Isaia 48:1-22
48 A faaroo mai i teie parau, e te huaai o Iakoba,Outou o tei topahia i te iˈoa o Iseraela+E o te na roto mai i te mau pape o* Iuda,Outou o te horeo i te ora o Iehova+E o te tiaoro i te Atua o Iseraela,Ma te haavarevare râ e te parau-tia ore.+
2 Ua topahia hoi ratou i te iˈoa o te oire moˈa+E te imi ra ratou i te tauturu a te Atua o Iseraela,+O Iehova o te mau nuu* to ˈna iˈoa.
3 “Mea maoro aˈenei, ua faaite au ia oe i te mau mea tahito.*
Mea na roto atu te reira i to ˈu vaha,E ua faaite atu vau i te reira.+
Ohipa ihora vau, e tupu aˈera taua mau mea ra.+
4 No te mea ua ite au mea haapaari roa oe,E uaua auri hoi to oe aˈî e e veo to oe rae,+
5 Mea maoro aˈenei to ˈu faaiteraa i te reira ia oe.
Hou te reira a tupu ai, ua faaroo oe i te reira ia ˈu,Aita ˈtura ïa oe i nehenehe e parau: ‘Na ta ˈu idolo i rave i te reira.Na ta ˈu tii taraihia e ta ˈu tii faatôhia* i faaue i te reira.’
6 Ua faaroo e ua ite oe pauroa te reira.
Eita anei oe e faaite atu?+
Mai teie atu nei, te faaite nei au ia oe i te mau mea apî,+E parau huna mau aita oe i ite.
7 No teie nei roa te poieteraahia te reira, e ere no tahito ra,E mau mea aita oe i faaroo aˈenei tae roa mai i teie mahana,Aita ˈtura oe i nehenehe e parau: ‘Inaha, ua ite ê na vau.’
8 Aita oe i faaroo i te reira,+ aita oe i ite,E na mua ˈˈe, aita to oe tariˈa i fatafata.
Ua ite hoi au mea taiva roa oe,+E ua pii-noa-hia na oe e orure hau mai to oe fanauraahia mai.+
9 No to ˈu râ iˈoa, e tapea vau i to ˈu riri.+No to ˈu hanahana, e haavî au ia ˈuE eita vau e haamou ia oe.+
10 Inaha, ua tamâ vau ia oe, eiaha râ mai te ario.+
Ua tamata vau* ia oe i roto i te umu faatahe o te hepohepo.+
11 No to ˈu iˈoa, no to ˈu iˈoa vau e rave ai i te reira,+Eaha hoi au e vaiiho ai ia faainohia vau?+
Eita vau e horoa i to ˈu hanahana no* te tahi atu.
12 A faaroo mai ia ˈu, e Iakoba, e Iseraela ta ˈu i pii.
O vau noa â teie.+ O vau te matamua, o vau atoa te hopea.+
13 Na to ˈu rima i haamau i te niu o te fenua,+E na to ˈu rima atau i hohora i te raˈi.+
Ia pii au ia raua, e tia mai raua.
14 A haaputuputu mai, outou pauroa, e a faaroo mai.
O vai i rotopu ia ratou tei faaite mai i te reira?
Ua here Iehova ia ˈna.+
E faatae oia i nia ia Babulonia i ta ˈna e hinaaro,+E e tairi to ˈna rima i te mau Kaladaio.+
15 Na ˈu i parau, e na ˈu i pii ia ˈna.+
Na ˈu i faahaere mai ia ˈna, e e manuïa to ˈna tere.+
16 A faafatata mai ia ˈu nei, e a faaroo mai.
Mai te haamata-roa-raa mai, aita vau i huna i te parau.+
Mai te tau i tupu ai te reira, to reira vau.”
E i teie nei, ua tono te Arii hau ê e Fatu ra o Iehova ia ˈu, oia atoa to ˈna varua.*
17 Teie te parau a Iehova, Tei hoo mai ia oe, Tei Moˈa o Iseraela:+
“O vau, o Iehova to oe Atua,Tei haapii ia oe ia faufaahia oe,*+Tei aratai ia oe i te eˈa ia haere oe.+
18 Ahani iho â oe i haapao i ta ˈu mau faaueraa!+
E riro ïa to oe hau mai te hoê anavai+E ta oe parau-tia mai te are o te miti.+
19 E riro to oe huaai mai te one ra te rahiE ta oe mau tamarii mai te huˈahuˈa one.+
E ore roa to ratou mau iˈoa e faaorehia aore ra e haamouhia mai mua ia ˈu.”
20 A haere mai i rapae ia Babulonia!+
A horo ê i te mau Kaladaio!
A faaite i te reira ma te reo umere! A poro i te reira!+
A faaite i te reira i te hopea o te fenua.+
A parau: “Ua hoo mai Iehova i ta ˈna tavini ra o Iakoba.+
21 Aita ratou i poihâ i to ˈna aratairaa ia ratou na te mau vahi ano.+
Ua faatahe mai oia i te pape no ratou no roto i te mato.Ua vahi oia i te ofai e ua tahe mai te pape.”+
22 “Aita e hau no te feia ino,” te parau ra Iehova.+
Nota i raro i te api
^ Huri-atoa-hia “o te na roto mai ia.”
^ Aore ra “sabaota.”
^ Heb: “matamua.”
^ Aore ra “faatahehia.”
^ Aore ra “hiˈopoa vau.” Huri-atoa-hia “maiti au.”
^ Aore ra “e tufa i to ˈu hanahana na.”
^ Aore ra “o Iehova ia ˈu e i to ˈna varua.”
^ Aore ra “no to oe maitai.”
