Isaia 35:1-10
35 E oaoa roa te medebara e te fenua mǎrô,+E e oaoa te vahi papu pâpâmǎrô e e uaa mai te tiare.+
2 E uaa iho â te reira.+E oaoa e e umere te reira.
E horoahia no te reira te hanahana o Lebanona,+Te unauna o Karemela+ e o Sarona.+
E itehia te hanahana o Iehova, te unauna o to tatou Atua.
3 A faaitoito i te mau rima paruparu,E a faaetaeta i te mau turi e rûrû ra.+
4 A parau i tei hepohepo te aau:
“Ia puai outou. Eiaha e mǎtaˈu.
Inaha, e haere mai to outou iho Atua ma te tahoo,E haere mai te Atua ma te faautuaraa.+
E haere mai oia e e faaora oia ia outou.”+
5 I taua tau ra, e araara te mata o te matapo,+E e faaroo te tariˈa o te tariˈa turi.+
6 I taua tau ra, e ouˈauˈa te pirioi mai te aili,+E e umere te vaha o te vava.+
E pihaa hoi te mau pape i te medebara,E te mau tahora i te vahi papu pâpâmǎrô.
7 E riro te fenua tei mǎrô no te âhu ei pape hopuna î i te opaero,E te repo mǎrô ei pape pihaa.+
I roto i te mau tapuniraa e faafaaea ˈi te urî taehae,+E tupu te matie, te aeho e te môˈu.
8 E ei purumu rahi to reira,+Oia mau, e eˈa parauhia te Eˈa o te moˈaraa.
Eita te taata viivii e na reira i te haere.+
Ua faataahia te reira no te taata tei fariihia ia haere na taua eˈa ra.Aita hoê aˈe maamaa e hahaere na reira.
9 Aita e liona na reira,E aita e animara taehae e haere mai na taua eˈa ra.
Eita ratou e itehia na reira.+Te mau taata noa tei hoohia mai te haere na reira.+
10 E hoˈi mai e e tomo te feia tei hoohia mai e Iehova+ i Ziona ma te umere.+
E faaheihia to ratou upoo i te oaoa mure ore.+
E umere e e oaoa ratou,E e horo ê te oto e te autâ.+
