Iosua 21:1-45
21 Tapiri maira te mau upoo o te mau utuafare o te ati Levi ia Eleazara+ te tahuˈa, ia Iosua te tamaiti a Nuna e te mau upoo o te mau opu fetii o Iseraela,
2 i Silo+ i te fenua o Kanaana, e na ô maira: “Ua faaue Iehova na roto ia Mose ia horoahia mai ei faaearaa no matou te tahi mau oire e to ratou mau vahi aihere no ta matou mau animara.”+
3 Mai ta Iehova i faaue, horoa ˈtura ïa te ati Iseraela, na te ati Levi i tera mau oire+ e to ratou mau vahi aihere no roto mai i ta ratou iho tuhaa.+
4 Matara maira te tuhaa no te fetii o te ati Kohata,+ e tufa-kelero-hia ˈtura no te ati Levi e huaai no Aarona te tahuˈa 13 oire no roto mai i te opu o Iuda,+ te opu o Simeona+ e te opu o Beniamina.+
5 E no te toea o te ati Kohata, tufa-kelero-hia ˈtura hoê ahuru oire no roto mai i te fetii o te opu o Epheraima,+ te opu o Dana e te afaraa o te opu o Manase.+
6 E no te ati Geresona,+ tufahia ˈtura 13 oire no roto mai i te fetii o te opu o Isakara, te opu o Asera, te opu o Naphatali e te afaraa o te opu o Manase i Basana.+
7 No te ati Merari+ ia au i to ratou fetii, 12 oire no roto mai i te opu o Reubena, te opu o Gada e te opu o Zebuluna.+
8 Mea na reira ïa to te ati Iseraela tufa-kelero-raa i tera mau oire e to ratou mau vahi aihere no te ati Levi, mai ta Iehova i faaue na roto ia Mose.+
9 No roto mai ïa i te opu o Iuda e te opu o Simeona tera mau oire tei faahitihia te iˈoa+ ta ratou i horoa,
10 e ua horoahia te reira na te ati Levi te huaai o Aarona no roto i te fetii ati Kohata, no te mea ua riro ia ratou te tuhaa matamua.
11 Horoahia ˈtura no ratou o Kiriata-araba+ (o Araba te metua tane o Anaka), oia hoi Heberona,+ i te tuhaa fenua mouˈa o Iuda e to ˈna mau vahi aihere ati aˈe i rapaeau.
12 Area te mataeinaa e te mau oire rii i pihai iho, ua horoahia na Kaleba te tamaiti a Iephune ia fatu oia.+
13 E no te huaai o Aarona te tahuˈa, horoahia ˈtura te oire haapuraa no tei haapohe i te taata,+ oia hoi Heberona+ e to ˈna mau vahi aihere, oia atoa Libena+ e to ˈna mau vahi aihere,
14 Iatira+ e to ˈna mau vahi aihere, Esetemoa+ e to ˈna mau vahi aihere,
15 Holona+ e to ˈna mau vahi aihere, Debira+ e to ˈna mau vahi aihere,
16 Aina+ e to ˈna mau vahi aihere, Iuta+ e to ˈna mau vahi aihere e Bete-semesa e to ˈna mau vahi aihere, e iva ïa oire no roto mai i teie na piti opu.
17 E no roto mai i te opu o Beniamina: Gibeona+ e to ˈna mau vahi aihere, Geba e to ˈna mau vahi aihere,+
18 Anatota+ e to ˈna mau vahi aihere, Alamona e to ˈna mau vahi aihere, e maha ïa oire.
19 Te mau oire atoa tei horoahia no te huaai o Aarona, te mau tahuˈa, 13 ïa oire e to ratou mau vahi aihere.+
20 Tufa-kelero-hia ˈtura te tahi mau oire no roto mai i te opu o Epheraima no te toea o te fetii ati Kohata i rotopu i te ati Levi.
