Iosua 19:1-51
19 Matara maira te piti o te tuhaa+ no Simeona, no te opu o Simeona+ ia au i to ratou mau fetii. E to roto i te tuhaa a Iuda+ ta ratou tuhaa.
2 Ta ratou tuhaa, o Beere-seba+ e Seba, Molada,+
3 Hazara-suala,+ Bala, Ezema,+
4 Elatolada,+ Betula, Horamâ,
5 Zikelaga,+ Bete-marakabota, Hazara-susa,
6 Bete-lebaota+ e Saruhena, 13 oire e te mau oire rii tapiri,
7 Aina, Rimona, Eterâ e Asana,+ e maha oire e te mau oire rii tapiri,
8 e te mau oire rii atoa ati aˈe taua mau oire ra tae roa i Baalata-beera, Rama no apatoa. Tera te tuhaa a te opu o Simeona ia au i to ratou mau fetii.
9 No roto te tuhaa a te huaai o Simeona i te tuhaa faitohia a Iuda, no te mea ua rahi roa te tuhaa tufahia a Iuda no ratou. Fanaˈo aˈera ïa te huaai o Simeona i te tahi tâpû fenua no roto i ta ratou tuhaa.+
10 I muri iho, riro atura te toru o te tuhaa+ i te huaai o Zebuluna+ ia au i to ratou mau fetii, e e haere roa te otia o ta ratou tuhaa i Saridi.
11 E pauma to ratou otia i tooa o te râ i Mareala, e e farerei ia Dabaseta tae roa i te peho i mua noa ia Iokeneama.
12 E mai Saridi mai, e haere te reira i hitia o te râ i te hitiraa o te mahana, i te otia o Kiselota-tabora, e pipiha i Daberata+ e e pauma i Iaphia.
13 E mai reira mai, e haere â te reira i hitia o te râ i te hitiraa o te mahana i Gata-hephera,+ i Eta-kazina, e e pipiha i Rimona a haere roa ˈtu ai i Nea.
14 E tioi te otia i apatoerau i Hanatona, e e hope te reira i te peho o Iepheta-ela,
15 e Katata, Nahalala, Simirona,+ Idala e Betelehema,+ 12 oire e te mau oire rii tapiri.
16 Tera te tuhaa a te huaai o Zebuluna ia au i to ratou mau fetii.+ Tera te mau oire e te mau oire rii tapiri.
17 Matara maira te maha o te tuhaa+ no Isakara,+ no te huaai o Isakara ia au i to ratou mau fetii.
18 E tae roa to ratou otia i Iezereela,+ Kesulota, Sunema,+
19 Hapharaima, Sihiona, Anaharata,
20 Rabita, Kisiona, Ebeza,
21 Remeta, Ene-ganima,+ Ene-hada e Bete-pazeza.
22 E farerei te otia ia Tabora+ e Sahazuma e Bete-semesa, e o Ioridana te hopearaa o to ratou otia, 16 oire e te mau oire rii tapiri.
23 Tera te tuhaa a te opu o Isakara ia au i to ratou mau fetii,+ te mau oire e te mau oire rii tapiri.
24 Matara maira te pae o te tuhaa+ no te opu o Asera+ ia au i to ratou mau fetii.
25 E to ratou otia, o Helekata,+ Hali, Betena, Akasapha,
26 Alameleka, Amada e Misala. E farerei te reira i tooa o te râ ia Karemela+ e ia Sihora-libenata,
27 e faahoˈi mai te reira i hitia o te râ i Bete-dagona, e farerei ia Zebuluna e te peho o Iepheta-ela i apatoerau, ia Bete-emeka e ia Neiela, a haere roa ˈtu ai i Kabula i te pae aui,
28 e i Eberona, Rehoba, Hamona e Kâna tae roa i Sidona rahi.+
29 E faahoˈi mai te otia i Rama tae roa i Turia,+ e oire auahia i te patu. E e faahoˈi mai te otia i Hosa, e e hope i te miti i te tuhaa fenua o Akaziba,
30 Uma, Apheka+ e Rehoba,+ e 22 oire e te mau oire rii tapiri.
31 Tera te tuhaa a te opu o Asera ia au i to ratou mau fetii.+ Tera te mau oire e te mau oire rii tapiri.
32 Matara maira te ono o te tuhaa+ no te huaai o Naphatali, no te huaai o Naphatali ia au i to ratou mau fetii.
33 Mai Helepha to ratou otia, mai te tumu raau rahi i Zaananima,+ e Adami-nekeba e Iabaneela tae roa i Lakuma, a hope atu ai i Ioridana.
34 E faahoˈi mai te otia i tooa o te râ i Azanota-tabora, e haere roa i Hukoke e e farerei ia Zebuluna i apatoa e ia Asera i tooa o te râ e ia Iuda i Ioridana i hitia o te râ.
35 E te mau oire auahia i te patu, o Zidima, Zere, Hâmata,+ Rakata, Kinereta,
36 Atama, Rama, Hazora,+
37 Kedesa,+ Ederei, Ene-hazora,
38 Irona, Migadala-ela, Horema, Bete-anata e Bete-semesa,+ 19 oire e te mau oire rii tapiri.
39 Tera te tuhaa a te opu o Naphatali ia au i to ratou mau fetii,+ te mau oire e te mau oire rii tapiri.
40 Matara maira te hitu o te tuhaa+ no te opu o Dana+ ia au i to ratou mau fetii.
41 E te otia o ta ratou tuhaa, o Zora,+ Esetaola, Ire-semesa,
42 Saalabina,+ Aialona,+ Ietala,
43 Elona, Timina,+ Ekerona,+
44 Eleteka, Gibetona,+ Baalata,
45 Iehuda, Bene-beraka, Gata-rimona,+
46 Me-iarekona e Rakona, tei mua noa te otia ia Iopa.+
47 Mea apǐapǐ roa râ te tuhaa fenua o Dana no ratou.+ Pauma aˈera ïa ratou e aro ia Lesema.+ Haru aˈera ratou i tera oire e tairi aˈera i to reira mau taata i te ˈoˈe. Fatu maira ïa ratou i tera oire. Parahi ihora ratou i reira, e taui atura ratou i te iˈoa o Lesema ia Dana, te iˈoa o Dana to ratou tupuna.+
48 Tera te tuhaa a te opu o Dana ia au i to ratou mau fetii. Tera te mau oire e te mau oire rii tapiri.
49 Oti aˈera ïa ia ratou i te tufa i te fenua no te horoa ei tuhaa na ratou. Horoa ˈtura te ati Iseraela na Iosua te tamaiti a Nuna i te tahi tuhaa i rotopu ia ratou.
50 Horoa ˈtura ratou no ˈna ia au i te faaueraa a Iehova i te oire ta ˈna i ani, o Timina-sera,+ i te tuhaa fenua mouˈa o Epheraima. Patu ihora Iosua i te oire e parahi ihora i reira.
51 Tera te mau tuhaa ta Eleazara te tahuˈa, ta Iosua te tamaiti a Nuna, e te mau upoo o te mau opu fetii o Iseraela i tufa+ kelero i Silo+ i mua ia Iehova, i te tomoraa o te tiahapa o te amuiraa.+ Ua oti ïa ia ratou i te tufa i te fenua.
