Isaia 59:1-21
59 Inaha, e ere te rima o Iehova i te mea poto roa no te faaora,+E ere atoa to ˈna tariˈa i te mea turi* roa no te faaroo.+
2 E ere, no ta outou iho mau hape i taa ê ai outou i to outou Atua.+
No ta outou mau hara i huna ˈi oia i to ˈna aro ia outou,E e ore ai oia e hinaaro e faaroo ia outou.+
3 Ua viivii hoi to outou apu rima i te toto+E to outou manimani rima i te hape.
E haavare ta to outou utu e parau,+ e e parau-tia ore ta to outou arero e mutamuta.
4 Aita hoê aˈe e paturu i te parau-tia,+E aita hoê aˈe e haere i te haavaraa ma te parau mau.
E tiaturi ratou i te mau mea aita e vai ra*+ e e parau ratou i te mea faufaa ore.
E hapû ratou i te ati e e fanau mai i te mea ino.+
5 E haapatô ratou i te huero ophi taero,E e raraa ratou i te puaverevere.+
E pohe te taata atoa o te amu i to ratou huero,E e patô mai te ehidena mai roto mai i te huero o te parari.
6 Eita to ratou puaverevere e ravehia ei ahu,Eita atoa ratou e tapoˈi ia ratou i ta ratou e hamani.+
Mea ino ta ratou mau ohipa,E tei to ratou rima te haavîraa uˈana.+
7 Te horo ra to ratou avae no te rave i te ino,E te ru ra ratou i te haamanii i te toto hara ore.+
E manaˈo ino to ratou mau manaˈo.E haamouraa e e ati tei to ratou mau haerea.+
8 Aita ratou i ite i te eˈa o te hau,E aita e mea afaro i roto i to ratou mau haerea.+
Ua faatioioi ratou i to ratou mau purumu.Aita hoê aˈe o te na reira i te haere e ite i te hau.+
9 No reira te mea afaro i atea ê ai ia tatou,E te parau-tia e ore ai e iri i nia ia tatou.
Te tiai noa ra tatou i te maramarama, inaha râ mea poiri,I te anaana, te haere noa ra râ tatou na roto i te rumaruma.+
10 Te perehahu ra tatou mai te matapo a imi ai i te patu.Te perehahu noa ra tatou mai te feia mata ore.+
E topa tatou i te avatea mai i te maruapo.I rotopu i te mau taata puai, e au tatou i te taata pohe.
11 Te uuru noa ra tatou pauroa mai te dabaE ma te oto mai te uupa.
Te tiai ra tatou i te mea afaro, aita râ hoê aˈe,I te faaoraraa, mea atea ê râ te reira ia tatou.
12 Mea rahi hoi ta matou orure hau i mua ia oe.+Te faahapa ra ta matou mau hara tataitahi ia matou.+
Ua ite maitai hoi matou i ta matou mau orure hau.Ua taa maitai ia matou ta matou mau hape.+
13 Ua ofati matou i te ture e ua mata ê ia Iehova.Ua huri tua matou i to matou Atua.
Ua paraparau matou no te haavîraa e te orure hau.+Ua hamani matou i te haavare e ua mutamuta i te parau hape i roto i to matou aau.+
14 Ua faaotohehia te mea afaro,+E tei te atea ê noa te parau-tia.+Ua topa hoi te parau mau* i te mahora o te oire,E eita ta te mea afaro e nehenehe e tomo atu.
15 Aita faahou te parau mau,*+E e haruhia te taoˈa a te taata o te fariu ê i te ino.
Ua ite mai Iehova i te reira e aita i mauruuru,*Aita hoi e parau-tia.+
16 Ua ite mai oia e aita hoê aˈe taata,E ua maere oia e aita hoê aˈe i ohipa mai,Na to ˈna iho ïa rima i faatae mai i te faaoraraa,*E na ta ˈna iho parau-tia i turu ia ˈna.
17 Ahu ihora ïa oia i te parau-tia mai te tahi ahu paruruE tuu ihora i te taupoo o te faaoraraa* i nia iho i to ˈna upoo.+
Oomo ihora oia i te ahu o te tahooraa ei ahu no ˈna.+E vehî ihora oia ia ˈna i te itoito rahi mai te tahi ahu tapoˈi.*
18 E faahoˈi oia i ta ratou no ta ratou i rave:+
Te riri rahi tahoo i tei patoi ia ˈna, te utua i to ˈna mau enemi.+
E e faahoˈi oia i ta te mau motu mai tei au ia ratou.
19 E mǎtaˈu to te pae toparaa mahana i te iˈoa o IehovaE to te hitiraa mahana i to ˈna hanahana,E tae mai hoi oia mai te hoê anavai tahe puai,Ta te varua o Iehova e turai.
20 I Ziona e tae mai ai+ Tei hoo mai,+I te huaai o Iakoba o te faaea i te ofati i te ture,”+ te na reira mai ra Iehova.
21 “Area vau nei, teie ïa ta ˈu faufaa ia ratou,”+ te parau ra Iehova. “To ˈu varua i nia iho ia oe e ta ˈu mau parau i tuuhia e au i roto i to oe vaha, e ore ïa e tatarahia mai roto mai i to oe vaha, te vaha o ta oe mau tamarii, aore ra te vaha o ta oe mau mootua,” te parau ra Iehova, “mai teie nei e a muri noa ˈtu.”
Nota i raro i te api
^ Heb: “teiaha.”
^ Aore ra “i te aore.”
^ Aore ra “haavare ore.”
^ Aore ra “haavare ore.”
^ Heb: “e mea ino te reira i to ˈna aro.”
^ Aore ra “upootiaraa no ˈna.”
^ Aore ra “upootiaraa.”
^ Aore ra “ahu aita e rima.”
