Iosua 16:1-10
16 E te fenua tei tufa-kelero-hia*+ i te huaai o Iosepha,+ mai Ioridana ïa i Ieriko tae roa i te pape i hitia o te râ ia Ieriko, na roto i te medebara a pauma ˈtu ai mai Ieriko i te tuhaa fenua mouˈa o Betela.+
2 E haere roa te reira mai Betela i pihai iho ia Luza tae roa i te otia o te ati Areki i Atarota,
3 a haapou atu ai i tooa o te râ i te otia o te ati Iapheleti, tae roa i te otia o Bete-horona+ raro e Gezera,+ e e hope te reira i te miti.
4 Parahi aˈera ïa te huaai o Iosepha,+ Manase raua Epheraima, i nia i to raua fenua.+
5 Teie te otia o te huaai o Epheraima ia au i to ratou mau fetii: Te otia o ta ratou tuhaa i hitia o te râ, o Atarota-adara+ ïa tae roa i Bete-horona nia,+
6 e e haere roa te otia i te miti. Tei apatoerau o Mikameta,+ e e tioi te otia i hitia o te râ i Taanata-silo, e e tae roa te reira i hitia o te râ i Ianoa.
7 Mai Ianoa e haapou ai te otia i Atarota e Naara a tae atu ai i Ieriko+ e a haere roa ˈi i Ioridana.
8 Mai Tapua+ e haere ai te otia i tooa o te râ i te tahora o Kâna, e e hope te reira i te miti.+ Tera te tuhaa a te opu o Epheraima ia au i to ratou mau fetii.
9 E oire atoa to te huaai o Epheraima i rotopu i te tuhaa a Manase,+ e te mau oire rii tapiri.
10 Aita râ ratou i tiahi i te ati Kanaana e faaea ra i Gezera,+ e ora noa ˈtura te ati Kanaana i rotopu ia Epheraima tae roa mai i teie mahana,+ e faarave-noa-hia ˈtura ratou i te ohipa faahepohia.+
Nota i raro i te api
^ Aore ra “tufahia.”
