Maseli 25:1-28
25 O te mau parau paari atoa teie a Solomona,+ ta te mau taata o Hezekia+ te arii o Iuda i papai:*
2 O te hanahana o te Atua ia tapea i te hoê parau huna,+E o te hanahana o te arii te tuatapaparaa i te hoê parau.
3 Mai te teitei o te raˈi e te hohonu o te fenua,Oia atoa te aau o te arii eita e noaa ia hiˈopoa.
4 A tamâ i te ota o te ario,E e mâ maitai te reira ia faura mai.+
5 A faaore i te taata ino mai mua mai i te arii,E e mau papu to ˈna terono i roto i te parau-tia.+
6 Eiaha e faahanahana ia oe iho i mua i te arii,+E eiaha e parahi i rotopu i te feia tiaraa teitei,+
7 Mea maitai aˈe hoi ia parau oia ia oe: “A pauma mai i ǒ nei,”
I te faahaamahia oe e ana i mua i te feia mana.+
8 Eiaha e ru i te faaô atu i roto i te hoê haavaraa,Eaha hoi ta oe e rave ia faahaama to oe taata tupu ia oe?+
9 A faaafaro ia orua to oe taata tupu,+Eiaha râ e puhara i te mau parau huna tei faaitehia mai ia oe,*+
10 Ia ore te taata e faaroo ra ia oe ia faahaama ia oeE ia ore oe ia faaatutu i te hoê faatiaraa ino* o te ore e noaa ia oe i te tapea.
11 Mai te apara auro i roto i te ario nanaˈohia*Te parau tei faahitihia i te taime tano.+
12 Mai te tahi tapea tariˈa auro e te tahi faaunauna auro tamâhiaTe taata o te tamaˈi ma te paari no te tariˈa faaroo.+
13 Mai te toˈetoˈe o te hiona i te mahana ootiraaTe vea haapao maitai no te feia tei tono ia ˈna,Ia ˈna hoi e itoito faahou ai to ˈna fatu.+
14 Mai te mau ata e te mataˈi o te ore e hopoi mai i te ûaTe taata o te haapeu ia ˈna no te hoê ô ta ˈna e ore roa e pûpû.*+
15 I te faaoromai e fati ai te hoê tapena,E i te arero mǎrû e fati ai te ivi.+
16 Ia ite mai oe i te meri, a amu noa i ta oe e hinaaro mau,Ia rahi roa hoi ta oe e amu, e pihaˈe pauroa oe i te reira.+
17 Eiaha e tia pinepine i ǒ to oe taata tupu,Ia ore oia ia fiu ia oe a hae atu ai ia oe.
18 Mai te omore tamaˈi, te ˈoˈe e te teˈa oiTe hoê ite o te pari haavare i to ˈna taata tupu.+
19 Te tiaturiraa i te hoê taata eita e nehenehe e tiaturi* i te taime ahoaho,Mai te huru ra ua parari to oe niho a amu ai oe i te maa aore ra aita i papu to oe tuuraa avae a haere ai oe.
20 Mai te hoê taata o te tatara i te tahi ahu i te mahana toˈetoˈeE mai te vineta o te niniihia i nia i te niteraTe taata o te himene no te hoê aau oto.+
21 Ia poia to oe enemi,* a horoa i te faraoa na ˈna ia amu oia.Ia poihâ oia, a horoa ˈtu i te pape ia inu oia,+
22 Te haapue ra ïa oe i te arahu ama i nia i to ˈna upoo,*+E e haamaitai Iehova ia oe.
23 E topa te ûa i te mataˈi no apatoerau,E e tuˈatuˈahia te mata i te arero hopoi parau.+
24 Mea maitai aˈe e parahi i te poro o te tafareI te parahi i roto i te hoê â fare e te hoê vahine faaipoipo imi hara.*+
25 Mai te pape toˈetoˈe no te hoê taata rohirohiTe parau oaoa no ǒ mai i te fenua atea.+
26 Mai te tahi pape pihaa reru e te tahi apoo pape haaviiviihiaTe taata parau-tia o te fati i mua* i te taata ino.
27 E ere mea maitai ia amu rahi roa i te meri,+E ere atoa mea maitai ia imi i to oe iho maitai.+
28 Mai te tahi oire aua ore tei tomohiaTe taata o te ore e haavî i to ˈna riri.+
Nota i raro i te api
^ Aore ra “i papai e i haaputu.”
^ Aore ra “parau huna no nia ia vetahi ê.”
^ Aore ra “parau faaino ta oe i faarooroo.”
^ Aore ra “tamauraa ario.”
^ Heb: “ô o te haavare.”
^ Huri-atoa-hia “taata taiva.”
^ Heb: “te taata mea hae na ˈna ia oe.”
^ Oia hoi no te tamǎrû i te taata e no te faatahe i to ˈna aau etaeta.
^ Aore ra “faahapahapa.”
^ Aore ra “faaau i te parau.” Heb: “turori i mua.”
