Isaia 30:1-33
30 “Ua ati te mau tamaiti haapaari,”+ te parau ra Iehova,“Ratou o te faatupu ra i te mau opuaraa e ere na ˈu,+O te faaau ra i te faufaa,* e ere râ i te mea arataihia e to ˈu varua,A apǎpǎ noa ˈtu ai ta ratou hara.
2 E pou ratou i Aiphiti+ ma te ore e ani i to ˈu manaˈo,+No te imi i te parururaa a* PharaoE no te haapu i raro aˈe i te marumaru o Aiphiti!
3 E riro râ te parururaa a Pharao ei parau haama no outou,E te haapuraa i raro aˈe i te marumaru o Aiphiti ei parau faahaama.+
4 Tei Zoana hoi to ˈna huiarii,+E ua tapae ta ˈna mau tia i Hanesa.
5 E haama ratou pauroaNo te tahi nunaa aita e faufaa no ratou,O te ore e horoa mai i te tauturu e te tahi faufaa,E haama anaˈe râ e te faahaamaraa.”+
6 E parau faahaparaa i te mau animara taehae no apatoa:
Na te fenua o te ahoaho e te mauiui,O te liona, te liona uuru,O te ehidena e te ophi taero peepee,*Te faauta ra ratou i ta ratou mau faufaa i nia i te tua o te asiniE ta ratou maa i nia i te puu o te kamela.
Eita râ te nunaa e faufaahia i te reira.
7 Mea faufaa ore roa hoi te tauturu a Aiphiti.+
No reira vau i pii ai ia ˈna: “O Rahaba,+ e parahi noa te ohipa.”
8 “A haere i teie nei, a papai i te reira i nia i te pǎpǎ i mua ia ratou,E a tapao i te reira i roto i te hoê buka,+Ia faaohipahia te reira a muri aˈeEi haapapuraa e a muri noa ˈtu.+
9 E nunaa orure hau hoi teie,+ e tamarii haavare,+E tamarii o te ore e hinaaro e faaroo i te ture* a Iehova.+
10 E parau ratou i te feia ite orama: ‘Eiaha outou ia ite i te orama,’
E i te mau peropheta: ‘Eiaha e faaite ia matou i te orama mau.+
A faaite mai i te parau navenave.* Ia ite outou i te orama haavare.+
11 A haere ê atu i te eˈa. A hahi ê i te eˈa.
A faaea i te faahiti ia matou i te parau o Tei Moˈa o Iseraela.’”+
12 No reira, teie ta Tei Moˈa o Iseraela e parau ra:
“I te mea ua faarue outou i ta ˈu parau,+E tiaturi outou i te taviri e te haavareE e turui outou i nia i te reira,+
13 E riro teie hape mai te tahi patu afâ,Mai te tahi patu teitei opupu ua fatata i te marua.
E purehu taue noa mai te reira.
14 E tupararihia te reira mai te farii rahi a te potera,Ua parari roa hoi e aita hoê huˈahuˈa e toe maiNo te ohi mai i te auahi no roto i te tahuraa auahiAore ra no te taipu i te pape i roto i te tahi haapueraa* pape.”
15 Teie hoi ta te Arii hau ê e Fatu ra o Iehova, Tei Moˈa o Iseraela, e parau ra:
“Ia hoˈi mai outou ia ˈu e ia faafaaea, e ora outou.Tei te vai-hau-noa-raa e te tiaturiraa to outou puai.”+
Aita râ outou i hinaaro.+
16 Ua parau outou: “Eita, e horo ê râ matou na nia i te puaahorofenua!”
E horo ê iho â outou.
“E e puaahorofenua vitiviti ta matou e faahoro!”+
E mahemo hoi outou i te feia aˈuaˈu.+
17 Hoê tausani te rûrû i te faariariaraa a hoê noa taata.+E pae taata te faariaria ia outou, e horo ê outouE e riro tei toe i rotopu ia outou mai te tahi tira i nia i te tupuai mouˈa,Mai te tahi pou tapao i nia i te aivi.+
18 Tera râ, te tiai nei Iehova ma te faaoromai no* te hamani maitai ia outou,+E e tia oia i nia no te aroha hamani maitai ia outou.+
E Atua parau-tia hoi Iehova.+
E oaoa te feia atoa e tiai noa* ra ia ˈna.+
19 Ia parahi te nunaa i Ziona, i Ierusalema,+ eita mau â oe e taˈi.+ E hamani maitai mau â oia ia oe ia faaroohia ta oe pii no te tauturu. E pahono oia ia oe i te faarooraa iho â oia i ta oe pii.+
20 Noa ˈtu e horoa Iehova i te ahoaho ei maa na outou, e te hepohepo ei pape na outou,+ eita faahou to outou Orometua Rahi roa ˈˈe e tapuni ia ˈna, e e ite outou i to outou Orometua Rahi roa ˈˈe+ i to outou iho mata.
