Ioba 38:1-41
38 Pahono atura Iehova ia Ioba mai roto mai i te mataˈi vero:+
2 “O vai teie e haapoiri nei i ta ˈu aˈoraaA paraparau ai e aita to ˈna e ite?+
3 A faaineine na ia oe mai te hoê tane puai.E uiui au ia oe, e na oe e haamaramarama mai ia ˈu.
4 Teihea roa oe ia ˈu i haamau i te fenua?+
A parau mai, mai te peu e maramarama to oe.
5 Na vai i tuu i to ˈna mau faito, mai te peu ua ite oe,Aore ra na vai i huti i te tahi taura no te faito i te reira?
6 I roto i te aha te haamauraahia to ˈna mau niu,Aore ra na vai i tuu i to ˈna ofai tihi,+
7 I te umere-amui-raa te mau fetia poipoi,+E te tuôraa te mau tamaiti atoa a te Atua*+ ma te arue?
8 E na vai i tuu i te mau uputa no te taotia i te moana+I te pahiraa te reira mai roto mai i te opu,
9 Ia ˈu i vehî i te reira i te mau ataE i puohu i te reira i te rumaruma rahi,
10 Ia ˈu i haamau i ta ˈu otia no te reiraE i tuu i to ˈna mau teˈa e uputa i to ratou vairaa,+
11 E ua parau vau: ‘I ǒ nei oe e haere mai ai, tirara ˈtu ai.I ǒ nei e faaea ˈi to oe mau are teoteo’?+
12 Ua faaueue aˈena* anei oe i te poipoiAore ra ua faaite i te hitiraa mahana i to ˈna vairaa,+
13 Ia mau ia ˈna na hopea o te fenuaE ia tutu oia i te feia ino i rapae?+
14 E taui te hohoˈa o te reira mai te araea i raro aˈe i te tahi titiro,E e au to ˈna hohoˈa i to te tahi ahu.
15 E faaerehia râ te feia ino i te maramarama,E e fati to ratou rima tei amohia i nia.
16 Ua pou anei oe i te mau puna o te moanaAore ra ua paheru anei oe i te mau pape hohonu?+
17 Ua faaitehia anei ia oe te mau uputa o te pohe,+Aore ra ua ite anei oe i te mau uputa o te poiri taˈotaˈo?*+
18 Ua taa anei ia oe te rahi o te fenua?+
A parau mai, mai te peu ua ite oe pauroa te reira.
19 Teihea te eˈa o te faaearaa o te maramarama?+
E teihea te vairaa o te poiri,
20 Ia hopoi oe i te reira i to ˈna tuhaa fenuaE ia taa ia oe te mau eˈa e tae ai i to ˈna fare?
21 Ua ite anei oe i te reira no te mea ua fanau-ê-hia na oeE mea rahi to oe rahiraa matahiti?*
22 Ua tomo anei oe i roto i te mau fare vairaa hiona,+Aore ra ua ite anei oe i te mau fare vairaa pape paari,+
23 Ta ˈu i faataa no te taime ahoaho,No te mahana aroraa e tamaˈi?+
24 Mai teihea eˈa e parare ai te maramarama,*E maihea mai te mataˈi no hitia o te râ e puhi ai i nia i te fenua?+
25 Na vai i ô i te tahi taheraa no te pape pueE i hamani i te eˈa no te ata vero e te patiri,+
26 No te faatopa i te ûa i te vahi parahi-ore-hia e te taata,I te medebara taata ore,+
27 Ia rari te mau fenua pâpâmǎrôE no te faatupu i te aihere?+
28 E metua tane anei to te ûa,+Aore ra na vai i fanau i te mau topata hupe?+
29 No roto mai i to vai opu te pape paari,E na vai i fanau i te rupehu paari+
30 Ia tapoˈihia te mau pape mai te huru ra e te ofai,E ia paari roa te niaraa o te mau pape hohonu?+
31 E nehenehe anei oe e taamu i te mau taura o te pue fetia KimaAore ra e tatara i te mau taura o te pue fetia Kesili?+
32 E nehenehe anei oe e aratai mai i te tahi pue fetia i to ˈna tauAore ra e aratai i te pue fetia Asa e ta ˈna mau tamaiti?
33 Ua ite anei oe i te mau ture e faatere ra i te mau raˈi,+Aore ra e nehenehe anei oe e haavî i te fenua i to ratou* mana?
34 E nehenehe anei oe e faateitei i to oe reo tae roa i te mau ataIa topa te ûa rahi no te tapoˈi ia oe?+
35 E nehenehe anei oe e tono i te uira?
E haere mai anei te reira ia oe a na ô mai ai: ‘Teie matou!’?
36 Na vai i tuu i te paari i roto i te mau ata*+Aore ra i horoa i te ite i te ohipa maere o te raˈi?*+
37 To vai te feruriraa paari no te taio i te mau ata,Aore ra o vai te nehenehe e manii i te mau farii o te raˈi+
38 Ua manii rahi anaˈe te repoE ua piri anaˈe te mau tâpû repo te tahi i te tahi?
39 E nehenehe anei oe e aˈuaˈu i te tahi animara no te lionaAore ra e paia anei ia oe te mau liona apî+
40 Ia tarava ratou i roto i to ratou mau apooAore ra ia tamoemoe ratou mai roto mai i to ratou mau tapuniraa?
41 O vai te faaineine i te maa na te oreba+Ia pii ta ˈna fanauˈa i te Atua ia tauturu maiE ia overe haere oia no te mea aita e maa?
Nota i raro i te api
^ E parau Hebera no te mau tamaiti melahi a te Atua.
^ Heb: “I to oe mau mahana, ua faaueue.”
^ Aore ra “maru pohe.”
^ Heb: “mahana.”
^ Huri-atoa-hia “uira.”
^ Huri-atoa-hia “to ˈna.”
^ Huri-atoa-hia “te taata.”
^ Huri-atoa-hia “i te feruriraa.”
