Maseli 23:1-35
23 Ia parahi oe no te tamaa e te hoê arii,A haapao maitai i to mua ia oe.
2 A tuu i te tahi tipi i raro aˈe i to oe arapoa*Mai te peu mea tamaa roa oe.
3 Eiaha e nounou i ta ˈna mau maa maitataiIa ore oe ia vare i te reira.
4 Eiaha e faarohirohi ia oe ia rahi ta oe mau taoˈa.+
A faaea, ia maramarama râ oe.*
5 Ia hiˈo atu oe i te reira, aita faahou,+E hohora mau â hoi te reira i to ˈna na pererau mai te aeto a maue atu ai i te raˈi.+
6 Eiaha e amu i te maa a te taata pipiri.*Eiaha e nounou i ta ˈna mau maa maitatai,
7 E au hoi oia i te tahi taata e tapao ehia ta oe ia faahoˈi ia ˈna.*
“A tamaa e a inu,” te parau mai ra oia ia oe, e ere râ tera ta ˈna e manaˈo ra.*
8 E pihaˈe oe i ta oe i amuA mâuˈa ˈtu ai ta oe mau haapopouraa.
9 Eiaha e paraparau i te tariˈa o te maamaa,+E vahavaha hoi oia i te paari o ta oe mau parau.+
10 Eiaha e faanuu i te tahi tapao otia fenua tahito+Aore ra e tomo i te fenua o te tamarii aita e metua tane.
11 Mea puai hoi to ratou Paruru.*E paturu oia ia ratou e e patoi ia oe.+
12 Ia farii to oe aau i te aˈoE to oe tariˈa i te mau parau e noaa ˈi te ite.
13 Eiaha e faaere i te tamaroa* i te aˈo.+
Ia tairi oe ia ˈna i te raau, eita oia e pohe.
14 I te raau oe e tairi ai ia ˈna,No te faaora ia ˈna* i te Apoo.*
15 Ta ˈu tamaiti, ia noaa i to oe aau te paari,I reira to ˈu aau e oaoa ˈi.+
16 E oaoa vau i roto roa ia ˈu*Ia parau to oe utu i te parau-tia.
17 Eiaha to oe aau ia faahinaaro i te feia rave hara,+Ia mǎtaˈu râ oe ia Iehova i te mahana taatoa,+
18 I reira hoi to oe oraraa a muri aˈe e maitai ai+E eita to oe tiaturiraa e faaorehia.
19 Faaroo mai, ta ˈu tamaiti, e ia noaa ia oe te paariE a aratai i to oe aau i te eˈa maitai.
20 Eiaha oe e tia i rotopu i te feia e inu rahi roa i te uaina,+I rotopu i te feia e amu haapuupuu i te inaˈi,+
21 E vevehia hoi te taata inu ava e te taata amu haapuupuu,+E no te varea taoto e oomo ai te tahi i te ahu mutumutu.
22 A faaroo i to oe metua tane i fanauhia ˈi oe,E eiaha e vahavaha i to oe metua vahine no te mea noa ua paari oia.+
23 A hoo mai i* te parau mau e eiaha roa e hoo atu i te reira,+Oia atoa te paari, te aˈo e te maramarama.+
24 E oaoa mau â te metua tane o te taata parau-tia.Pauroa te metua tane o te hoê tamaiti feruriraa paari te oaoa ia ˈna.
25 E oaoa to oe metua tane e to oe metua vahine,E e popou tei fanau mai ia oe.
26 Ta ˈu tamaiti, a horoa mai i to oe aau ia ˈu nei,E ia au to oe mata i to ˈu mau eˈa.+
27 E apoo hohonu hoi te vahine taiata,E e apoo pirihao te vahine e peu taotoraa tia ore ta ˈna.*+
28 E tamoemoe oia mai te eiâ.+Ia ˈna e rahi ai te tane taiva.
29 O vai tei ati? O vai tei huru ê?
O vai te tatamaˈi? O vai te amuamu?
O vai te pepe aita e tumu? O vai tei oru to ˈna mata?*
30 Te feia o te haamaoro ra no te inu i te uaina,+Te feia o te imi ra* i te uaina anoihia.
31 Eiaha e hiˈo i te û uteute o te uainaIa pihaahaa i roto i te hapaina e ia hee noa i roto i te arapoa,
32 I te hopea, e hohoni te reira mai te ophiE e faatupu i te taero mai te ophi taero.
33 E ite to oe mata i te mau mea huru ê,E e parau to oe aau i te mau parau au ore.+
34 E e riro oe mai te hoê taata e tarava ra i ropu i te moana,Mai te hoê taata e tarava ra i nia roa i te tira o te pahi.
35 E na ô oe: “Ua tairi ratou ia ˈu, aita râ vau i mauiui aˈe.
Ua tupai ratou ia ˈu, aita râ vau i ite.
Afea vau e ara ˈi?+
Hinaaro faahou vau e inu.”*
Nota i raro i te api
^ Aore ra “A haavî ia oe.”
^ Huri-atoa-hia “A vaiiho i to oe maramarama.”
^ Aore ra “e mata ino to ˈna.”
^ Aore ra “e numera ra i roto ia ˈna.”
^ Heb: “aita râ ia oe ra to ˈna aau.”
^ Heb: “Tei hoo mai ia ratou.”
^ Aore ra “tamarii,” “taata apî.”
^ Heb: “E oaoa to ˈu na mape.”
^ Aore ra “Ia noaa mai ia oe.”
^ Aore ra “mohimohi.”
^ Aore ra “o te haaputuputu no te tamata.”
^ Aore ra “E imi faahou vau i te reira.”