21 E na to oe iho tariˈa e faaroo i te reo i muri ia oe e na ô ra: “Teie te eˈa.+ A na reira i te haere,” ia haere anei oe i te pae atau aore ra ia haere oe i te pae aui.+
22 E e haaviivii oe i te ario tei tapirihia i nia i ta oe mau idolo nanaˈohia e te auro i nia iho i ta oe mau tii faatôhia.*+ E faarue roa oe i te reira mai te ahu tei viivii i te toto maˈi avaˈe e e na ô oe i te reira: “A haavaravara ˈtu!”*+
23 E e faatopa oia i te ûa no te huero maa ta oe i ueue i raro i te repo,+ e e rahi mai te maa maitai ta te fenua e faatupu.+ I tera mahana, e amu ta oe mau animara i te aihere i te mau tuhaa fenua ateatea.+
24 E e amu te puaatoro e te asini tei haamaitai i te fenua i te maa faaineine-maitai-hia, tei faarapuhia i te ope e te patia rahi.
25 E i nia i te mau mouˈa e aivi teitei atoa, e anavai ïa e e taheraa pape,+ i te mahana o te taparahiraa rahi ia topa te mau pare.
26 E e riro te maramarama o te atiraa avaˈe mai te maramarama o te mahana. E e tataihitu te puai o te maramarama o te mahana,+ mai te maramarama no e hitu mahana, i te mahana e taamu ai Iehova i te fati* o to ˈna nunaa+ e e rapaau ai i te pepe ino mau i to ˈna tairiraa ia ratou.+
27 Inaha, te tae mai ra te iˈoa o Iehova na te atea mai,Te ura ra to ˈna riri e ua haaatihia i te ata meumeu.
Ua î to ˈna vaha i te riri,E e au to ˈna arero i te auahi ura.+
28 E au to ˈna varua* i te tahora pape uˈana e raea roa ˈi te aˈî,No te faaaueue i te mau nunaa i roto i te titia o te haamouraa.*E e tavaha+ to te mau nunaa no te faahahi ê ia ratou.
29 E au râ ta outou himene mai te tahi himene himenehia i te poIa faaineine outou* i te oroa,+E e au to outou aau mai to te taataE haere ma* te vivoI te mouˈa o Iehova, i te Mato o Iseraela.+
30 E rave Iehova ia faaroohia to ˈna reo puai+E e faaite oia i to ˈna rima+ o te topa ma te riri ura,+Ma te ura auahi o te auahi ura,+E pou pape+ e te vero uira e te ofai ûa paari.+
31 E mehameha hoi Asura no te reo o Iehova.+E tairi oia ia Asura i te raau.+
32 E ia rutu Iehova i ta ˈna raauNo te faautua ia Asura,E faaroohia te tariparau e te kinura,+Ia amo oia i to ˈna rima i nia ia ratou i te aroraa.+
33 Ua ineine ê na hoi ta ˈna Topheta.*+Ua faaineine-atoa-hia te reira no te arii.+
Ua faahohonu e ua faaaano oia i te apǎpǎraa raau,Ma te auahi e te vahie e rave rahi.
Na te aho o Iehova, mai te tahi taheraa ofai ura,E tutui i te reira.
Nota i raro i te api
^ Heb: “O te ninii ra i te tusia uaina,” eita e ore te faaauraa i te parau.
^ Heb: “te parururaa i roto i te pare o.”
^ Aore ra “ophi vea e rere.”
^ Aore ra “haapiiraa.”
^ Heb: “mǎrû.”
^ Huri-atoa-hia “tura.”
^ Aore ra “te tiai noa nei Iehova i.”
^ Aore ra “tiai ru.”
^ Aore ra “faatahehia.”
^ Huri-atoa-hia “e e haafaufau oe i te reira.”
^ Aore ra “toparaa.”
^ Heb: “o te faufaa-ore-raa.”
^ Aore ra “aho.”
^ Aore ra “Ia haamoˈa outou ia outou.”
^ Aore ra “ma te taˈi o.”
^ E vahi taninaraa taipe te “Topheta” i ǒ nei, e taipe no te haamouraa.
