i horoa ia ˈna i te mana i nia i te fenua,E na vai i faatoroa ia ˈna i nia i te ao taatoa?*
14 Ia tiatonu noa ˈtu oia* ia ratou,Ia faahoˈi noa mai oia i to ratou puai ora e to ratou aho ia ˈna ra,+
15 Hoê â mouraa pauroa te taata,E e hoˈi te huitaata i te repo.+
16 No reira, mai te peu e maramarama to oe, a haapao mai i teie parau.A faaroo maitai i ta ˈu e parau.
17 E nehenehe anei te tahi taata mea hae na ˈna te parau-tia e faatere?Aore ra e faahapa anei oe i te tahi taata mana mea parau-tia o ˈna?
18 E parau anei oe i te hoê arii: ‘Mea faufaa ore oe,’
Aore ra i te feia mana: ‘Mea ino outou’?+
19 Eita te Atua e haapao noa i te huiariiEita oia e farii maitai hau aˈe i te feia taoˈa i te feia veve,*+E ohipa anaˈe hoi ratou a to ˈna rima.+
20 E nehenehe ratou e pohe taue,+ i te tuiraa o te po.+E taparuru ratou a pohe atu ai.Ua iriti-ê-atoa-hia te feia mana, e ere râ i te rima taata.+
21 Tei nia hoi te mata o te Atua i te mau haerea o te taata,+E te ite ra Oia i to ˈna mau taahiraa avae atoa.
22 Aita e poiri, aita atoa e marumaru rahiI reira te feia ohipa ino e nehenehe ai e tapuni.+
23 Aita hoi te Atua i faataa i te hoê taime no te taataIa tia mai i mua ia ˈna no te haavaraa.
24 E vavahi oia i te feia mana ma te ore e titorotoro na muaE e faatoroa oia i te tahi atu ei mono.+
25 Ua ite hoi oia eaha ta ratou e rave ra.+E faataahuri oia ia ratou ia po, a perehu atu ai ratou.+
26 E tairi oia ia ratou no to ratou ino,I te tahi vahi e nehenehe te taata atoa e ite atu,+
27 No te mea ua faaea ratou i te pee ia ˈna+E aita roa i faatura i to ˈna mau eˈa.+
28 No ratou aˈe e tuô te feia veve ia ˈna ia tauturu mai,A faaroo mai ai oia i te auê a te feia paruparu.+
29 Ia mamû noa te Atua, o vai te nehenehe e faahapa ia ˈna?
Ia huna oia i to ˈna aro, o vai te nehenehe e ite atu ia ˈna?
I te tahi nunaa anei aore ra i te tahi taata, hoê â huru:
30 Eita ta te hoê taata faatura ore i te Atua* e nehenehe e faatere+E e tuu i te marei no te mau nunaa.
31 E parau anei hoi te tahi taata i te Atua:‘Ua faautuahia vau, noa ˈtu aita vau i rave i te hara.+
32 A haapii mai ia ˈu eaha ta ˈu i ore i ite atu,Mai te peu ua rave au i te tahi ohipa ino, eita vau e na reira faahou’?
33 Ia faahoˈi anei oia i ta oe mai ta oe i manaˈo a patoi ai oe i ta ˈna haavaraa?
Na oe e faaoti, e ere na ˈu.
A faaite mai ïa eaha ta oe i ite maitai.
34 E na ô mai te feia maramarama,*Te taata feruriraa paari atoa o te faaroo ra ia ˈu:
35 ‘Te paraparau ra Ioba ma te ite ore,+E te ere ra ta ˈna mau parau i te haroˈaroˈa.’
36 Ia* tamatahia Ioba ma te tuu i te hopea,No te mea mai ta te feia ino ta ˈna mau pahonoraa!
37 Te apiti ra oia i te orureraa hau i ta ˈna hara.+Te popo ra oia ma te vahavaha i mua ia tatouE te faarahi ra i ta ˈna mau parau faahapa i te Atua mau!”+
Nota i raro i te api
^ Heb: “aroaro vaha.”
^ Heb: “aau maramarama.”
^ Aore ra “to te fenua.”
^ Heb: “Ia haamau noa ˈtu oia i to ˈna aau i nia.”
^ Aore ra “te feia mana i te feia haihai.”
^ Aore ra “taiva.”
^ Heb: “aau maramarama.”
^ Huri-atoa-hia “To ˈu Metua, ia.”
