Ioba 4:1-21
4 Parau maira Eliphaza+ te ati Temana no te pahono ia ˈna:
2 “Ia tamata te tahi i te paraparau ia oe, e fiu anei oe?
O vai hoi te nehenehe eiaha e paraparau?
3 Parau mau, mea rahi ta oe i aˈo,E i matau na oe i te faaetaeta i te mau rima paruparu.
4 Te taata atoa e marua ra, ua tia ïa i ta oe mau parau,E ua faaetaeta oe i te feia ua opi te turi.
5 I teie nei râ, o oe tei roohia i te reira, e ua tâhiti* oe.O oe te faaruru ra i te reira, e ua toaruaru oe.
6 Aita anei to oe mǎtaˈu i te Atua e horoa ra ia oe i te tiaturi?
Aita anei to oe haerea hapa ore+ e horoa ra ia oe i te tiaturiraa?
7 A haamanaˈo na: O vai te taata hapa ore tei mou aˈenei?
Nafea ra te taata afaro i te haamouraahia?
8 Ta ˈu i ite, te feia o te arote* i te mea inoE te feia o te ueue i te peapea, tera atoa ïa ta ratou e ooti.
9 I te aho o te Atua e pohe ai ratou,E i te farararaa o to ˈna riri e mou ai ratou.
10 E uuru te liona, e e faaroohia te liona apî,Te niho atoa râ o te mau liona puai tei fati.
11 E pohe te liona aita anaˈe e animara e aˈuaˈu,E ua purara te mau fanauˈa a te liona.
12 E ua hopoi-omoˈe-hia mai te tahi parau ia ˈu,E ua parau-mǎrû-hia mai te reira i to ˈu tariˈa.
13 A arepurepu ai te manaˈo i te mau orama i te po,A varea ˈi te mau taata i te taoto rahi,
14 Ua roohia vau i te rûrû rahi,I î ai to ˈu mau ivi atoa i te mehameha.
15 Ua na nia ˈˈe te hoê varua i to ˈu hohoˈa mata.Ua hotaratara-roa-hia vau.
16 Ua tia noa oia i reira,Aita râ vau i taa mai teihea o ˈna.
E hohoˈa to mua i to ˈu mata.Aita e maniania, e ua faaroo vau i te hoê reo:
17 ‘Mea tia aˈe anei te taata i te Atua?
Mea mâ aˈe anei te taata i Tei hamani ia ˈna?’
18 Inaha, eita oia e tiaturi i ta ˈna mau tavini,E e faahapa oia i ta ˈna mau melahi.*
19 Hau atu â ïa te feia e parahi ra i roto i te mau fare araea,Tei haamauhia te niu i raro i te repo,+O te haaperehu-noa-hia mai te tahi manumanu!
20 E haaperehu-roa-hia ratou mai te poipoi tae roa i te ahiahi.E mou ratou e a muri noa ˈtu, e eita hoê e haapao aˈe.
21 E ere anei ratou mai te hoê fare ie ua hutihia te taura?
E pohe ratou ei taata aita i noaa te paari.
