Isaia 23:1-18
-
Faahaparaa ia Turia (1-18)
23 Te parau no nia ia Turia:+
A auê, outou te mau pahi o Taresisa!+
Ua haamouhia hoi te uahu. Eita e nehenehe e tomo mai.
Mai te fenua o Kitima+ mai te faaiteraahia te reira ia ratou.
2 A mamû, outou to te pae miti.
Ua taoˈahia outou i te feia hoo taoˈa tei fano mai Sidona+ mai.
3 Na nia i te pape e rave rahi te fanoraa te huero maa a Sihora,*+Tei ootihia i pihai iho ia Nile, ta oe taoˈa aufau,Ei faufaa na te mau nunaa.+
4 Ia haama oe, e Sidona, oe te pare o te moana,No te mea ua parau te moana:
“Aita vau i mauiui i te mauiui fanau, e aita vau i fanau,Aita vau i faaamu i te tane apî, aita atoa vau i rave i te vahine apî.”*+
5 Mai te faarooraahia te parau apî no Aiphiti,+E ahoaho atoa te taata ia faaroo ratou i te parau apî no Turia.+
6 A fano atu i Taresisa!
A auê, outou to te pae miti!
7 O to outou anei oire tera, tei popou na i mutaa iho, mai to ˈna omuaraa mai?
I afai na to ˈna avae ia ˈna i te mau fenua atea no te parahi i reira.
8 Na vai i faaoti i te reira no Turia,Oia tei opere i te hei arii,E huiarii to ˈna feia hoo taoˈa,E feia faaturahia na te fenua taatoa to ˈna feia tapihoo?+
9 Na Iehova o te mau nuu* i faaoti i te reira,No te haaviivii i to ˈna teoteoraa i to ˈna nehenehe rahi,No te faahaama i te feia atoa tei faahanahanahia na te fenua atoa.+
10 A haere i te tahi atu pae o to oe fenua mai te anavai Nile, e te tamahine a Taresisa.
Aita faahou e vahi hamaniraa pahi.*+
11 Ua toro oia i to ˈna rima i nia i te moana.Ua aueue te mau faatereraa arii ia ˈna.
Ua faaue Iehova ia haamouhia te mau pare o Phenikia.+
12 E te parau ra oia: “Eita oe e oaoa faahou,+E te vahine apî* tei haavîhia, tamahine a Sidona.
A tia i nia, a fano atu i Kitima.+
I reira atoa, eita oe e faafaaea.”
13 Inaha, te fenua o te Kaladaio.+
Teie taua nunaa ra, e ere o Asura,+Tei faariro ia ˈna ei vahi no te mau animara o te medebara.
Ua faatia ratou i te mau pare no te haru i te oire.Ua vavahi ratou i to ˈna mau pare etaeta,+A riro atu ai oia ei pueraa huˈahuˈa.
14 A auê, e te mau pahi o Taresisa,Ua vavahihia hoi to outou pare.+
15 I tera mahana, e moˈehia o Turia e 70 matahiti,+ hoê â roaraa e te oraraa* o te hoê arii. Ia hope 70 matahiti, e roohia Turia mai ta te himene no te vahine taiata e parau ra:
16 “A rave mai i te kinura, a haaati i te oire, e te vahine taiata tei haamoˈehia.
A hauti maite i ta oe kinura.A himene e rave rahi himene,Ia haamanaˈohia oe.”
17 Ia hope 70 matahiti, e haapaohia mai Turia e Iehova, e hoˈi faahou oia i ta ˈna taoˈa aufau e e taiata faahou i te mau faatereraa arii atoa o te fenua.
18 E riro râ ta ˈna apî e ta ˈna taoˈa aufau ei mea moˈa no Iehova. Eita te reira e haapuehia aore ra e tuuhia i te hiti, no te mea e riro ta ˈna taoˈa aufau i te feia e parahi ra i mua ia Iehova, ia tamaa ratou e paia noa ˈtu e ia oomo ratou i te ahu nehenehe.+
Nota i raro i te api
^ E taheraa pape teie no roto mai i te anavai Nile.
^ Heb: “aita i taoto aˈenei i te tane.”
^ Aore ra “sabaota.”
^ Huri-atoa-hia “uahu.”
^ Heb: “aita i taoto aˈenei i te tane.”
^ Heb: “te mau mahana.”
