Koheleta 4:1-16
4 Feruri faahou ihora vau i te mau ohipa haavîraa atoa e ravehia ra i raro aˈe i te mahana. Ua ite au i te roimata o tei haavîhia, e aita hoê no te tamahanahana ia ratou.+ E tei te feia e haavî ia ratou te mana, e aita hoê no te tamahanahana ia ratou.
2 E haapopou atura vau i te feia pohe tei pohe ê na eiaha râ te feia ora e ora noa ra.+
3 Mea au aˈe râ te tupuraa o tei ore â i fanauhia ˈtura,+ tei ore i ite i te mau ohipa haavîraa e ravehia ra i raro aˈe i te mahana,+ i te tupuraa o te feia pohe e te feia ora.
4 E ua ite au i te rahi o te tutavaraa* e te ohipa aravihi ia tataˈu te taata.+ Mea faufaa ore atoa te reira, e aˈuaˈuraa mataˈi.
5 E opi te maamaa i to ˈna rima a pohe noa ˈi oia i te poia.*+
6 Mea au aˈe hoê apu rima î i te faafaaearaa i e piti apu rima î i te ohipa rohirohi e te aˈuaˈuraa mataˈi.+
7 Feruri ihora vau i te tahi atu ohipa faufaa ore i raro aˈe i te mahana:
8 Te vai ra te tahi taata o ˈna anaˈe iho, aita to ˈna e hoa. Aita ta ˈna e tamaiti e aita to ˈna e taeae, e rave noa râ oia i te ohipa rohirohi aita e hopearaa. Eita to ˈna mata e fiu i te taoˈa rahi.+ E uiui anei râ oia ia ˈna iho: ‘No vai au e rave ai i te ohipa rohirohi e e faaere ai ia ˈu i te mau mea maitai?’+ Mea faufaa ore atoa te reira e e ohipa haapaoraa ore.+
9 Mea maitai aˈe e piti i hoê noa,+ no te mea e haamaitairaa* ta raua no ta raua ohipa rohirohi.
10 Ia topa hoi hoê, e nehenehe ta te tahi e tauturu i to ˈna hoa ia tia mai. E nafea râ ia topa oia e aita hoê no te tauturu ia ˈna ia tia mai?
11 Hau atu â, ia taoto e piti taata te tahi i pihai iho i te tahi, e mahanahana noa raua, e nafea râ hoê noa taata e mahanahana ˈi?
12 E e nehenehe ta te tahi e haavî hoê noa taata, e mau maitai râ e piti taata i mua ia ˈna. E eita hoê taura firi toru e mutu oioi.*
13 Mea maitai aˈe hoê tamarii veve, e feruriraa paari râ to ˈna, i te hoê arii paari, mea maamaa râ,+ e aita to ˈna e haroˈaroˈa faahou no te haapao i te hoê faaararaa.+
14 Ua matara hoi oia* na te fare tapearaa no te riro ei arii,+ noa ˈtu i raro aˈe i te faatereraa a tera arii, mea veve oia i te fanauraahia.+
15 Ua tuatapapa vau pauroa te taata ora o te hahaere ra i raro aˈe i te mahana, e eaha atoa te huru o te arii apî o te tia ei mono i te tahi atu.
16 Noa ˈtu mea rahi roa te taata e turu ia ˈna, eita to muri mai e oaoa ia ˈna.+ Mea faufaa ore atoa te reira, e aˈuaˈuraa mataˈi.
Nota i raro i te api
^ Aore ra “ohipa rohirohi.”
^ Heb: “a amu noa ˈi i to ˈna iho iˈo.”
^ Aore ra “apî rahi aˈe.”
^ Aore ra “ohie.”
^ Peneiaˈe te tamarii feruriraa paari.
