Levitiko 12:1-8
-
Tamâraa i muri iho te fanauraa (1-8)
12 Na ô faahou maira Iehova ia Mose:
2 “A parau i te ati Iseraela: ‘Ia hapû te hoê vahine e ia fanau i te hoê tamaroa, e hitu mahana e viivii ai oia, mai ia ˈna ia viivii i te mau mahana o te viiviiraa e maˈi avaˈe anaˈe to ˈna.+
3 I te vaˈu o te mahana, e peritomehia te iri i mua o te tamaroa.+
4 E tamâ oia ia ˈna no te toto i na 33 mahana i muri iho. Eiaha oia e tapea i te tahi mea moˈa, e eiaha oia e tomo i roto i te vahi moˈa e ia hope roa te mau mahana o to ˈna tamâraa.
5 “‘Ia fanau noa ˈtu oia i te hoê tamahine, 14 mahana e viivii ai oia, mai ia ˈna ia viivii e maˈi avaˈe anaˈe to ˈna. E tamâ noa oia ia ˈna no te toto i na 66 mahana i muri iho.
6 Ua hope anaˈe te mau mahana o to ˈna tamâraa no te hoê tamaroa aore ra hoê tamahine, e hopoi mai oia i te tahuˈa ra hoê mamoe oni apî aita â i hoê matahiti ei tusia taauahi,+ e hoê uuairao apî aore ra hoê uupa ei tusia no te hara i te tomoraa o te tiahapa o te amuiraa.
7 E hopoi te tahuˈa i te reira i mua ia Iehova e e pûpû oia i te faahauraa no ˈna, e e mâ te vahine i to ˈna tapahi. Tera te ture no te vahine tei fanau i te hoê tamaroa aore ra i te hoê tamahine.
8 Ia ore râ ia pee ia ˈna te hoê mamoe, e rave oia e piti uupa aore ra e piti uuairao apî,+ hoê ei tusia taauahi e hoê ei tusia no te hara, e e pûpû te tahuˈa i te faahauraa no ˈna, e e mâ oia.’”
