Isaia 27:1-13
27 I tera mahana, ma ta ˈna ˈoˈe etaeta e te rahi e te puai,+E haapao ai Iehova ia Leviatana,* te ophi heehee noa,Ia Leviatana, te ophi taviriviri,E e haapohe oia i tera animara rahi e ora ra i roto i te miti.
2 I tera mahana, a himene no ˈna:*
“E faaapu vine no te uaina faahopue!+
3 O vau, o Iehova, te paruru nei ia ˈna.+
E pîpî au ia ˈna i te mau taime atoa.+
E paruru vau ia ˈna i te po e te ao,Ia ore hoê ia rave ino ia ˈna.+
4 Aita e riri rahi tahoo i roto ia ˈu.+
O vai te aro ia ˈu i te raau taratara e te zizania i te aroraa?
E taataahi e e tanina vau ia ratou pauroa.
5 Aita anaˈe, ia haapu oia i to ˈu pare etaeta.
Ia imi oia ia ˈu ia hau mâua.Ia hau mâua e imi ai oia ia ˈu.”
6 I te mau mahana i muri mai, e aˈahia Iakoba,E tiarehia e e oteohia Iseraela,+E e î te fenua i te maa hotu.+
7 Ia tairihia iho â anei oia i te tairiraa a tei tairi ra ia ˈna?
Aore ra ia haapohehia iho â anei oia mai tei haapohehia e ana?
8 Ma te hoê pii puai e taputô ai oe ia ˈna ia tiahi oe ia ˈna.
E tiavaru oia ia ˈna i to ˈna mataˈi uˈana i te mahana o te mataˈi no hitia o te râ.+
9 Mea na reira ïa te hara a Iakoba e faaorehia ˈi,+E teie mau te hopearaa ua hopoi-ê-anaˈe-hia ta ˈna hara:
E faariro oia pauroa te ofai o te fataMai te puˈa tei vavahihia,E aita e raau haamoriraa* e e vairaa mea noˈanoˈa e toe mai.+
10 E vai ano hoi te oire auahia i te patu.E haapaehia e e faaruehia te mau vahi aihere mai te medebara.+
I reira te fanauˈa puaatoro e amu ai i te aihere e e tarava ˈiE e amu oia i to ˈna mau amaa.+
11 Ua mǎrô anaˈe to ˈna mau amaamaa,E haere mai te mau vahine e ofati i te reiraNo te tahu i te auahi.
E nunaa taa ore hoi i te haapaoraa tera.+
No reira Tei hamani ia ratou e ore ai e aroha ia ratou,E eita Tei haamau ia ratou e hamani maitai ia ratou.+
12 I tera mahana, e ueue Iehova i te tumu raau ia topa mai te maa, mai te taheraa pape o te Anavai* e tae atu i te peho o Aiphiti,+ e e haaputuputuhia outou te tahi i muri i te tahi, e te nunaa o Iseraela e.+
13 I tera mahana, e pu rahi te faaotohia,+ e e haere mai pauroa tei pohe ra i te fenua o Asura+ e tei purara i te fenua o Aiphiti+ e e piˈo ratou i mua ia Iehova i te mouˈa moˈa i Ierusalema.+
Nota i raro i te api
^ E au ra e o Iseraela tei faahitihia i ǒ nei mai te tahi vahine e tei faahohoˈahia i te hoê faaapu vine.
^ Oia hoi Eupharate.
