Maseli 17:1-28
17 Mea maitai aˈe te hoê tâpû faraoa mǎrô i te vahi hau*+I te hoê fare e faatupu-noa-hia na te tamaaraa* i reira e te tatamaˈiraa.+
2 E faatere te hoê tavini feruriraa haroˈaroˈa i te tamaiti haerea haama.E fanaˈo oia i te tahi tuhaa tutuuhia mai te mau tamaiti a te fatu.
3 No te ario te pani tamâraa e no te auro te umu,+O Iehova râ te hiˈopoa i te aau.+
4 E haapao te taata ino i te parau mauiui,E e faaroo te taata haavarevare i te arero ino.+
5 O tei faaooo i te taata veve, te tuhi ra ïa i Tei hamani ia ˈna,+E e faautuahia iho â te taata o te oaoa no te ati o vetahi ê.+
6 E hei upoo te mau mootua tamaroa* no te feia paari,E o te mau metua tane* te hanahana o ta ratou mau tamaiti.*
7 Eita e tano te parau afaro* na te maamaa.+
Hau atu â ïa te parau haavare na te hoê faatere!*+
8 E au te tahi ô i te hoê ofai moni rahi no* to ˈna fatu.+I te mau vahi atoa e fariu ai oia, e manuïa oia i te reira.+
9 Te taata e faaore* i te hapa, te faaite ra ïa i te here,+E taa roa râ te mau hoa piri i te taata o te faahiti noa i te reira.+
10 E faufaa-rahi-hia te hoê taata maramarama tei tamaˈihia+I te maamaa tei tairihia hoê hanere taime.+
11 E orure hau noa na te hoê taata ino,E tonohia râ hoê vea ino mau no te faautua ia ˈna.+
12 Mea maitai aˈe e farerei i te hoê daba tei ere i ta ˈna mau fanauˈaI te farerei i te hoê maamaa i roto i to ˈna maamaa.+
13 Ia faahoˈi te hoê taata i te maitai i te ino,Eita te ino e faarue i to ˈna fare.+
14 Te haamataraa i te hoê tamaˈi, mai te tatararaa ïa i te tahi tamauraa pape.*Hou te tamaˈi a paaina ˈi, a haere.+
15 Te taata o te parau ua tano te taata ino e te taata e faautua i te taata parau-tia,+Mea hae na Iehova ia raua e piti.
16 Eaha te apî no te maamaa mai te peu e nehenehe e noaa mai ia ˈna te paariAita râ oia e hinaaro ra e titau i te reira?*+
17 E faaite te hoê hoa mau i te here i te mau taime atoa+E e taeae oia tei fanauhia no te taime ahoaho.+
18 Te taata e ere ra i te haroˈaroˈa,* e horoa oia i to ˈna rima e e farii oiaE aufau i te tarahu a te tahi atu i mua i to ˈna taata tupu.+
19 Te taata mea au na ˈna te tatamaˈiraa, mea au na ˈna te hapa.+
Te taata atoa e faateitei i to ˈna uputa tomoraa, te titau ra ïa i te ati.+
20 Eita te taata aau piˈo e manuïa,*+E e ati te taata e paraparau ma te haavarevare.
21 Tei fanauhia mai ta ˈna e tamarii maamaa, e faaruru ïa i te oto.E eita te metua tane o te tamarii haroˈaroˈa ore e oaoa.+
22 E raau rapaau maitai te aau oaoa,+E ere roa râ te taata i to ˈna puai* i te aau hepohepo.+
23 E rave huna te taata ino i te peta*No te faahuru ê i te haavaraa.+
24 Tei mua mau te paari i te taata haroˈaroˈa,E overe haere râ te mata o te maamaa e tae roa i te hopea o te fenua.+
25 E otoraa te tamaiti maamaa na to ˈna metua taneE e otoraa o te aau* na tei fanau ia ˈna.+
26 E ere mea maitai ia faautua i te taata parau-tia,E e ere mea tano ia hui i te feia faaturahia.
27 Te taata e ite to ˈna, e haavî oia i ta ˈna mau parau,+E e faaea hau noa te taata haroˈaroˈa.+
28 E manaˈo-atoa-hia e feruriraa paari to te maamaa ia mamû oia,E e taata haroˈaroˈa te taata o te tapiri i to ˈna vaha.
Nota i raro i te api
^ Heb: “pûpû-noa-hia na te tusia.”
^ Aore ra “maniania ore.”
^ Aore ra “mootua.”
^ Aore ra “metua.”
^ Aore ra “tamarii.”
^ Aore ra “maitai roa.”
^ Aore ra “taata mana.”
^ Aore ra “e ofai e farii-maitai-hia ˈi.”
^ Heb: “tapoˈi.”
^ Heb: “mai te tuuraa ïa i te pape.”
^ Aore ra “Ia ere oia i te haroˈaroˈa?”
^ Heb: “aau.”
^ Heb: “maitaihia.”
^ Aore ra “E mǎrô roa râ te ivi.”
^ Heb: “E rave te taata ino i te peta no nia mai i te ouma.”
^ Heb: “mea avaava.”
