Ioba 39:1-30
39 “Ua ite anei oe eaha te tau e fanau ai te mau puaaniho mato?+
Ua mataitai anei oe i te mau aili ufa ia fanau i ta ratou fanauˈa?+
2 E taio anei oe i te rahiraa avaˈe to roto te fanauˈa i to ratou opu?
Ua ite anei oe eaha te tau e fanau ai ratou?
3 E piˈo ratou i raro ia fanau ratou i ta ratou fanauˈa,A ore atu ai to ratou mauiui fanau.
4 E puai e e paari mai ta ratou mau fanauˈa i te vahi taata ore.E haere ratou e eita e hoˈi mai.
5 Na vai i tuu i te asini oviri,+E na vai i tatara i te mau taura o te asini oviri?
6 Ua faariro vau i te vahi papu pâpâmǎrô ei nohoraa no ˈnaE te fenua avaava ei parahiraa no ˈna.
7 Eita oia e au i te maniania o te oire.Eita oia e faaroo i te tuô a te putô animara.
8 E hahaere oia na te mau aivi, a imi ai i te vahi aihere,A imi ai pauroa te raau tupu apî.
9 Te hinaaro ra anei te puaatoro oviri e tavini ia oe?+
E taoto anei oia i ta oe fare vairaa animara?*
10 E tapea anei oe i te tahi puaatoro oviri i te taura i te vahi arotehia,Aore ra e apee anei oia ia oe no te utaru* i te peho?
11 E tiaturi anei oe i to ˈna puai rahiA vaiiho atu ai ia ˈna ia rave i ta oe ohipa rohirohi?
12 E turui anei oe i nia ia ˈna no te faahoˈi mai i ta oe i ooti,*E e haaputu anei oia i te reira i ta oe vahi tairiiriraa huero maa?*
13 E tahiri na pererau o te ione ma te oaoa,E nehenehe anei râ e faaau i te hopearaa o to ˈna na pererau e to ˈna mau huruhuru i to te heside?+
14 E vaiiho hoi oia i to ˈna mau huero i nia i te fenua,A vai mahanahana ˈtu ai te reira i roto i te repo.
15 E moˈe ia ˈna e nehenehe te tahi avae e haaparari i te reiraAore ra te tahi animara oviri e taataahi i nia iho.
16 Mea etaeta oia i nia i ta ˈna mau fanauˈa, mai te huru ra e ere na ˈna.+Aita oia e mǎtaˈu ra e faufaa ore ta ˈna ohipa.
17 Ua faaere hoi te Atua ia ˈna i* te paariE aita i horoa i te tahi tuhaa o te ite no ˈna.
18 Ia tia râ oia i nia e ia tahiri oia i to ˈna na pererauE ata oia i te puaahorofenua e to ˈna taata faahoro.
19 Na oe anei e horoa i te puaahorofenua i to ˈna puai?+
E vehî anei oe i to ˈna aˈî i te huruhuru tahirihiri?
20 E nehenehe anei oe e faaouˈa ia ˈna mai te tahi vivi?
Mea riaria mau ia maˈitihe uˈana oia.+
21 E tairi oia i te fenua i to ˈna maiuu i te peho e e ouˈauˈa oia.+E raˈu oia i te tamaˈi.*+
22 E faaooo oia i te riaria e eita oia e riaria aˈe.+
Eita oia e otohe no te ˈoˈe.
23 E totete te vairaa teˈa i nia ia ˈna,Mea purapura te omore e te mahae.
24 A rûrû ai oia no te ru, e horo oia i mua,*Eita ta ˈna e nehenehe e faaea noa* ia oto te pu tara.
25 Ia oto te pu tara, e na ô oia: ‘Aha!’
Na te atea noa, ua taa ia ˈna e tamaˈi te tupu raE e faaroo oia i te tuô a te mau raatira e te tuô o te tamaˈi.+
26 No to oe maramarama anei e maue ai te nesa,A hohora ˈi i to ˈna na pererau no te rere i apatoa?
27 Aore ra tei ta oe faaueraa anei e rere ai te aeto i nia+E e hamani ai oia i to ˈna ofaaraa i nia roa,+
28 A taoto ai i te po i nia i te mato tarere,A parahi ai i to ˈna pare i nia i te mato taratara?
29 Mai reira oia e imi ai i ta ˈna maa.+E hiˈo to ˈna mata i te atea roa.
30 E oteote ta ˈna fanauˈa i te toto.E te vahi to reira tei taparahi-pohe-hia, to reira atoa oia.”+
Nota i raro i te api
^ Aore ra “te vahi e paru ai oe i te animara.”
^ Aore ra “arote.”
^ Heb: “huero.”
^ Heb: “Ua rave te Atua ia moˈe ia ˈna.”
^ Heb: “E haere oia e faaû i te mau mauhaa tamaˈi.”
^ Heb: “e horomii oia i te fenua.”
^ Huri-atoa-hia “Eita oia e tiaturi.”