21 Horoahia ˈtura te oire haapuraa no tei haapohe i te taata,+ oia hoi Sekema+ e to ˈna mau vahi aihere i te tuhaa fenua mouˈa o Epheraima, Gezera+ e to ˈna mau vahi aihere,
22 Kibezaima e to ˈna mau vahi aihere e Bete-horona+ e to ˈna mau vahi aihere, e maha ïa oire.
23 E no roto mai i te opu o Dana: Eleteka e to ˈna mau vahi aihere, Gibetona e to ˈna mau vahi aihere,
24 Aialona+ e to ˈna mau vahi aihere, Gata-rimona e to ˈna mau vahi aihere, e maha ïa oire.
25 E no roto mai i te afaraa o te opu o Manase: Taanaka+ e to ˈna mau vahi aihere e Gata-rimona e to ˈna mau vahi aihere, e piti ïa oire.
26 Pauroa te oire e to ratou mau vahi aihere tei riro i te toea o te fetii ati Kohata, hoê ahuru ïa oire.
27 Riro atura te oire haapuraa no tei haapohe i te taata ma te opua ore i te ati Geresona+ te fetii no te ati Levi no roto mai i te afaraa o te opu o Manase, oia hoi Golana,+ i Basana, e to ˈna mau vahi aihere, e Beesatera e to ˈna mau vahi aihere, e piti ïa oire.
28 E no roto mai i te opu o Isakara:+ Kisiona e to ˈna mau vahi aihere, Daberata+ e to ˈna mau vahi aihere,
29 Iaremuta e to ˈna mau vahi aihere e Ene-ganima e to ˈna mau vahi aihere, e maha ïa oire.
30 E no roto mai i te opu o Asera:+ Misala e to ˈna mau vahi aihere, Abadona e to ˈna mau vahi aihere,
31 Helekata+ e to ˈna mau vahi aihere e Rehoba+ e to ˈna mau vahi aihere, e maha ïa oire.
32 E no roto mai i te opu o Naphatali: te oire haapuraa+ no tei haapohe i te taata ma te opua ore, oia hoi Kedesa+ i Galilea e to ˈna mau vahi aihere, Hamota-dora e to ˈna mau vahi aihere e Karatana e to ˈna mau vahi aihere, e toru ïa oire.
33 Te mau oire atoa o te ati Geresona ia au i to ratou fetii, 13 ïa oire e to ratou mau vahi aihere.
34 E riro atura i te fetii o te ati Merari,+ te toea o te ati Levi, no roto mai i te opu o Zebuluna:+ Iokeneama+ e to ˈna mau vahi aihere, Karata e to ˈna mau vahi aihere,
35 Dimina e to ˈna mau vahi aihere e Nahalala+ e to ˈna mau vahi aihere, e maha ïa oire.
36 E no roto mai i te opu o Reubena: Bezera+ e to ˈna mau vahi aihere, Iahaza e to ˈna mau vahi aihere,+
37 Kedemota e to ˈna mau vahi aihere e Mephaata e to ˈna mau vahi aihere, e maha ïa oire.
38 E no roto mai i te opu o Gada:+ te oire haapuraa no tei haapohe i te taata ma te opua ore, oia hoi Ramota i Gileada+ e to ˈna mau vahi aihere, Mahanaima+ e to ˈna mau vahi aihere,
39 Hesebona+ e to ˈna mau vahi aihere e Iazera+ e to ˈna mau vahi aihere, e maha ïa oire.
40 Te mau oire atoa tei tufahia no te ati Merari ia au i to ratou fetii, te toea o te fetii o te ati Levi, 12 ïa.
41 Te mau oire atoa o te ati Levi e fatuhia ra e te ati Iseraela, e 48 ïa e to ratou mau vahi aihere.+
42 E vahi aihere tei ati aˈe i tera mau oire tataitahi. Mai tera no tera mau oire atoa.
43 Ua horoa ïa Iehova no Iseraela i te fenua taatoa ta ˈna i horeo i to ratou mau tupuna+ e horoa. Fatu atura ratou i te reira e parahi ihora i reira.+
44 Hau atu â, ua horoa mai Iehova ia ratou i te faafaaearaa i te mau vahi atoa, mai ta ˈna i horeo i to ratou mau tupuna,+ e aita hoê o to ratou mau enemi atoa i nehenehe e aro ia ratou.+ Ua tuu Iehova i to ratou mau enemi atoa i to ratou rima.+
45 Aita hoê parau fafau* i ore i tupu i te mau parau fafau maitai atoa ta Iehova i fafau i te nunaa o Iseraela, ua tupu pauroa te reira.+
Nota i raro i te api
^ Aore ra “parau.”
