Isaia 16:1-14
-
Faahaparaa â ia Moabi (1-14)
16 A faatae i te tahi mamoe oni i te raatira o te fenua,Mai Sêla ˈtu na roto i te medebaraTae roa i te mouˈa o te tamahine o Ziona.
2 Mai te tahi manu tei tiahihia i to ˈna ofaaraa,+E na reira-atoa-hia te mau tamahine o Moabi i te mau vahi papaˈu o Aranona.+
3 “A aˈo atu, a haapao i tei faaotihia.
I te avatea, ia riro to oe marumaru mai to te po ra.
A huna i tei purara e eiaha e taiva i tei horo ê ra.
4 Ia parahi to ˈu feia tei purara i ǒ oe, e Moabi.
Ia riro oe ei vahi tapuniraa no ratou, i te taata haamou.+
E mou te taata haavî,E hope te haamouraa,E e mou te feia e taataahi ra ia vetahi ê i te fenua.
5 I reira te hoê terono e haamau-papu-hia ˈi ma te here taiva ore.
Eita te taata no te tiahapa o Davida o te parahi i nia iho e taiva.+E haava oia ma te parau-tia e e faatupu oioi oia i te parau-tia.”+
6 Ua faaroo tatou i te parau o te teoteo o Moabi, mea faaoru roa oia,+Mea faateitei, mea teoteo e mea iria.+E hope râ ta ˈna mau parau faufaa ore.
7 E auê Moabi ia Moabi.E auê ratou pauroa.+
E uuru tei tairihia, a mihi ai i te vine mǎrô pâpâhia no Kira-haraseta.+
8 Ua mǎrô hoi te mau faaapu vine i nia i te taha aivi o Hesebona,+Te vine a Sibema,+Ua taataahi te mau raatira o te mau nunaa i to ˈna mau amaa uteute.*Ua tae roa te reira i Iazera.+Ua tae roa te reira i te medebara.
I tupu na to ˈna mau amaa apî e ua toro roa i te miti.
9 No reira vau e taˈi ai i te vine no Sibema mai ta ˈu e taˈi ia Iazera.
E puru roa outou i to ˈu roimata, e Hesebona orua Eleale,+No te mea aita faahou te reo umere* no te maa auhune e te tau ootiraa.
10 Aita faahou te oaoa e te rearea i roto i te faaapu maa hotu,E aita faahou e himene oaoa e e reo umere i te mau faaapu vine.+
Aita faahou te taata taataahi vine e taataahi faahou ra,Ua haamamû hoi au i te reo umere.+
11 No reira vau i horuhoru ai i roto ia ˈu no Moabi,+Mai te hautiraa kinura,I roto roa ia ˈu, no Kira-haraseta.+
12 Noa ˈtu e faarohirohi Moabi ia ˈna i te vahi teitei e e haere oia e pure i to ˈna nao,* aita e mea ta ˈna e faatupu.+
13 Tera te parau ta Iehova i parau no Moabi.
14 E te parau nei Iehova i teie nei: “I roto e toru matahiti, mai te mau matahiti o te taata tarahuhia,* e vahavahahia te hanahana o Moabi ua rau te huru vahavaharaa, e iti roa mai tei toe mai e aita rea taata.”+
Nota i raro i te api
^ Aore ra “to ˈna mau amaa tei î i te vine uteute.”
^ Huri-atoa-hia “huro.”
^ Aore ra “taio-maitai-hia mai ta te taata tarahuhia e taio,” oia hoi e toru matahiti tia.
