Isaia 24:1-23
24 Inaha, te haapau nei Iehova i te fenua e te faaano nei i te reira.+
Te faatahuri nei oia i* te reira+ e te haapurara nei i to ˈna mau taata.+
2 E roohia pauroa te taata i te hoê â ati:
Te nunaa e te tahuˈa,Te tavini tane e to ˈna fatu tane,Te tavini vahine e to ˈna fatu vahine,Tei hoo mai e tei hoo atu,Tei tipeehia ˈtu e tei tipee mai,Tei tarahu atu e tei tarahu mai.+
3 E pau roa te fenua taatoa.E haruhia pauroa te taoˈa i reira,+Na Iehova hoi i faahiti i tera parau.
4 E oto* te fenua,+ e e oriorio roa.
E oriorio e e maemae te fenua.
E oriorio te feia tiaraa teitei o te fenua.
5 Ua haaviiviihia te fenua e to ˈna mau taata,+Ua tâuˈa ore hoi ratou i te mau ture,+Ua taui i te faatureraa,+E ua ofati i te faufaa vai maoro.*+
6 No reira te fenua i pau ai i te ati,+E e hara ta te feia atoa e parahi ra i reira.
No reira to te reira fenua i iti roa mai ai,E aita rea taata tei toe mai.+
7 Te oto* nei te uaina apî, te oriorio nei te vine,+E te autâ nei te feia atoa tei oaoa na te aau.+
8 Aita faahou te oto oaoa o te tariparau.Ua ore te maniania a te feia arearea.Aita faahou te oto oaoa o te kinura.+
9 Aita e himene ia inu te taata i te uaina,E mea maramara te ava no te feia inu.
10 Ua vavahihia te oire ano.+Ua tapirihia pauroa te fare, aita e taata e tomo i roto.
11 E tuô te taata i roto i te mau aroâ no te uaina ore.
Ua ore roa te oaoa.Ua morohi te oaoaraa o te fenua.+
12 E pueraa huˈahuˈa noa te oire.Ua vavahihia te uputa ei pueraa huˈahuˈa.+
13 E riro hoi i nia i te fenua, i rotopu i te mau nunaa
Mai te tumu olive ia tairiirihia,+Mai te ohi-haere-raa ia hope te pofairaa vine.+
14 E tuô ratou,E umere ratou.
Mai te moana* mai, e faaite ratou i te teitei o Iehova.+
15 No reira ratou e faahanahana ˈi ia Iehova i te tuhaa fenua o te maramarama.*+E faahanahana ratou i te iˈoa o Iehova te Atua o Iseraela i te mau motu o te moana.+
16 Mai te hopea mai o te fenua ua faaroo matou i te tahi mau himene:
“Ia hanahana* Tei ia ˈna ra te parau-tia!”+
E parau râ vau: “Te oriorio nei au, te oriorio nei au!
Ua ati au! Ua taiva te feia taiva.Ma te taiva te taivaraa mai te feia taiva ia ˈu.”+
17 E mehameha, e apoo e e marei te tiai mai ra ia outou, to teie fenua.+
18 Te taata atoa e horo ê i te haruru riaria, e topa ïa i roto i te apoo,E te taata e haere mai ra i rapae i te apoo, e mau ïa i roto i te marei.+
E tatarahia hoi te mau uputa pape o te raˈi,E e aueue te mau niu o te fenua.
19 Ua parari roa te fenua.Ua aueue te fenua.Ua iriti roa te fenua.+
20 Te peretete ra te fenua mai te taero ava,E te taueue ra mai te tahi tamaru i te mataˈi.
Mea teiaha ta ˈna hara i nia ia ˈna,+E e topa oia e eita e tia faahou mai.
21 I tera mahana, e haapao Iehova i te nuu o te vahi teitei i nia raE i te mau arii o te fenua i raro nei.
22 E e haaputuputuhia ratouMai te feia tei tapeahia e haaputuputuhia i roto i te apoo,E e ponaohia ratou i roto i te piha tapearaa.I muri aˈe e rave rahi mahana e haapaohia ˈi ratou.
23 E horuhoru te atiraa avaˈe,E e haama te mahana anaana,+Ua riro hoi Iehova o te mau nuu* ei Arii+ i te mouˈa Ziona+ e i Ierusalema,Ma te hanahana i mua i te mau matahiapo o to ˈna nunaa.*+
Nota i raro i te api
^ Aore ra “Te taviri nei oia i te hohoˈa o.”
^ Huri-atoa-hia “mǎrô roa.”
^ Aore ra “tahito.”
^ Huri-atoa-hia “mǎrô roa.”
^ Aore ra “tooa o te râ.”
^ Aore ra “i hitia o te râ.”
^ Aore ra “unauna.”
^ Aore ra “sabaota.”
^ Heb: “i ta ˈna mau matahiapo.”
