Te faatiaraa a Mareko 16:1-8
-
Faatia-faahou-hia Iesu (1-8)
16 I te mairiraa te Sabati,+ hoo maira Maria Magadala, Maria+ to Iakobo metua vahine e o Salome i te raau noˈanoˈa anoihia i te monoˈi no te parai i nia i te tino o Iesu+ ia haere ratou i te menema.
2 E i te poipoi roa, i te mahana matamua o te hebedoma, haere atura ratou i te menema,* e no hiti noa mai ra te mahana i to ratou taeraa ˈtu.+
3 Na ô aˈera te tahi i te tahi: “Na vai e turai i te ofai i te uputa o te menema no tatou?”
4 I to ratou râ hiˈoraa ˈtu, ite aˈera ratou e ua turaihia te ofai, noa ˈtu e tiapai ofai.+
5 I to ratou tomoraa i roto i te menema, ite atura ratou i te hoê taata apî e parahi ra i te pae atau, e ahu roa uouo to ˈna, mehameha roa ihora ratou.
6 Na ô maira oia ia ratou: “Eiaha e mehameha.+ Ua ite au e te imi nei outou ia Iesu no Nazareta, tei haapohehia i nia i te pou. Ua faatiahia mai oia, aita oia i ǒ nei.+ A hiˈo i te vahi i vaiihohia ˈi to ˈna tino.+
7 A haere râ e parau i ta ˈna mau pǐpǐ e ia Petero: ‘Te na mua ˈtu ra oia ia outou i te haere i Galilea.+ I reira outou e ite ai ia ˈna, mai ta ˈna i parau ia outou.’”+
8 I to ratou haereraa ˈtu i rapae i te menema, horo atura ratou ma te rûrû e te maere rahi. No te mǎtaˈu râ, aita ˈtura ratou i faaite i te taata.*+
Nota i raro i te api
^ Aore ra “menema haamanaˈoraa.”
^ Ia au i te mau papai tahito faaturahia, e hope te Faatiaraa a Mareko na roto i te mau parau o te irava 8. Hiˈo i te tuhaa hau A3.
