Isaia 55:1-13
55 A haere mai, outou pauroa e poihâ ra,+ a haere mai e tii i te pape!+
Outou aita ta outou e moni, a haere mai, a rave* mai e a tamaa!
Oia mau, a haere mai, a rave* mai i te uaina e te û+ ma te tamoni ore e ma te aufau ore.+
2 Eaha outou e horoa noa ˈi i te moni no te tahi mea e ere i te maa,E eaha outou e horoa ˈi i ta outou moni ohipa* no te tahi mea eita outou e paia?
A faaroo maitai mai ia ˈu, e a amu i te mea maitai,+E au roa ïa outou i te mea maitai roa.*+
3 A fariu mai i to outou tariˈa e a haere mai ia ˈu nei.+
A faaroo, e e ora noa outou,*E e faaau noa ˈtu vau ia outou i te tahi faufaa mure ore+Ia au i te here taiva ore ta ˈu i fafau ia Davida, e parau mau hoi.*+
4 Inaha, ua faariro vau ia ˈna ei ite+ no te mau nunaa,Ei aratai+ e ei raatira+ no te mau nunaa.
5 Inaha, e pii oe i te tahi nunaa aita oe i matau,E e horo mai to te tahi nunaa aita i matau ia oeNo Iehova to oe Atua,+ Tei Moˈa o Iseraela,No te mea e faahanahana oia ia oe.+
6 A imi ia Iehova a nehenehe noa ˈi oia e itehia mai.+
A tiaoro ia ˈna a fatata noa mai ai oia.+
7 Ia haapae te taata ino i to ˈna haerea+E te taata ohipa ino i to ˈna mau manaˈo.Ia hoˈi mai oia ia Iehova, o te aroha hamani maitai ia ˈna,+I to tatou Atua, e faaore rahi* hoi oia i te hara.+
8 “E ere hoi to ˈu mau manaˈo i to outou mau manaˈo,+E e ere ta outou mau raveraa i ta ˈu mau raveraa,” te parau ra Iehova.
9 “Mai te raˈi mea teitei aˈe i te fenua,Oia atoa ta ˈu mau raveraa mea teitei aˈe i ta outou mau raveraaE to ˈu mau manaˈo i to outou mau manaˈo.+
10 Mai te ûa e te hiona o te mairi mai te raˈi maiE o te ore e hoˈi faahou i reira e ia puru roa te fenua, a hotu e a oteo mai ai ta te fenua,A horoa mai ai i te huero maa na te taata ueue e te maa na te taata amu,
11 Oia atoa ta ˈu parau no roto i to ˈu nei vaha.+
Eita te reira e hoˈi faufaa ore noa mai ia ˈu,+E faatupu mau râ te reira i te mau mea atoa ta ˈu e au,*+E e rave iho â i ta ˈu i faaue atu ia rave.
12 E reva ˈtu hoi outou ma te oaoa,+E ma te hau e faahoˈihia mai ai outou.+
E ataata te mau mouˈa e te mau aivi i mua ia outou ma te umere,+E e popo pauroa te tumu raau o te fenua.+
13 O te tumu berusi te tupu mai e ere râ te mau raau taratara,+E o te tumu hedesa te tupu mai e ere râ te raau tupu putaputa.
E i te reira e tui ai te roo o Iehova,+E tapao mure ore o te ore roa e mou.”
Nota i raro i te api
^ Heb: “hoo.”
^ Heb: “hoo.”
^ Aore ra “moni i noaa mai i te rohiraa.”
^ Heb: “i te mii.”
^ Aore ra “e parau e nehenehe hoi e tiaturi,” “e parau papu hoi.”
^ Aore ra “faaore noa ˈtu.”
^ Aore ra “hinaaro.”
