Isaia 34:1-17
34 A tapiri mai e a faaroo mai ia ˈu,Outou te mau nunaa.
Ia faaroo te fenua nei e to reira,Te fenua e pauroa tei tupu i reira.
2 E riri rahi tahoo hoi to Iehova i te mau nunaa atoa,+E riri rahi to ˈna i ta ratou nuu taatoa.+
E faataa oia ia ratou no te haamouraa.E horoa oia ia ratou ia haapohehia.+
3 E faaruehia i rapae tei taparahi-pohe-hia,E e mâˈi te hauˈa ino o to ratou tino pohe.+E tahe te mau mouˈa no to ratou toto.*+
4 E pê te nuu taatoa o te raˈi,E e otarohia te raˈi mai te otaro.
E oriorio ta ratou nuu taatoa,Mai te rauere mǎrô te topa mai nia mai i te tumu vineE mai te suke mǎrô mai nia mai i te tumu suke.
5 “I te raˈi hoi e puru ai ta ˈu ˈoˈe.+
E pou mai te reira i nia ia Edoma no te haavaraa,+I nia i te nunaa ta ˈu i faataa no te haamouraa.
6 E ˈoˈe ta Iehova. E î te reira i te toto.
E î te reira i te mii,+I te toto o te mau mamoe oni apî e te mau puaaniho,I te mii o te mape o te mau mamoe oni.
Te faaineine ra hoi Iehova i te tahi tusia i Bozara,Te tahi taparahiraa rahi i te fenua o Edoma.+
7 E pou te mau puaatoro oni oviri e o ratou,Te puaatoro oni apî e te puaatoro oni puai.
E puru to ratou fenua i te toto,E puru te repo o to ratou fenua i te mii.”
8 E mahana tahooraa hoi ta Iehova,+E matahiti faautuaraa i te haavaraa no nia ia Ziona.+
9 E tauihia to ˈna* mau tahora ei tapau,E to ˈna repo ei ofai ura,E e riro to ˈna fenua mai te tapau ura.
10 I te po e te ao, e ore te reira e pohe.E pee noa to ˈna au auahi i nia e a muri noa ˈtu.
E vai ano noa oia i tera e tera uˈi.Eita hoê e na reira i te haere e a muri noa ˈtu.+
11 E riro oia i te kata e te puaa taratara,E e ora te tehemesa tariˈa roa e te oreba i ǒ.
E toro te Atua* na nia ˈˈe ia ˈna i te taura faito o te aoreE te tapau faito* o te anoraa.
12 Eita hoê o to ˈna huimana e faarirohia ei arii,E e mou to ˈna huiarii taatoa.
13 E tupu te raau taratara i roto i to ˈna mau pare etaeta,Te raau tupu taratara e te aihere taratara i roto i to ˈna mau pare.
E riro oia ei tapuniraa no te mau urî taehae,+Ei aua no te mau ione.
14 E farerei te mau animara o te medebara i te mau animara aoa,E e pii te mau puaaniho oviri* te tahi i te tahi.
Oia mau, i reira te manu o te po* e tau ai e e ite ai i te vahi faafaaearaa.
15 I reira te ophi e hamani ai i to ˈna ofaaraa a ofaa ˈtu ai,E e faataoto oia i to ˈna mau huero a haaputuputu atu ai i raro aˈe i to ˈna marumaru.
Oia mau, i reira te mau aia e haaputuputu ai, te aia tataitahi e to ˈna apiti.
16 A imi i roto i te buka a Iehova e a taio haapuai:
Aita hoê aˈe o ratou e moˈe.Aita hoê aˈe o ratou e ere i te tahi apiti,Na te vaha hoi o Iehova i horoa i te faaueraa,E na to ˈna varua i haaputuputu ia ratou.
17 Na ˈna i tuu i te kelero no ratou,E na to ˈna iho rima i faito i te vahi ta ratou e faaea.*
E fatu ratou i te reira e a muri noa ˈtu.E parahi ratou i reira e hope noa ˈtu te mau uˈi atoa.
Nota i raro i te api
^ Aore ra “E tahe mai to ratou toto mai nia mai i te mau mouˈa.”
^ Eita e ore o Bozara, te oire pu o Edoma.
^ Heb: “oia.”
^ Heb: “te mau ofai.”
^ Huri-atoa-hia “demoni hohoˈa puaaniho.”
^ Hohoˈa teie manu i te tehemesa.
^ Heb: “tufa i te reira no ratou i te taura faito.”
