Isaia 58:1-14
58 “A tuô ma to oe puai atoa. A tuu i te hopea!
A faateitei i to oe reo mai te hoê pu.
A faaite i to ˈu nunaa i ta ratou orure hau,+I te huaai o Iakoba i ta ratou mau hara.
2 Te imi ra ratou ia ˈu i tera e tera mahana,E mea au na ratou i to ˈu mau eˈa,Mai te huru ra e nunaa ratou tei rave na i te parau-tiaE tei ore i faarue i te mau faaueraa a to ratou Atua.+
Te ani mai ra ratou i te haavaraa tia,Mea au hoi na ratou e faafatata i te Atua:+
3 ‘Eaha oe e ore ai e ite mai ia haapae matou i te maa?+
Eaha oe e ore ai e tapao ia oto matou* no ta matou mau hara?’+
No te mea i te mahana e haapae ai outou i te maa, e imi outou i to outou iho maitai,*E e haavî outou i ta outou mau rave ohipa.+
4 E tupu te tatamaˈiraa e te motoraa ia hope ta outou mau haapaeraa maa,E e tupai outou ma te poro rima o te ino.
Eita outou e nehenehe e haapae i te maa mai ta outou e rave nei i teie mahana a faaroohia ˈtu ai to outou reo i te raˈi.
5 Mai tera anei te haapaeraa maa ta ˈu e mauruuru e tia ˈi?E mahana e oto ai te tahi taata* no ta ˈna mau hara,E piˈo ai to ˈna upoo i raro mai te opaero,E hamani ai oia i to ˈna roˈi i nia i te ahu oto e te rehu?
Tera anei ta outou e parau ra e haapaeraa maa e e mahana e au Iehova?
6 Eita! Teie te haapaeraa maa ta ˈu e mauruuru:
Ia tatara i te mau fifi auri o te ino,Ia tatara i te taamu o te raau zugo,+Ia tuu i te feia hepohepo ia haere,+E ia ofati i te mau raau zugo atoa.
7 Ia tufa i ta oe faraoa na tei poia,+Ia titau i te taata veve e te taata aita e nohoraa i roto i to oe fare,Ia faaahu i te taata ia ite oe ia ˈna e vai tahaa noa ra,+E eiaha e huri tua i to oe fetii.
8 I reira to oe maramarama e anaana ˈi mai te aahiata,+E e ora oioi mai ai to oe mau maˈi.
E na mua ta oe parau-tia ia oe i te haere,E e paruru te hanahana o Iehova ia oe na muri.+
9 E pii ïa oe, e e pahono Iehova.E taparu oe i te tauturu, e e parau oia: ‘Teie au!’
Ia tatara oe mai rotopu ia oe i te raau zugoE ia faaea i te tohu i to oe rima e te paraparau ma te ino,+
10 Ia horoa oe na tei poia i ta oe iho e hiaai ra+E ia tamahanahana oe i tei hepohepo,E anaana ïa to oe maramarama i roto atoa i te poiri,E e au to oe rumaruma i te avatea.+
11 E aratai noa Iehova ia oeE e haamâha oia i to oe* mau hinaaro mau i te fenua pâpâmǎrô atoa.+E faaetaeta oia i to oe mau ivi,E e riro oe mai te tahi ô faarari-maitai-hia,+Mai te hoê pape pihaa e ore roa te pape e pau.
12 No oe e patu-faahou-hia ˈi te mau vahi ano tahito,+E e tataî oe i te mau niu o te mau uˈi na mua ˈtu.+
E parauhia oe te taata tataî i te mau aua parari,*+Te taata tataî i te mau purumu e nehenehe e faaea na pihai iho mai.
13 Mai te peu no te Sabati e faaea ˈi oe* i te imi i to oe iho maitai* i to ˈu mahana moˈa+E e parau ai oe e mahana oaoa mau â te Sabati, e mahana moˈa no Iehova, e mahana te faahanahanahia,+E e faahanahana ˈi oe i te reira, eita râ oe e imi i to oe iho maitai e eita oe e parau i te parau faufaa ore,
14 E ite ïa oe i te oaoa rahi ia Iehova,E e faahoro vau ia oe na nia i te mau vahi teitei o te fenua.+
E faaamu* vau ia oe i te tuhaa a Iakoba to oe tupuna,+Na te vaha hoi o Iehova i parau.”
Nota i raro i te api
^ Aore ra “i ta outou e au.”
^ Heb: “tei apoo.”
^ Heb: “e faahoˈi ai oe i to oe avae.”
^ Aore ra “oaoaraa.”
^ Aore ra “faafanaˈo.”
